شـكرا لك وبارك الله فيك... لك مني أجمل تحية .

لاكن عندي استفسار
تنصحني بدراسه بالخخآرج

ما ابي سواك: مشكور اخوي على ردك الطيب وربي يرزقك ويوفقك يا رب يا كريم

كينكان: هلابك اخوي والله الدراسة بالخارج طيبة كثير لكن حط في بالك انك بتروح تركز بدراستك وتحاول توجد لك عمل هناك تحاول تثقف نفسك بمجتمعات متطورة وتحاول ايضا تعتمد على نفسك ونصيحة ابعد عن الرفقه السيئه خصوصا العرب والسعودين اقولها لك بكل اسف وربي يوفقك يا رب اكيد اؤيدك بقوة بعد

[align=center]اخوي سعود

الله يوفقك ان شاء الله ومسيرتك هذي اذا تدل على شي فأنها تدل على انك لست غير اتكالي في ناس مثل مكانك ومستواك يقول انا ليه اسوي وافعل واروح واجي وابوي عنده وعنده .... عسا ربي يوفقك ويرزقك من واسع فضله

لاكن انا عندي نقطه يمكن اني اعترض معك فيها ويمكن اعتراض يكون غير صائب الي هو انك تقول ليه ماتشتغلون ولا تقولون عيب ومو عيب انا معاك ان مافي شي عيب الرسول عليه الصلاه والسلام كان راعي غنم
لاكن انت الوظائف الي اشتغلتها هناك كانت تدخل لك مدخول جيد وانت قلت انها اكثر من راتبك الان يعني شي يستاهل انك تشتغل علشانه لانك انا لو ابي اشتغل لو قرسون هنا بالسعوديه بغض النظر عن العقليات الي موجوده عندنا راح تمر عليك لاكن وانا اخوك هنا بيعطيك 2000 او 3000 وانت متغرب عن ديرتك يعني وش تكفي وش تخلي وانا اخوك بتقولي اشتغل شغل ثاني طيب انا وين اقدر اشتغل شغل ثاني والدوام اقل شي بيكون 6 ساعات هذا اذا لقيت الي يوظفك بـ 6 ساعات اغلبهم اذا ماكان كلهم 8 ساعات

يعني ياطويل العمر امريكا من الاول ماشين على هالششي يعني شي يحفزك انك تشتغل وديمقراطيتهم الي كل انسان في حاله وفي شغله ماتلقاها هنا عندنا بالسعوديه

وجهة نظر ممكن تكون صائبه وومكن تقول لا

تقبلها مني ودمت بخير [/align]

منور اخوي محمد واسعدني تواجدك ونقاط اعتراضك وهي بحق لم استطع توضيحها للاخوة والزملاء

اخي العزيز صحيح اعلم ان في المملكة عندنا غير امريكا خصوصا كا مدخول وهذا لاحظته شخصيا لكن قصدي اخوي محمد مثل العامل الاجنبي يجي يشتغل بدوامه ويطلع يشتغل بشي خاص فيه ويطلع ويشتغل بشي ثاني ويجمع فلوس ويفتح له شغل في بلده ويجمع ويشتغل ويشتغل الا ما يلقى له فرصة فرصتين 3 4 5 6 7 8 9 10 لان فتح على نفسه مجاله يعني ما قال لا اجلس بالمطعم واكتفي لا هو اشتغل بالمطعم بالاضافة اشتغل في مكتب امدادات صحية على سبيل المثال وزادت علاقاته بالناس تعرف على اناس جدد انا بفضل يهودي غير مسلم حتى تحولت من العمل القرصون الى عمل بوظيفة رائعه في البنك العمل يكسبك الفرص فهمتني اخوي واتمنى لك النجاح وجاهز لاي استفسار

[align=center]اخي سعود كلامك جميل وواضح

انا معاك بكل الي قلته لاكن لازم يكون في بالنا عامل فرق العمله بيننا وبينا الناس الي تشتغل عندنا يعنيالاندونيسي يستلم 1000 ريال كم يساوي بالروبيه عندهم يعني يسوي لها اشياء كثييره لاكن انا لو استلم لي 3000 ريال لو مثلا بقول اني بجمع لي كل شهر نصف الملبغ 1500 ريال واصرف النص الباقي يعني 1500 كم يبي لي اجمع منها علشان اوصل للمبلغ المنشود او الـ 1500 هل بإعتقادك انها راح تكفى رجل عزابي في ديرة ماهي ديرته مابين اكل وشرب وسكن ومواصلات

حبيبي سعود انا معاك بكل نقظه قلتها وانها ممكنه وصحيحه لكن هنا بالسعوديه تتحطم قبل ماتبدأ

اشكرك

دمت بود [/align]

طيب اخوي محمد منور ونقاشك جميل ليه جبت العامل الاندونيسي مثلا ليه ما قلت الاردني على سبيل المثال الدينار يساوي 5 ريال فرق العملة هذه موجودة بكل البلاد وفي الكثير وفي القليل

انت راتبك مثال 4 الاف ريال مصاريفك الشخصية كا اعزب مع جوالك والبنزين نقول 1500 شهري خليها 2000 ال 2000 الباقيات حطهم بالبنك واجلس صح بس انا مقصدي غير انه بدال ما تصرف 2000 تصرف 1500 والي يبقى 2500 تروح تشتري اي شي من تجار الجملة وباوقات فراغك تمر على المحلات والمؤسسات وتبيع وتبيع لقرابتك وكذا الدنيا حركة حياك الله اخوي

واللله كفوو و300 تلرليون بليون كفوو

كفوووك الطيب اخوي عماد منور

أخوي دقيقة دقيقة

كيف تشتغل وانت طآآلب ونظام الهجرة والجوازات في امريكا وبريطانيا ودولة المجلس الأوربي يمنع الطآلب الي يحمل فيزآ طالب ان يعمل في اي مكان ولو اشتغلت المكان الي تشتغل فيه يتقفل لمدة سنة تقدر تتاكد من هالنظام النظام هذآ له اكثر من عشششرين سسسسسنة

اخوي المصدر الفيزة نوعين اف 1 واف 2 انا فيزتي كانت اف 1 لان كنت طالب على حسابي اولها وبعدين انضميت للبعثه ماني مبتعث من الديرة اما الاف 1 فتسمح لك بالعمل داخل الحرم الجامعي هذا وخارجه لازم تكون حاصل على ITIN بامريكا اما بخصوص اوروبا واستراليا ونيوزلندا يستطيع الطالب العمل 20 ساعه في الاسبوع باية مكان منور الموضوع حياك