السلام عليكم ورحمة الله وبركاته

شلونكم أخواني وأخواتي ..

يآلربع أنا حصلت لب مغسلة سيارات بالرياض ، ثلاث فتحات في محطـــــــــة ، وفيها البستم ، من يقول انه ممنوع ..

المهم مثل مااقول لكم المغسلة ثلاث فتحات واجارها شهريـــــــاً 3500 ، ويبي يقبلها عليّ ب 65 ألف ، ومعها أربع عمال ، والخميس والجمعه يجون إثنين زياده ، يعني يصيرون 6 ايام الخميس والجمعه !

لكن المشكلــه اللي متخوف منها واللي شاغله بالي العمال ، من افريقيا هم ، بس مو على كفالة صاحب المغسلة القديم مدري على كفالة منو ، وانا اخاف بعد مااشغل المغسله مضبووط وأخليها زي الفل ، يشوفونها تدخل ذهب ويتشرطون عليّ ، واذا رفضت لهم مطالبهم يتركون المغسله وأخسر الدراهم اللي حطيتهم في هالمشروع ودم عمري !!!!!!!!!

أنا ب أعطيهم بالنسبة 50 % لهم و 50 % لي ، يعني النص بالنص ، مع إن غسيلهم تعباان وخاااااااااااايس ، لكن المغسلة ماشيه سياره ورى سياره ،

ب أشد عليهم بالبدايه وأجيب لهم عامل أعرفه من الطاايف مثلهم من افريقيا ، متفق معه يعلمهم الغسيل السنع وكل شيء ، وخوفي اشد عليهم وأضغط عليهم ينحاشون وأكل هوى



فاللي عنده طريقــه أقدر أضمن فيها حقي مع هالافارقه ، ياليت يفيدني .. أنا انسان الحمد لله ذو شخصيه قويه وقيادي ، وإن شاء الله أعرف أتصرف في كل مشكله أجيب لها حل ، إلا هروب العمال ، مررررررره ما باليد حيله في هالشيء ، وش أسوي أربطه في رقبته وأقول إشتغل غصبن عليك !

ولا هو على كفالتي حتى أقدر أهدد بالتسفير لـ بلاده

أدري إني طولت هذره ، لكن أتمنى اللي عنده حل يفيدني ،

الله يوفقك يارب
لكن جرب الارباح النص بالنص او عطهم راتب وفوقها نسبة
او اذا قالو لك ححنا نبي نستاجره منك ماعندك مشكلة بشرط يعطونك 4000 او 5000 تراها مش بطالة وانا اخوك
اهم شي شف اللي يرضيهم لانهم موب على كفالتك

طيب لو جاء كفيلهم اللي انت ماتعرفه حتى
وسحبهم أو سفرهم وش بتسوي بعدين ؟؟؟

جب عماله ع كفالتك أو أنقل كفالتهم ورتاح

نصيحة مني لك انا جربت الشغل في المغاسل 99% اذا العامل مو علي كفالتك انت راح تقفل لا محالة وانا اكبر مثال لك لعبو في العمالة من بنغالي الي اتشادي الي حبشي نصيحة مني لك اذا العمال مو علي كفالتك لاتحط قرش واحد حاول انك تجمع فيز من برا يعني تجيب سواق علي كفالتك وسواق علي كفالتك اخوك وتفتح محل مقاولات وتاخذ اثنين الي ماتجمع لك عدد سبعة عمال اقل شئ تحت كفالتك تحرف وتصرف فيه علي كيفك بعدين خذ المغسلة وقلبك علي كراسيه مايقدر العامل يقول معاك شئ والله يوفقك دنيا واخره ويرزقك من حيث لاتعلم

مشكورين ي أخوان على المرور

الظاهر السالفــه فيها نصبــه ويبي ينصب عليّ ، لكن معصي ماجابته أمه اللي بيسرقني في ريال واحد

وتكنسل المشـروع ، والحمد لله على كل حال ~

الخيره فيما اختاره الله ،، اتمنى لك التوفيق في المرات القادمة

لو . فيهـآ . خير . مـ ـآ رمـآهـآ .. إلططططير ...

مـآإنصصحك ... فيهـآإ .. وإنت . بكيفك ..

ووودي ~