18-03-2012, 12:33 AM
|
عضو نشيط
|
|
تاريخ التسجيل: Mar 2012
المشاركات: 126
معدل تقييم المستوى: 27
|
|
*للامانه منقول من احد الأخوات
تاريخ التسجيل: Jan 2012
المشاركات: 65
معدل تقييم المستوى: 10374
اليوم رحت لوزارة الخدمه المدنيه تعلوا أعلمكم وش صار
السلام عليكم
خواتي بكتب لكم أش صار اليوم
صحيت وقمت صليت ركعتين واستخرت بروحتي للوزاره والحمد لله
وطلعت الساعه 8 ونص ولما وصلت شفت بنات متجمعات ورافعين لافتات وقلت لزوجي حطني معاهم قال يابنت الحلال الدوريات موجوده وظباط مايبون تجمعات ومانبي مشاكل قلت انا استخرت وتوكلت ع الله موب صاير الا الخير
ونزلت
البنات صاروا البديلات الي مو ع راس العمل ويطالبون بالتثبيت ماشاء الله عليهم في بنات جايين من ابها ومن الجوف ومن الحسا
قلت لهم انا مو بديله انا عاطله وحتى عقود ماجاتني قالوا انتي مو معانا روحي داخل في بنت وحده مثلك
المهم في عساكر ع الباب قلت انا ابي ادخل اكلم الوزير قالوا ادخلي ومن حقك
دخلت الوزاره وشفت الوزير بوجهي ماسكينه بنات داخل وعجوز ماسكته تشتكي احسه متورط يقول وش مسكني هالوزاره
المهم وقفت معاهم وقال انتظروني بروح وبرجع قمت نطيت قلت ياوزير انا مو بديله انا عاطله وقضيتي غير قال انتظري برجع
المهم انتظرنا حول الساعه ودخلوا الي في الشارع تقريبا 50 بنت او اكثر بشوي
احسهم متكاتفين وانا ضايعه بينهم ومعاي وحده بس
وكان في اثنين تابعين للمباحث يصورون عشان يرفعون لوزارة الداخليه
المهم شويات وقالوا روحوا المسرح عشان عددكم كبير وانتوا واقفين في المدخل
دخلنا وقعدوا حول االنص ساعه وجا الوزير معاه اتوقع المساعد
وقعد فوق المسرح وقال وش قضيتكم
قامت وحدده من البديلات وتكلمت عن الكل وهو يرد عليها او مساعده بعدين صارت فوضى بين البنات ارتفعت الأصوات ورجعت البنت هدتهم
هو كلامه يوعدهم خير وانو شكل لجنه وماراح يدخلون مفاضله ويهديهم
بجد وجهه منخطف الوزير مايبي شوشره وتجمع لانه جديد
كل ذا وانا مرتزه قدام وكل شوي رافعه يدي ابي أتكلم بس البديلات مايعطون فرصه ويقولون لي اصبري لاتخربين علينا إحنا متجمعات عشان قضيتنا المهم انتظرتهم لين تقريبا انتهوا ورفعت ايديتي رغم أني مادري وش اقول ذولي جايات متفقات وعارفين أهدافهم انا بس جايه ابي وظيفه
المهم الي جالس جنب الوزير ويرد معاه يشوفني وانا ارفع يدي وقال تكلمي
جاتني للشجاعه وقلت انا لي 6 سنوات متخرجه وكانت اللمكرمه الملكيه فرصه لي لأنكم الغيتوا الخبرات والدورات وكان الاحتياج لقسمي كبير وقدمت ع كل المناطق وماترشحت قال في دفعات جايه لانهم بيستبعدون الدبلوم والغير تربويات
قلت طيب في المفاضلات الجايه بترجعون الخبرات والدورات وكذا حرام لان ماقدر أخذ دورات لانها غاليه وفي غيري كثير والخبرات المدارس الآهليه يبي لها واسطات من وين اجيب لكم خبرات وحتى العقود ماقد جاني عقد
قال في المكرمه ألغوا الدورات والخبرات لانهم راعوا الجانب الاجتماعي بس للحين ماصدر قرار هل بيرجعون يحتسبونها او لا
وقام قال انو في دفعات جايه بديل المستبعادات وانو بتنزل 11 الف وظيفه إداريه قريبا
وفي وحده تكلمت عن الاحياء النبات والحيوان وانهم مادخلوا المفاضله
رد عليها الوزير بنفسه واهتم لقضيتها ووعدها خير
بنات الوزير مره متفاهم وياخذ ويعطي بس ياليت كان معاي بنات مثلي احس مأخذت فرصتي بالكلام
المفروض نرفع مطالب لنا بتوفير وظائف وتقاعد كبيرات السن وكل الي نكتبه في المنتديات ونرفعها للوزير صدقوني هو يبي يحافظ ع كرسيه ومايبي مشاكل وراح يتجاوب معانا
اليوم البديلات كانت مطالبهم واضحه وكاتبين اعتراض وحاطين اساميهم متحدين الله لايضيع لهم تعب
عموما انا روحتي كانت من باب أني افعل السبب ولا الرزق بيد الله سبحانه وانه وحده مقسم الأرزاق وانا توكلت عليه
بس قلت مابي اتواكل وأقعد بطلع وافعل الأسباب وأستعين بالله سبحانه والله لايضيع لي تعب
وان شاء الله نفرح بترشيحنا في الدفعات الجايه سبحانه على كل شي قدير
وهو سبحانه كريم كريم كريم
*
__________________
خريجة لغة عربيه والعلوم الاجتماعيه
عام 1427
ربي اني لما انزلت الي من خير فقير
* #2 * * *
اليوم, 04:51 PM
التعديل الأخير تم بواسطة قطرة في البحار ; 18-03-2012 الساعة 12:35 AM
سبب آخر: كتابه المصدر
|
العرض العادي
