13-03-2012, 11:06 AM
|
 |
|
|
تاريخ التسجيل: Jun 2007
المشاركات: 8,050
معدل تقييم المستوى: 21474888
|
|
اقتباس:
المشاركة الأصلية كتبت بواسطة أحساس مترف
بس الحياة ما تستقيم وأنت تعيش الفراغ وفتن وآمنيات
أحنا مانبي شي نبي نحس أننا نعيش حياة طبيعية
قولي لو تعيش فراغ بتستقيم عبادتك ..!!
بتصلي زي الناس بتصوم زي الناس بتحس ببر والديك زي الناس
أحنا نحس بضياع كل شي منا حلو يروح
مين يحس بطعم صلاته وهو طول وقته نايم يقوم عشان يصلي ويرجع ينام
أو مين يحس بصومه وهو أصلا ما حس بالجوع حياتنا تبلد ..
حياتنا فراغ نبي يوم غير عن الثاني بس مافي فرق
وحتى لما نغيرها ونسوي شي جديد نسويه وعندنا يقين أنه بدون طعم وبدون معنى
قولي أحنا وشوو الحين وش فرقنا عن الحيوانات الله كرمنا بالعقل والدين وصرنا زي الأسرى
يعني ناكل ونشرب ونام
لما أسو شي غلط أقول لا أنا ما أسوي هالشي طيب ماقدامي إلا هالشي <<< لأ ثم لأ ثم لأ تحملي و تصبري لأن حنا في إختبار معليش خليك أقوى و لا نضعف ولا نستسلم
أصلا محد يحس محد يفهم محد يقدر
أنا عندي ثقه بالله بس أنا مليت أنا مابي أكمل حياتي بهالأسلوب
لو أننا مجرمين كان الوضع فيه أختلاف فيه أكشن كان فيه كر وفر مع النفس
يتوب يرجع يغير حاله أي شي
بس حنا لا تبلد تبلد والله تبلد
|
أحساس مترف :
السلام عليكم و رحمة الله و بركاته
لا إله إلا الله محمداً رسول الله ... كلامك مؤلم ..... بجد مؤلم
معليش يا أحساس مترف تحملي شوي و تصبري صدقيني ما بعد الضيق إلا الفرج
شوفي حنا مو أحسن ولا أفضل من الأنبياء و الرسل اللي صبروا و تحملوا كثير ... شوفي كيف الرسول صلى الله عليه و سلم تحمل حتى أدمي شوفي كيف أهل الطائف وش سو فيه و كيف صبر شوفي كيف قبيلته وهو عند الكعبه ساجد وش رموا فوق راسه ... شوفي وش صار له في غزوة أحد ... معليش يا إحساس ... ممكن هذا إبتلاء و إختبار من عند الله عز و جل ربنا يبغى يختبرك هل بتصبرين ولا لأ ؟ مين حنا ؟ غيرنا الكثير اللي عنده الشهادات الجامعية ولا لقى شيء ... غيرنا رجع لبيته ولقاه انهدم على اللي فيه ... بنت ترجع للبيت و تلقى بيتها مقصوف وين تروح ؟ وش تسوي ؟ كيف تتصرف ؟ غيرنا عند الإشارة يتشحذ ... غيرنا عايش في عشه .. غيرنا في غربه و بعد و تعب و قلة فلوس و مصاريف ... غيرنا مسجون وهو مظلوم ... غيرنا مو ملاقي اللقمه ياكلها من شاف بلاوي الناس هانت عليه بلواه ... ترى يكون في علمك في عندي كلمة دايم أقولها ... ترى الموظف و غير الموظف الكل عنده هموم و الكل في عنده تعب بحياته ... ليش ما نقول الحمدلله على إننا أحسن من غيرنا على الأقل ننام على سرير و نتلحف ببطانية و وقت الغدا نتغدى و وقت العشاء نتعشى غيرنا مالقاها " الحمدلله على القليل و الكثير ... و خلنا نقول الحمدلله على الأقل عندنا نت و بنتكلم ... ليش حنا نربط السعادة بالوظيفة فقط ...
ليش ما وقفنا في الليل لوحدنا من دون علم أحد و دعينا ربنا الوالي المتعال بكل صدق و خشوع ... ليش ما نستغل اوقات الفراغ و ندخل تحفيظ قرآن ... ليش حنا لما نصلي ما نحس بطعم الصلاة ... لأننا نصلي و همنا و تفكيرنا فقط في الوظيفة ليش صرنا نحبط أنفسنا بأنفسنا و نشبه أنفسنا بــ ... معليش يا أحساس مترف لازم نتحمل و نصبر هذي الدنيا كذا في كل دولة فيه فقر و في كل مكان في عطالة و في كل مكان فيه ظلم ... كل إنسان مبتلى ولازم نحتسب الأجر من الله
يعلم الله إني مقدر شعورك ... و يعلم الله إنه شعور مؤلم و قهر إن البطانة خذلتنا و إن فيه تقصير من وزارة ديوان الخدمة و إن صار فيه تلاعب في برنامج حافز و جدارة و فيه تقصير من موظفي الدوائر الحكومية و كأن البلد ما فيها حسيب ولا رقيب ... ليش حنا ما نتوكل على الله حق توكله مثل أخبرنا نبينا و حبيبنا محمد صلى الله عليه و سلم ... لازم نقاوم أي ضعف .. لازم حنا نتحدى الوقت لاوم حنا نبادر و نقدم هنا و هناك و نتفائل بالله عز وجل ... حتى لو كان معنا البكاراليوس وش اللي يمنع إننا ما نتحصل على الماجستير ... ليش ما نقدم في هالشركات لين الله يفرجها .... ليش ما ندعي على اللي ما يخافون الله من أهل البطانة الفاسدة ؟ وش اللي يمنع إننا نقدم شكوى لأبو متعب ببرقية أو نكتب في الجرائد من تعنت موظف أو تقصير دائرة حكومية معينه ... حتى لو كان فينا إحساس و شعور إنها ما توصل لكن ليش من أول محاولة نيأس و نوقف ؟؟؟
لا ترضخي لشعور اليأس و الإحباط ...... و لا نستمر بالتفكير السلبي لأنه راح يقودنا للكآبة
و للعلم أغلب اللي تقدموا للوظيفة و بعد كذا سنة صاروا موظفين أغلبهم مر بهالشعور اللي نحس فيه الحين ... ما تضيق إلا تفرج إن شاء الله
هي قصص و تجارب كثيرة ... واحد يقول صبرت 3 سنين و بعدها و في يوم واحد و وقت واحد جاتني وظيفتين أنتهى من المكالمة الأولى و إلا و على طول الجوال يرن من ثاني و بعد عن وظيفة
الله يفرج همومنا و غمومنا و ينفس كربنا إن شاء الله
التعديل الأخير تم بواسطة الغازي ; 13-03-2012 الساعة 11:15 AM
|
العرض العادي
