بسم الله الرحمن الرحيم
السلام عليكم ورحمة الله وبركاته
يالربع انا اشتريت دينا ايسوزو لقيت سعرها معقول واعجبتني وقلت يلاااا نحط فيها فلوسنا لكن يالربع الحين ماني عارف وش اسوي بها واشغلها , كلمني سوداني وقالي في واحد يستاجرها وانا بصراحه ماودي اسلمها احد بالاجار مدري ليه ماني مو عاجبني شغل الاجار الا واحد اثق فيه انه راح يهتم بالسيارة مو يعدمها لي ’ فانا ابغي آخذ رايكم وآرائكم في طرق تشغيلها غير الاجار علما اني مرتبط بعمل يعني مااقدر اشتغل فيها انا ولا اقدر اشغلها في مزارع ولاخضره لان ماهي قريبة منا , اتحفونا بارئكم ولكم كل الشكر والتقدير واسأل الله العلي القدير لي ولكم التوفيق والرزق الحلال .

[align=center]
وعليكم السلام ورحمة الله وبركاته

فكره حلوه وممتازه . ..

عندك اكثر من خيار :-

الاول -اجرها على واحد سعودي تعرفه ويكون بينكم اتفاق وورقه وقيمه الايجار بالشهر .

الثاني - تروح لمحلات الخضار وتشوف الي يبي خضره وتجيبها لهم .

الثالث - تحمل فيها اثاث المشوار بـ 200 ريال طبعا انت لاتشيل ولاتحط اللهم توديه للمكان الي يبيه الزبون.

الرابع - اشتري لك مثلا ( بصل ) ووقف السياره عند محلات الخضار او مكان تقدر تصرف فيه البصل.

الخامس - اشتري لك كم كرتون تمر بس يكون اصلي ووقف السياره في مكان فيه حركه .

السادس - واهم نقطه اكتب عليها رقم جوالك ولتوصيل ..إلخ.

اتمنى اني افدتك في شي .. والسموحه على التقصير

تحياتي لك بالتوفيق
[/align]

ممكن تركب خزان ويصير وايت مويا

الله يبارك لك فيها ويطعمك من خيرها ويكفيك شرها. ١- اكتب عليها كنيتك و رقم التواصل (وخذلك تجارب من المتصلين). ٢- تقدر تأجرها وتأخذ عربون حتى تضمن حقك. ٣- كلم مكاتب البر والأحسان يمكن تكون عميل لهم.

اخوي اذا انت مرتبط وما تقدر تشتغل فيها وايضا ما تبغى تأجرهااا .. اجل ليش اشتريتهاا ؟؟

اعرف شباب سعوديين يتملكون دينات ويشغلوها خطوط لنقل الاثاث من مدينة الى مدينة ولا تقل الحمولة عن 1000 ريال

اشكر كل من شاركني بفكره ورايه واسأل الله العلي العظيم أن يرزقكم وييسر اموركم.

موفق خير

ونا كمان عندي دينا كبيره اخذتها من 15 يوم وباقي ماحصلت لها شغل مشكلتي
من سكان القرى وعند الوالد اراضي كثيره شوركم يااخواني تنصحوني بان ازرع الخظروات
وانزلها للاسواق؟

انا استاجرها اذا حبيت انا حتضر
ج/0531564218

انا استاجرها اذا حبيت انا حاضر
ج/0531564218