السلام عليكمــ..


اجازه سعيدهـ للجميع..


من غير مقدمات طويله بعد ما تم فصل زوجي المصون غدرا من مشرفه المصري في عمله بالقطاع الخاص دارت بنا الدنيا وعدنا للمأسآهـ البحث عن وظيفه طبعا مع انتظار وظيفه حكوميهـ بفارغ الصبر مع انشغاله بدوام الصباحي والمسائي بعمله ماكنا قادرين نتحرك ولا بمكان ولا حتى زياره للخدمه المدنيه كنا فقط نتابع الصحف المحليه واخبار الموقع متى يتم الترشيح او ظهور اسمه او رساله او اي شيئ..

راح للخدمه المدنيه امس وقالهم مافي اخبار مافي وظايف مافي اي شي ترى تعبنا من العمل بالشركات ونظام الكفيل الي احرجنا مع الناس ((يعني الشركه أخذت حقنا من المصري وبيتم تعيين زوجي تاني مره لكن بعد ايش بعد قهر وظلم وحسره)) لكن الدعاء الي دايم على لساننا اللهم اجرنا في مصيبتنا واخلف لنا خيرا منها برحمتك يا ارحم الراحمين..


ردهم للأسف..
والله ياخي رسلنا لك رساله من العام الماضي بشهر شوال انه تم تعيينك وانت ماراجعتنا وزوجي وجهه صار كداا قلوو ياعمي ماجاتني شي بس طلبتوا مني مطابقة بيانات بشهر ذو القعده وكنت وقتها ع رأس العمل بالشركه قال والله راحت عليك وخرج من عندهم

رجع تاني لهم وقال معليش انا معاي الحق وين اروح اشتكي عليكم ودله على مكتب بإسم فلان ورحله قال والله انت ثاني واحد يجيني اليوم امكن السبب انه كنت على راس العمل وقلهم اجل تبغوني اجلس عاطل من وين اصرف على اهلي ومين الاهبل الي تجيه وظيفه حكوميه ويفوتها معليش بلا سبهلله وشوفوا لي ايش الهرجه

بعد 4ساعات معاناة واوراق رايحه واوراق جايه روح تعال روح تعال يمين يسار يمين يسار


اعطوه ورقه الكشف الطبي وقله انه في وظيفه شاغره تناسب مؤهلك لكن مو بمكان رغبتك الاولى لانه التعيين الي فات كان بمكه وربي انواع القهر بس مو مشكله اهم شي يتوظف لو بالقطيف


وراح سوا الكشف الطبي والنتيجه يوم الثلاثاء نهاية الكلام ايش بعد الكشف في تعيين ولا خرطي تسكيت وهرج فاضي ولا يرجع للشركه احسلووو قبل لا يغيروا رأيهم كمان يصير لا هنا ولا هناك


في احد صار له كدا واتعين منجد انا بحسره وخوف افرح ولا ابكي مشاعر متضاربه ببعضها..

آآسفهـ ع الاطالهـ...

وعليكم السلام



دائما اذا طلبو كشف طبي وبصمات والحركات هذي يكون خلاص قبول وينتظر التعييين ان شا الله


موفقين

شـكرا لك وبارك الله فيك.

ان شاءلله يتعين و الله يوفقه

شـكرا لك وبارك الله فيك... ويوفقك يا خوي

الله يرزق اخوي مثل ما رزق زوجك هالوظيفه
والله يوفقكم
وان شاء الله اموركم في تمام

الله يوفقكم ويرزقكم الرزق الحلال وان شاء الله دام اعطوه الكشف الطبي اموره بالسليم
توكلوا على الله واودعوه اموركم وماخاب من توكل عليه

الله يرزقكم بالوظايف الي تسر قلوبكم يارب انت اعلم بحاجتهم فارزقهم كما رزقتني من حيث لا يحتسبون..


حاليا مرتاحه 50% الحمدلله

اليوم عرف واحد من اصحابه انه ولد عمه صار له نفس الحركه بالزبط و تم تعيينه بعد اسبوعين من الكشف يارررررب سهل علينااا انتظار من سنه 1430هـ


شـكرا لكم وبارك الله فيكم... لكم مني أجمل تحية . .

الحمدلله تم تعيينہ كاتب بعلاقات المرضى وبمكان رغبتھ الأولى يارب لك الحمد والشكر آخذ وقت تقريبا شهر بين ارسال المعامله للرياض واقرار التعيين وارسال المعامله ثاني لمكھ وباشر وبنفس يوم الي جاه اقرار تعيينه جاته كمان تعيين بالشركه مايقدر يرفض حتى يآخذ باقي حقوقه لآخر الشهر ويستقيل وحاليا بوظيفتين سبحان الله ضآقت فلما أستحكمت حلقاتها..فرجت وكنت آظنها لاتفرج..

لاتيأسوا..رزقنا لن يأخذه غيرنا

شكرا لكل من شاركني بهذه الصفحه..يارب ترزق كل اخواتي واخواني مثل مارزقتنا..