السلام عليكم

الحين انا عندي مشكلة ..
سجلت فـ حافز و ما جاني القبول الا الشهر الماضي ،
يعني استلمت مرة وحدة .. و قتها كان بداية توظيفي ..
ظليت موظفة لـ 27 يوم فقط ، بعدها قدمت استقالتي ..
يعني ع 4/3/2012 قدمت الاستقالةة ..
اللي صدمني انه امس جاتني رسالة ع جوالي تقول
انه تم تسجيلي ف التأمينات كيف كذا ؟

الحين وش اسوي لجل افتك من هالموضوع ! علماً بأن الحين
مضى اكثر من شهر ع بداية تعيني و ما يقارب الـاسبوعين ع استقالتي !

انتظر ردكم ع عجل

رفع لعيونك
ان شاء الله البنات يفيدونك
والله يوفقك وييسر امرك يارب
ويارب يغنينا عن حافز ويرزقنا بالوظايف امييييييين

فديتك والله ما تقصرين

الله يعينك يا رب
نفسسسس حالتي بالضبط استلمت الشهر اللي راح
وتوظفت وما جاني اي مسج من التأمينات لكن مدري وش اللي خلاني
أشيك بالموقع حق التأمينات وجاني ( أنت مسجل في التأمينات الاجتماعية ولكنك غير موظف حاليا )
ومدري سألت اكثر من شخص قال انهم يشيكون انت مسجل بالتأمينات او لا بغض النظر اذا كنت
شغال او لا يا رب انهم يتأكدون اكثر او اذا ما تأهلنا لازم نروح للتأمينات اللي قدام المستشفى
العسكري على طريق خريص وتمسح اسمك من عندهم وينزل لك حافز الشهر اللي بعده

ارجعي لهم وقولي ليش سجلتوني روحي التامينات واسقطي اسمك وارجعي قدمي ب حافز بعدها 6 شهور تمضي وترجعين تستلمين

[align=center]

{ شيكي ع اسمك في التأمينات اذا كان حالياً لا يعمل كويس وتنتظرين 3 شهور

من تاريخ تركك لـ الوظيفة او من تاريخ اليوم اللي شالوك منه الشركه يعني احتمال

شايلينك من اول ماتركتيهم فـ تنتظرين شهرين فقط عموماً راجعي الشركة اللي

توظفتي فيها بأمكانهم يسقطون اسمك بأي تاريخ ...



[/align]