بصراحة كلامكم شجعني اقولكم قصتي بالزواج

احب بنت معاي كانت تدرس المهم هي رجعت وصارت موظفة في الجامعه المهم وجيت وانا والحمدلله توظفت بمستشفى الحرس واتفقنا اخطبها كلمت الاهل وكلمت الوالد وكلم ابوها وكل شي والاهل راحو شافوها ورحنا انا وابوي وعمامي واصدقاء العايلة المهم طبعا جلسنا ونسولف وكل شي ومشينا بعد اسبوع اتصل علي الاب وقال يا ليت تجي عندي بتفاهم معاك قلت ابشر وكلمت الوالد وقال لي روح ووافق على كل طلباتهم

المهم مالكم بالطويلة رحت طلبني مهر 120 وافقت والعرس علي ولازم على اهل العروس قلت مافي مشكلة وافقت المهم امور مادية كلها وافقت عليها لان الوالد قال لي وافق على وش ما قال لك واترك الباقي علي تعرفون شيبان يتفاهمون مع بعض المهم قال البيت ملك عرفت ان السالفة تعجيز بس قلت له ابشر لان حاط في بالي ابوي بكلمه ويتفاهمون مع بعض ما ابي اخرب العرس خصوصا اني احب البنت فا قلت له ابشر ومن عرض الكلام قلت له ترى يا عمي ممكن قريب اتحول من المستشفى لوزارة الخارجية ومنها السفارة والنظام كل 4 سنين في بلد يعني حرام اشتري بيت ملك ونهجره قال لي بالحرف والله ما عندنا بنات يسافرون برا قلت اجل سلام عليكم قلت ذا بطفشني مو عارف كيف خل بنته له

يعني مو بس المادية في امور كثيرة غبية لكن الله يعين

طبعا لان البنت موظفة والراتب بجيب ابوها

ابعد عن الشر وغنيله وخذلك من جماعتك اصرف لك هم الي يقدروك بلا حب بلا بطيخ مابنيا على باطل فهو باطل ابعد من ذا الطريق الله يصلحك بس
اختي متزوجه عن حب وماتوفقت وذا درس يعتبر الحب بعد الزواج والرسول عليه السلام اسوه لنا وقدوه واتمنى لك التوفيق ويعوضك ربي بالزوجه الصالحه الي تعينك عالحياه وليس تشقيك

امل انا مفكر اهاجر الامارات واول اماراتية اقولها رقم ابوك وانتهى الموضوع

اوووف وليش مانصحك خل امك او اختك تختار لك والله وربي ماكذب عليك الزواج مو سهل مسئوليه وعيال تربيهم حرمتك يمكن تتزوج وحده من جنبها ترضى انها تربي عيالك ؟؟؟
لو انا مارضى ابدا

تعوذ من ابليس وكل واحد ربي كاتب نصيبه بلا امارات بلا خرابيط خل امك او اختك تختار لك يعني خطبت وحده ابوها كذا خلاص بنظرك كل الناس كذا الله يصلحك بس

والله يا امل كاره كل شي في الدنيا ابي اهاجر لجزيرة مافيها الا انا لحالي اجلس 15 سنة اصفي ذهني وارجع

ياهالزواج اللي صاير سالفه المنتدى ههههههه
تراكم عاطلين يعني فكروا الحين بالوظيفه ثم الزواج الله يحله