السلام عليكم ورحمة الله وبركاته

اخواني الافاظل وفقكم الله الى ما يحب ويرضى ويسر لكم ابواب رزقه

انا عاطل منذ 12 سنه ما خليت ابواب للحكومه والقطاع الخاص وبعض الصناديق الداعمه للعاطلين ولم اوفق

دخلت لموقع بنك التسليف وقرأت انه بأمكان البنك دعم العاطلين اقراضهم مبلغ لشراء معدات ثقيله
وهناك اسئله في بالي متوهق ما ادري وش جوابها وتحملوني على الاقل اعطوني امل وفيكم البركه

اولا البنك شارط وجود رخصه عمومي ثقيل

س : كم تكلفة استخراج الرخصه بدراسه و بدون لني ما عمري سقت معدات ثقيله
س:وش السياره الي بيعطوني اياها للأختبار عشان اتعلم عليها قبل اخش الاختبار
س: بعضهم يقول انه اذا ما تملك رخصه خصوصي ما يعطونك رخصه عمومي مثقل لازم تكون معك من 3 سنوات
س:اذا طلعت رخصه عمومي مثقل هل لو اردت اطلع عمومي مخفف وخصوصي يسمحون لي بأمتلاكها كلها


اما بخصوص بنك التسليف

س:قرأت في صفحة البنك احد الشروط بأنه لا يجوز لي امتلاك مركبتين واحده فقط انا كنت ناوي اخذ بوكلين وقلت لازم له سطحه (الي تملك كفرين خلفي مو راس تريله) لنقله لمواقع العمل فردي او شركات وقسمت قرض300 الف بين بوكلين 200 الف وسطحه 100 الف هل يقبلون ذالك ام لا

س: من يوفر المعده البنك يعطينيها ام انهم يظعون لي قيمة القرض بحسابي وانا ابحث عن الاليه

س: الكفيل لمسار المعدات الثقيله قرأت انه كفيل حضوري هل يعني انه فقط يحضرني اذا تم طلبي من قبل البنك لن ما راضي واحد يكفلني في 300 الف وفوقها عاطل خايفين انه كفيل يدفع اقساط هل صحيح انه كفيل فقط لحضوري

س: اخر واحد هل البنك بعد ما يتم الاقراض يعطيني فرصه لبدئ المشروع ام على طول من اول شهر يطلبني في القسط

عارف كثرة الاسئله بس ما ودي اتوهق والمشوره من امثالكم تهمني ونفسيتي تعبانه وما عاد لي حيل والله في الامال الي ما اوصلتني لشي

وفقكم الله