السلام عليكم ورحمة الله وبركاته

اليوم رحت طابقت اوراقي في جدة

وصلت الصباح بدري أول ما بدأ الدوام
واخذت رقم وانتظرت دوري
كان كل شيء مرتب
والموظفات اللي يطابقون 8 ويمشون البنات بسرعة ولا يدققون
وفيه مشرفه سألتها عدة استفسارات عشان البنات هنا وصوني في عدة أسئلة

لكن قبل ما قول لكم ايش الأسئلة واجوبتها
بقلكم المشكلة اللي حصلت مع خريجات ( كليات اعداد المعلمات ) سواء بكالوريوس او دبلوم

كنت كل شوي اشوف الموظفات يقولون لبعض البنات لمن تجي تطابق مالك بيانان ( صفي على جنب )
ولمن جاء دوري ودخلت السجل المدني في النظام عندها قالت لي ( مالك بيانات )
أنا صُدمت وشوي وابكي
وقاالت صفي مع البنات اللي على جنب لين نشوف لكم حل لاننا اتصلنا على النظام في الرياض
وصفيت معاهم (وسألتهم .. واتضح انهم كلهم من كليات اعداد المعلمات ) وكلهم خريجات من اكثر من 10 سنوات واغلبنا بكالورويس
وبنات المتوسطة في النظام زينا اختاروا انهم خريجات اعداد المعلمات
لكن اللي لهم اقل من 10 سنوات طابقوا
لان قريبتي من نفس الكلية ولها 8 سنوات ولقيوا بياناتها وطابقت على خير ومشيت

المهم ( استنتجت أنا من هذا كله أن اي وحدة متخرجة من كليات اعداد المعلمات ولها أكثر من 10 سنوات ( قفلوا النظام عليهم ) والله يعلم ليه ( اعتقد عشان يستبعدوهم )

المهم رحت للمسؤوله او المديرة وقلت لها استنتاجي ( وقلت ترى احنا بكالوريوس وليس دبلوم
قالت اعرف ولكن السبب من الرياض مو من عندنا
قلت لها يمكن يحسبون اننا دبلوم كلية المتوسطة قاموا قفلوا النظام علينا
بعد الصجة اللي حصلت في الصحف وشن الحملات عليهم لترشيحهم

وقلت لها لكن لازم تشرحون لهم اننا بكالورويس
المهم ما قصرت المسؤولة معانا في مشكلتنا من الساعة 7 ونص إلى 11 وهي معانا واتصالات على الرياض
المهم بعد عدة محاولات
جانا الفرج وقالوا الوزارة اللي في الرياض فتحنا لهم النظام او السستم
خلاص خلوهم يطابقون
طيب
السؤال
ليه من البداية قفلوا علينا النظام وايش قصدهم
طبعا الحمدلله كلنا طابقنا على خير ومشينا
ولكن مريت على المسؤولة وقلت لها
ايش يقصدوا ؟؟ وليه عملوا كذا
قالت صدقيني مافي شيء
خلاص انتم طابقتم وانتهت مهمتنا كذا
وبنرسل اوراقكم لوزارة التربية لإنتظار المقابلة والإجراءات الثانية


لكن انا بدأت اشك
انه ممكن كمان في وزارة التربية
يحذفونا من النظام
ولا يستدعونا
وتطير الوظائف
حسبي الله وكفى
اللهم اني استودعتك وظيفتي بجدارة فحفظها لي
يارب

---------------------
الأسئلة اللي سألتها المسؤولة لبنات المنتدى
1- هل الوثيقة المؤقتة تنقبل ؟ الجواب نعم تنقبل فهي تعتبر رسمية
2- التواريخ الموجود ة في الوثيقة ؟ كلها تنقبل
3- وضع من معاها ماجستير ؟ ينفعها في المستويات والدرجات
4- وضع الخبرات ؟ تنفع بعد التوظيف في الدرجات
5- كرت العائلة القديم يمشي ؟ نعم اي هوية تمشي
هذا اللي اتذكره
-----------------------------------

سؤال لكل اللي طابقوا في جميع المناطق
هل حصل معاكم يا خريجات اعداد المعلمات مثل ما حصل معانا
من غلق النظام عليكم وحذف للبيانات

لا يااحياتي ابشرررك

مو هيك السالفه

بس ابي دعوواتك لي

اليووم السستم حقهم خربان وتفشلوووووا بقوووه

لدررجة من الفشله وحده تقوول وقعنا وكل شيء
وقالوا بندق عليكم اذا بيانات صحيحه


يعني المشكله مو عشر سنين او فووق بنظامهم الفااااشل هههههههه



مووووفقه

يعطيك العافية اختي والحمدلله الي تسهلت لكم من الله


عساك ع القوة

ماشالله الف مبروك اختي ويديكي العافية يارب

مشكورة
الله يستر اناخريجة كلية اعداد المعلمات وموعدي الاثنين .

مرشحات منطقة مكه الله يتمم عليكم وعلى الكل

وين طابقتو اليوم في أية فرع !! يعني في جده ولا مكه !!

أنا دقيت عليهم قبل و سألت قالو تعالي في جده بس انا مرره خايفه ردو علي الله يرضى عليكم أبغى اطمن أكثر

مشكورة اختي وماقصرتي يطيك الف عافيه

الف مبروك والحمد الله انها تسهلت اختي موفقه