بسم الله الرحمن الرحيم
مساكم ..وصبحكم الله بالخير .. ندخل على طووول مالي في المقدمات.. انا عاطل وداخل على زواج ادعولي .. المهم ان كلمني اخوي على رياده انهم يعطونك قرض ويدفعون لك راتب شهري تشجيعي .. المهم نويت اني اقدم لهم وطالعه في راسي مؤسسه مقاولات وراس المال ممكن يقرب على 300 الف ؟ قلاب ودنه وببكات وخلاط وغير ايجا رالمكتب وتاثيثه ... وتطلع لي فيزتين في الاول وكل ما جبت تصريح بناء وعقد يعطوني فيز زياده .. بغيت رايكم يا اخواني والله اني محتاج وقفتكم الحين .. رايكم في رياده .. وكيف امورهم ؟؟ ورايكم في المشروع ونجاحه وانشاء الله المشروع ينجح اهم الشي السعي والحركه .. والله يرضى عليكم ويرزقني ورزقكم

موفق بإذن الله ... لك مني أجمل تحية .

[align=center]
أولاً: نسأل الله لك التوفيق والسداد وأن يكتب لك النجاح في هذه الحياة.
ثانياً: مشروع مقاولات ريادة لا تدعمه لأنه يعتمد بشكل كبير على العمالة الوافدة.. راجع هذا الرابط:
http://www.*******.com.sa/finactstatus.aspx

ثالثاً: ريادة هي تدرب الشباب لا أن تدعمهم بالمال وإنما هم مجرد وسيط بين الشباب وبنك التسليف
رابعاً: المميزات في ريادة موجودة في صندوق المئوية بل أن صندوق المئوية يدفع عنك نصف راتب
العامل لمدة شهرين أو ثلاثة أشهر. لكن النقطة السلبية في صندوق المئوية أن التدريب عندهم بفلوس
ويكون طريقة دفعك للفلوس حقت التدريب في وقت تقسيط المبلغ على المئوية يعني أنت أستدنت 300 ألف ريال
ترجع 300 ألف وفوقها 10.000 ريال حقت التدريب هذا أدنى مبلغ التدريب وأعلى مبلغ في التدريب 45 ألف ريال
يعني ترجع فوق 300 ألف 45 ألف حقت التدريب لكن الموظف في صندوق المئوية يقول: المبلغ غالبا على 10.000 ريال أو 15 ألف.. على هذه الحدود...... أما ريادة فالتدريب مجاناً.

يعني صندوق المئوية أفضل لأنه يدعم إلى 400 ألف ريال بينما ريادة 200 ألف ريال لكن المشكلة في مسألة التدريب
فريادة مجاناً لكن صندوق المئوية غير ذلك.

أتمنى أني أفدتك ولو بشيء بسيط والأفضل تراجع الموظفين في ريادة وصندوق المئوية عشان تكون عندك معلومات أكثر وتصحح بعض معلوماتي إذا كان فيها خطأ.
[/align]

موفق يخير إن شاء الله

اخوي ابن عزيز الله يجزاك عنا الف خير .. انا بروح لمحلهم واسالهم وانشاء الله يسر خير .. ولك رساله ع الخاص محتاج خبرتك وخبره الاخوان في مشروع ناجح اقدم فيه على رياده .. والله لا يهين الاخوان اللي ردوا ونتمنى باقي الاعضاء يفيدونا لان انا وغيري بنستفيد