السلام عليكم ورحمة الله وبركآته ..

اسعد الله اوقاتكم بكل خير . .

اللهم لك الحمد حتى ترضى ولك الحمد اذا رضيت ولك الحمد على كل حآل ..

نعم الله علينا لا تعد ولا تحصصى والحمدالله ..

عندي مشكلة . .ومعقدتني شوي نوعآ ما ..

انا طالب جامعي بسنة ثانية .. خلصت 39 ساعة باقي لي 100 ساعه

اكيد تعرفون ان المكافأة 990 ريآل .. ويعلم الله ماتكفي ..

انا عندي الوالد لكن الوالد مسحور ومو متقبلني كثير يعني لما اقعد معاه مرره الوضع رسمي
اذا تكلمنا مدري شلون تقلب السالفة هوشه علي
ولا ابي اطلبه فلوس لان اخواني كثار وديونه من الراجحي ( الله لا يوفقه من بنك ) هد حيله بسبب انتكاس الاسهم ..

حاولت اشوف لي ابتعاث داخلي انضم له ماحصصلت !
والوالد يقولي سو اللي تبي ... تبي تكممل تبي تسحب ملفك سو اللي يريحك !

والصرراحة صايرة المادة شي متعبه جدا جدا جدا ! ..

اللي زايد همي ان عندي صآحب .. من كثر ما اغليه اشوفه اخوي اللي ماجابته امي ..

حالته اردى من حآلتي بكثير .. يدرس بجامعة بمنطقة ثانية .. وبرضو عايش ع المكافأة,
والمكافاة ماتكفي بالمرة .. احيانا يضطر يدق علي يقولي ي فلان تكفى شف لي مبلغ حوله لي , لي يومين ما اكلت !

وهالشي مأزمني لان وضعه كذآ مايسسسر !

وش نسسوي يعني نترك طموح الدراسة ونقعد نتوظف حآرس آمن ولا كآشير عشآن نعيش برآحة وضغط اخخف ؟ مو معقولة كذآ ..

المشكلة الصراحة من هالوضع عرفت كيف ضعاف النفوس يستغلون امثالنا .. يغرونهم بمبالغ مقابل اشياء بسيطة .. كتوصيل الكمية من المنطقة الفلانية لمنطقة فلانية والمبلغ جدا جدا عاللي مقابل هالشي !

طبعا الشخص له مبادئه الدينية مايقدر يتجاوزها

يعني والحظ مو مآيل الا منسسسدح ونايم .. صآحبي حصل شخص اتفق هو وياه على انه يصرف عليه لفترته الدراسية بحيث يمشي له مبلغ وقدره شهريا ويرجع يسددها لا خلص دراسته ..

بعدها ب4 ايام توفى الرجآل الله يغمده الجنة على طريق سفر ..

طموحاتنا ايام الثانوية وكيف كانت نظرتنا وسبحان الله بطرف 3 سنوات كل شي كنّا نتخيله انقلب فوق تحت ..

معدلي من 4.44 .. وبدآ يدحدددر

اذا فيه احد يقدر يفيدنا باماكن الابتعاث الداخلي .. غير ارامكو

ع العموم هي مجرد فضفضة حبيت اكتبهآ قبل المذاكرة بإسلوب مستعجل لان عندي اختببار ..
اللهم لك الحممد ف فضلك علي لا يعلمه سوآك ..

تحيآتي لكم

السلام عليكم ورحمة الله وبركاته ..
اخوى لاتوقف موضوعك مو يجرح الايحز في الخاااااااطر
والله ماعندي خلفيه عن الابتعاث الداخلي والله يفرج همك من حيث لاتحتسب
وانت قلت فضفضه سمعناك وربي يعينك انت وصديقك

[align=center]عســــالله يفرج همك ويسعدك ويرزقك من اوسع ابوابــــــهـ
ماعندي خلفيه والا كان افدتك ..[/align]

كَلمِتَينَ تُذهِبْ آلفَقِرَ وَ تُمْطَړ آلسّمَآءَ '[ إسْتَغّفِړ ٱللھَ ]






الله يكون بعونك وييسر لك امرك يا رب

( وقلت استغفروا ربكم انه كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارا )

اخوي بصراحه مافهمت فكرة الابتعاث الداخلي
ليه ماتقدم على العثيم او السدحان اي وحده من السوبر ماركت الكبيرة
يعطونك 3500
خلها شغل جزئي
وبتساعدك كثير

الله يكتب لك الخير ويبعد عنك وعن المسلمين عيال الحرام

استغفر الله واتوب اليه
الله يفرج همك وييسر امرك

الله يفرج هممك ويرزقك يا رب


كمل طموححك ودرااستك الله مايترك احد توكل عليه وكفى

حاول ان تشتغل ولو بعمل ساعاته معقوله بحيث تستطيع ان يتلائم العمل مع دراستك ، اما من ناحيه الراجحي فلماذا تدعوا عليه...'
فهوا لك يجبر إخوانك ع شرآء الأسهم ، وايضا لم يكن مسئولا عن تدني الأسهم ، فهذه موجه خسفت بلعالم أجمع .، فهذا حال الربا فكيف تريد أن تربح ، ان رأيت من شخص عملا لا يسرك ادعوا له ولا تدعي عليه ، وفقك الله

الابتعاث الداخلي مفتوح والمنح بتفتح بواحد رمضان وتنتهي 29 رمضان
اخوي اول شي تروح للكليه اللي تبي تدرس فيها وتدفع الرسوم وهذي الرسوم غير مسترده
وبعدها تسجل فالمنح الداخليه بداية رمضان بس لازم تتاكد ان الشروط تنطبق عليك ع العموم بفتح موضوع بهالخصوص

[align=center]صبراً جميلاً وبالله المستعان
الله يفرج همك وهم خويك
[/align]