السلام عليكم والرحمة الله وبركاته
اخواني اخواتي:
صدق ان خريجي جامعة الامام غير تربويين واذا كان صدق ليش ماخبروني قبل لاادخلها والله مقهورررره ادرس اربع سنوات وبالنهاية يقولون مو تربويه المشكله اني مقدمه على جداره وكاتبين في المفاضله ان اللي شهادتها غير تربويه تم استبعادها لعدم مطابقتها المفاضله..
تكفون ابي اجابه واضحه وصريحه احس بتحطم فضيييع يعني مالي امل بالوظيفيه التعليميه..

انتي طبقتي ميداني

اذا طبقتي ميداني فاكيد تربويه

اذا ماطبقتي ميداني فغير تربويه

الله يعمي عيونهم عنك

الله ييسر امرك وامري

رحت تربية عملي بثالث جامعة ورابع جامعة انتي تربوية
مارحتي غير تربوية

الا جامعة الامام تربوية بالمستوى الثامن نطبق بالمدراس

اي وحدة ماهي تربوية انصحها تدرس سنة وحدة دبلوم تربوي

نصيحة لوجه الله

لاتطنش الدبلوم بلاش والسنة تعدي كانها يوم فلاتتكاسل

,



شوفي وثيقتك مكتوب فيها تربوي ؟
وكلام البنات صحيح انه اذا طلعتي تربيه عملي وطبقتي , هذا معناته انه تربويه

طيب الحل الحين
انو لو لاسمح الله مش مكتوب في وثيقتك تربوي
إما تاخذين سجلك الاكاديمي اللي فيه المواد التربويه عشان تثبتين انك درستيها
او
الحل الثاني وهو الافضل
تراجعين الجامعه وتاخذين افاده انو درستي وتخرجتي من عندهم تربوي وسجلك الاكاديمي ودرجاتك
في المواد التربويه هي اثباتك


الله يفرج عليك
ويطمن قلبك
ويرزقك بالوظيفه والرزق الحلال
يااارب امين

وطمنيني عليك . ولاتنسيني من دعواتك

الجامعات فيها تخصصات كثيرة بعضها تربوي وبعضها غير تربوي
تأكدي من قسمك
وثاني شي التربوي هم اللي طبقوا شرح عملي فترة تدريب في المدارس


وزي كلام الاخوات .. اذا طلبوك للمطابقة خذي كشف السجل الاكاديمي لإثبات انك درستي المواد التربوية
موفق بإذن الله ... لك مني أجمل تحية .

انا الي اعرفه انه فقط كليات التربيه هي التربويه
اما الجامعات فيه مواد تربويه مو زي كليه التربيه كل التخصصات تربويه

والله ماادري بس اللي اعرفه اني مطبقه في مدرسه ترم واحد بس في ثامن وقايلين بمنتدى الجامعه ان طالبات الامام غير تربويه ماعدا قسم الانجليزي بس من سنتين صاروا تربويين وتعبت وانا ابحث عن صحة هالمقوله
بس ان شاء الله يكون زي ماقلتم اني تربويه وبالنسبه للشهاده مو كاتبين فيها شي لاتربوي ولاغير تربوي..