بسم الله الرحمن الرحيم

السلام عليكم ورحمة الله وبركاته

كان يوم امس السبت من اصعب الايام واكثرها ايلاما على نفسي وعلى اسرتي

والله ما قدرت اكل او انام وماصدقت النور يطلع وتجي الساعه 8
واروح اصعب واثقل واطول مشوار
مالكم بالطويله رحت الفرع النسائي لوزارة الخدعه وانا عارفه من داخلي انهم لايهشوا ولا ينشوا
وفعلا طلعت بخفي حنين من عندهم
وعلى طول للوزاره اللي بحي النموذجيه ويطلع زوجي لهم ويقابل خدمات المراجعين
وعطاهم سجلي وقال هذي نقاطها 88ناقصه درجه ونص عن الحسبه الاصليه ليش!!الله اعلم
المهم قال مالها ترشيح ولا هي بالاحتياط حتى ولاتتعشم بوظيفه هالسنه تنتظر للسنه الجايه
قال زوجي اقدميتها 14سنه وتربويه ومعدل عالي ومرتبة شرف وش تنتظر بعد!!!!!!!
المهم طلع فوق الدور الثاني حاول يقابل مسؤول الترشيح وماقدر
وارسلوه لموظف يمدحه ويقول اخلاق وباله طويل والمراجعين عنده كثير جدا ويتحسبوا ويخانقوا وصوتهم عالي اسمه (الحامد) مسؤول التوظيف
لقى شايب يقول بنته مقدمه على 45منطقه وجايبه 90وماترشحت
ويقول العالم قايمه على ترشيحاتهم وان فيه دبلوم وان مفاضلتكم فاشله وظالمه ومشكوك فيها
قالهم يااخوان احنا نتعامل مع بيانات مسجله ومانعرف الصح من الغلط الا بالمطابقه
واي وحده ماهي بكالوريوس بتطلع ويرشح غيرها
المهم عطونا فرصه لبداية خمسه ويصير خير ومالكم الا اللي يرضيكم
طلب منه درجة آخر وحده ترشحت من تخصصي وطبع له ورقه مو بين فيها الا الاسم والتخصص ونقاط المفاضله الناقصه
وقاله تعالي بعد 12/5 واعطيك ترتيبها
وهذا كل اللي صار وحبيت اخبركم فيه والله يسهل امري وامر كل مغبونه ومقهوره
والله على كل ظالم