آلي يشوف موضوعي يدخل ضروري

عآطل ينتظر الفرج · #1 (**permalink**) 11-03-2012, 06:29 PM

السلام عليكم ورحمة الله وبركاته
آخوآني آنآ رحت وقدمت ع امن السفارات
ومشى معي الطوول والوزن الحمدلله
بس رجعووني بعدين وقالولي انت لابس نظارات
لازم تسوي تشطيب والتقديم بيخلص نهاية الاسبوع ذا واحتمال الاسبوع الجاي
والله اني رجعت محبط ومهمووم وحالتي حالة
انا كتبتلكم ابغاكم تساعدوني
الي يعرف مستشفى يسوي ليزر خلال هاليومين وبسعر مقبوول يدلني عليه
وربي اني في هم مايعلمه الا ربي
والله يفرررج عليكم كل كربة ويرزقكم جميييع ماتتمنون

دووم · #2 (**permalink**) 11-03-2012, 06:35 PM

طيب في أيت مدينة أنته موجود علشان الواحد يقدر يفيدك بالمستشفيات الي فيها

يارب سترك وعفوك · #3 (**permalink**) 11-03-2012, 06:36 PM

وسع صدرك ياخوي ماتضيق الا تفرج ان شاء الله . واذا على المستشفى فيه العيادات الشامله للحرس الوطني . الموقع بالرياض حي ام الحمام . القيمه 5800 ريال . شامله الفحص والعمليه . الله يوفقك ويوفق الجميع .

سهم المنيه · #4 (**permalink**) 11-03-2012, 09:57 PM

[align=center]اخوي عاطل فيه عيادات على طريق التحليه فالرياض اسمها عيون العالم انا سويت عندهم تشطيب تكلفة العمليه و الفحوصات 5500 الكشف 500 و العمليه اذا تبي بعد الكشف على طول ما تاخذ عندهم ساعه الكشف و العمليه .
العمليه طبعا مدتها 15 دقيقه لكن جهز فلوسك
موفق بأذن الله
[/align]

بناخي مرزوقه · #5 (**permalink**) 11-03-2012, 11:27 PM

رح مستشفى الحبيب بالرياض يفحصونك قبل لا يسوون العمليه
روح احسن لك

سبيشل ون · #6 (**permalink**) 11-03-2012, 11:50 PM

لا تبدي على العيادات الشاملة الي قالها العضور يا رب سترك
تراهم كويسين ومحل ثقة لانه من افضل المستشفيات بالرياض مستشفى الحرس
وفيه الحبيب الحبيب كويس شف بطريق الملك فهد وبوه فرع ثاني بالريان على طريق خريص اذا تعديت تقاطع الدائري الشرقي اول خدمه خذ معها تلقاهم على اليمين بعد الجميح .
وعسى ييسر امرك والدعوى وانا اخوك تساهيل تساهيل بيفرجها ربك انشاء الله وكثر من الاستغفار
وبسالك انت مقدم بالثانوي ولا دبلوم ؟؟ وهل ينفع نقدم بدبلوم ؟