تجمع الغير مؤهلين هذا الشهر في حافز

علاوووييي · #1 (**permalink**) 21-03-2012, 07:10 AM

السلام عليكم ورحمة الله وبركاته
أولا صباحكم عسسل

ثانيا حبيت اقولكم اني ما تأهلت هالشهر بحافز
والسبب
( تشير سجلات إحدى الجامعات/ الكليات إلى أن المتقدم قد تخرج مؤخراً من جامعة/ كلية
في المملكة, لذلك ينبغي الانتظار 6أشهر قبل التقديم لبرنامج حافز )

وعشان تعرفون النصب والطقطقه يعني انها مزاجية وليست بالبحث
اانا تخرجت من الجامعه واستلمت مرتين الشهر اللي راح واللي قبله
وهاالشهر جايين يقولون كذا وش معنى طبقو هالشرط الشهر ذا توهم يصحون !!!!

اخواني واخواتي لا حد يضيق خاطره ادري اقولها وانا متضايق شوي لان ما يعلم بالظروف الا الله
وان فيه ناس محتاجتها حيل وفيه ناس مأمله عليها اشياء وفجاه ما تأهل لكن ادعو ربكم
ان الله يفرجها وما لنا الا الصبر وحسبي الله عليهم
كتبت هالموضوع نواسي بعض

وكل واحد يطلع اللي بقلبه لان الواحد اذا فضفض
وطلع الكلام اللي بقلبه يرتاح كلنا هنا قلب واحد والله اني اذا قريت مشكلة احد او اي شي
اني أحزن كأنها صايره لي وان ودي اساعده او اروح اراجع بداله مساعده ورحمه له
هالموضوع بيكون متنفس لنا بس ابي نتغير وننسى هالشهر ونعيش بدونه ومو شرط سبب
معين احنا ضد كل الاسباب اللي حاطينها من اقامة بالمملكة او انك تدرس بمكان
او انك فوق 35 الشرط هذا اللي عجزت اتخيله يعني اللي 36 ربه مو ربنا او ما يحتاج يصرف
بالعكس خلونا حقانين الحين مين الاحق ولد او بنت عمره 20 او ولد او بنت عمرهم 36 !!!!!!!!
صح كلهم يستاهلون بس ابو 20 توهم بداية الحياة وبيتحملون او مو ذاك المصروف او
ان الاشياء اللي يبونها مو مهمه مره لكن اللي 36 او اكثر اكيد عندهم اشياء اهم اكثر

الله يوفق الجميع لما يحب ويرضى ويعز المملكة ويديم لنا أبو متعب

عاشق الكرستال · #2 (**permalink**) 21-03-2012, 07:49 AM

حالة الأهلية غير مؤهل
السبب تشير سجلات وزارة التربية والتعليم إلى أن المتقدم طالب في المدرسة

ياناس ياعاااااااالم والله مايصير انا متخرج من الثانويه في عام 1428ه
ومتخرج من الكلية قبل سنه كامله من الان

وعمري 23 سنه وزملائي اللي تخرجوا معايا من الكلية كلهم استحقوا حافز واستلموا قبل كذا
قولولي ياناس ايش اسوي عندي ديون ولازم اسددها 600 ريال وكنت منتظر حافز ولي 3 شهور مكمل بياناتي ايش اسوي ياناس قولولي لازم استلم الشهر هذا او على الاقل الشهر الجاي افيدوني جزاكم الله خير

https://www.btalah.com/showthread.*****..#ixzz1pignRZrW

ام وردة · #3 (**permalink**) 21-03-2012, 07:54 AM

اااااااااااااااه حطيتين ايدك عالجرح وانا اختك واخيرا طلعت نتيجة ها لفاشل اليوم وغير مؤهل طبعا
بسببب العمر ايش نسوي نصغر اعمارنا ولا نرجع الزمن لورا والله وين نروح نهاجر نهج لديرة ثانية
شكلنا مالنا فايدة في هالحياة غيرنا ماشاء الله ياخذ جدارة وحافز وفرحان طاير من الفرح وحنا
ناكل هواء مالنا اي شي حراااااااااااااااااام والله حرام هذا ظلم
الحمدلله رب العالمين
الحمدلله رب العالمين الحمدلله حمدا كثيرا مباركا فيه

حاط مستقبله بكيس · #4 (**permalink**) 21-03-2012, 10:32 AM

مازلت 27 ربيع الاول مادري وش السبب ؟؟؟؟؟؟

اندثار · #5 (**permalink**) 21-03-2012, 12:06 PM

حاطين لي جاري معالجه الطلب

موونيااا · #6 (**permalink**) 21-03-2012, 12:53 PM

اقتباس:

المشاركة الأصلية كتبت بواسطة حاط مستقبله بكيس

مازلت 27 ربيع الاول مادري وش السبب ؟؟؟؟؟؟

نانفسك الظاهر مشطبين علينا

مردهآ بتزين · #7 (**permalink**) 21-03-2012, 12:55 PM

تاريخ التحقق 27 ربيع الاول 1433
حالة الأهلية غير مؤهل
السبب تشير سجلات إحدى الجامعات/ الكليات إلى أن المتقدم قد انسحب من جامعة/ كلية في المملكة لذلك ينبغي الانتظار لمدة سنة قبل التقديم لبرنامج حافز في حال تقاضي مكافأة مالية خلال فترة الدراسة, ولمدة 6 أشهر قبل التقديم لبرنامج حافز في حال عدم تقاضي مكافأة مالية خلال فترة الدراسة

انا منسحب من الجامعه بشهر 8 الي راح يعني لي 8 شهور والمكافئه مقطوعه عني كنت ادرس سنه ونص بدون مكافئه ., : (
ومقدم اعتراض من شهر 2 ولا وصلني اي رد ،،
والان الاهليـه ماتغيرت : /
حسبي الله ونعم الوكيـل