انا بدرس دبلوم تربيه خاصه ان شا الله ابتداء من السنه القادمه ..
احس شهادتي ماتوضفني..
ولازم اطور من قدراتي ..

عندي سؤال وأتمنى اللي تعرف تجاوبني
لما قدمنا في جداره وقت المكرمه كانت الوظايف كلها تعليمي بس كانت خانه للتربوي وخانه ثانيه لغير التربوي
وأنا إداريه وأخترت غير التربوي
واليوم أفتح على جداره ألاقي خيارات تعليمي وغير تعليمي
فهل إذا عدلت لكلمة غير تعليمي أدخل ضمن المفاضله على الوظايف الإداريه المشموله بالمكرمه الملكيه وإلا لا؟
أتمنى أحد يفيدني

بصراحة اكثر ناس مغلوب على امرهم هم بنات الحاسب بكالوريوس غير تربوي لعدة اسباب :

1- غير تربوي فما لهم حظ في المفاضلة التعليمية واحتمال بسيط يتعينون على الادارية في هالمفاضلة .

2- فيه من تخصصنا دبلوم وكثيييير سجلوا في هالمفاضلة نتيجة لسوء فهم و يمكن احتمال فيه منهم من طلعت اسماؤهم وحنا بنات البكالوريوس لا نزال ننتظر مع انه هالتقديم خاص فينا

3- الوظايف الادارية من الوزارة بالقطااااااااااارة يعني من اول ما فتح جدارة الى اليوم ما نزلوا للاداري الا 27 اسم فقط على حد علمي لا ومعهم الوظايف الصحية بعد

يعني وين نروح و وين نولي !!! لا تعليمي والاداري بالحسرة وش نسوي باعمارنا

دراستنا يبيلها ممارسة ولا ننساها ,, وش نسوي يعني نتنقل من قطاع خاص لقطاع خاص

اذا باشتغل بمدرسة اهلية تعالي شوي كل شي على راسك ابتدائي و متوسط وثانوي و شغل الادارة و حفلات المدرسة من عروض وبروشورات والراتب يا رب لك الحمد على كل حال

ولا نروح للشركات اللي نطلع من الصبح وما نرجع للبيت الا مع اذان المغرب ,, هذا غير الاقسام اللي فيها اختلاط

نبي حقنا نبي حقنا نبي حقنا

اوكي الوظايف التعليمية معاهم حق انها خاصة بالتربويات لانه فيه مواد يدرسونها تعلمهم طرق واسس التدريس وخلافه

لكن نبي حقنا بالوظايف الادارية ,, انا بكالوريوس حاسب و نظم معلومات ادارية دراسة 5 سنين عطالة 4 سنين وش ذا ما يصير يا عالم والله قهرررر اتقوا الله فيها عطوا كل شخص الوظيفة اللي تناسبه

اللهم اني فوضت امري اليك

لا المشكلة تخصصي يعتبر تربوي ونزلنا مدارس لكن الشهادة جامعية غير تربوية من نفس الجامعة..

الله يفرج عننا بس ايش نسوي لا وكمان لو نبغى ندرس دبلوم بفلوووس نلاقيها من فين ولا فين ؟؟

انا علوم اداريه ودي اقول يستبعدون اي احد غير علوم اداريه بس ماقدر عشان كذا انا ايضا اتمنى تستبعد التربويه للعداله ....... والله لو ينعطى الكل وظيفه ماقلنا كذا بس الله المستعان