السلام عليكم

اخواني من جاه قبووول بشركة الحربي لايتردد شركة مقاولات كبيرة وماسكه مشاريع حكومية وكنت شغال فيها

بالنسبة للدوام 8 ساعات

من 8 الى 3

يوجد اوفر تايم يعني عمل اضافي وعلى حسب المشاريع ولكن الاداري ماله اوفر تايم


نجي للراتب الراتب فوق 4000 ريال وعلى حسب الشهادة

الدبلوم 4000

البكاليورس 4500 ريال


راتبك على الصرافة مايجي اول شهر ميلادي غير راتبك نازل على طول واذا تاخر ناخر 3 من الشهر

اسال الله لكم التوفيق

واي سؤال انا حاضر

كتبته على عجاله لاتنسوني من صالح دعائكم

الله يوفقك اخوي

انا سويت مقابلة بشركة الحربي ‏

تسلم يا خوي على المعلومات

سؤالي هل فيها زيادات في الراتب اتكلم عن الوظيفة الأدارية فيها بدلات سكن.‏ مواصلات.‏ تأمين صحي؟؟؟
مؤهلي د
بلوم محاسبة
شكرا

وفي دوام الخميس ولا مافي؟؟؟

اسف كثرة الأسئلة

اهلين اخوي سنابس عادي يااخوي خذ راحتك بالاسئلة

في زيادة سنويا بحدود 500 ريال واحيانا يزيدوك بالسنة ولكن قبل انتهاء عقدك قدم على زيادة مثلا تقول ابي زيادة 1500 ريال اذا شافوك عملي ومواظب راح يزيدوا راتبك لمبلغ خيالي

هل تعلم يااخي عندنا مهندسين رواتبهم على 15 الف و20 الف هل تعلم رواتب بعض المراقبين يتعدا 10 الاف اكثر مبلغ شفته بعيني يعني راتب مدير مشاريع 30 الف ريال لسوري السعودين اذا انتظمت معهم راح يكرموك

انا والله اتكلم عن مبالغ الرواتب لاني كنت شغال بالشؤون الموظفين ورواتب والمسيراته عندي واشوف بعيني


بالنسبة لبدل السكن يكون من ضمن الراتب لان العقد بيكون كالتالي

2600 ريال راتب اساسي

400 ريال بدل مواصلات

1000 ريال بدل سكن

المجموع 4000 ريال

طبعا هالراتب للحاصل على الثانوية بما انك حاصل على دبلوم محاسبة بيرتفع الى 4500 ريال انتبه اهم شيء يحسبوا لك الدبلوم

بالنسبة للتامين الصحي بعد فترة التجربة وهي 3 شهور راح يرفع اسمك ويعطوك بطاقة تامين صحي التعاونية ولو انك متزوج لك ولعيلتك

نجي للدوام عندك دوام ايام الاسبوع حتى الخميس دوام كامل الى الساعة 3 الجمعة عندك اجازة لو انك اشغلت بعد الساعة 3 يحسبوا لك اوفر تايم ولو اشتغلت يوم الجمعه كمان اوفر تايم بس انتبه على حد علمي الاداريين ماعندهم اوفر تايم وتاكد من هالنقطه

لك اجازه سنوية 21 يوم لو مااخذت الاجازة يعوضوك براتب اساسي

ان شاء الله اكون افدتك واي سؤال انا حاضر لاتنساني من صالح الدعاء

1- كيف طريقة التقديم عليهم؟

مادامك بالرياض روح للمقر الرئيسي وروح للشؤون الموظفين عند الاخ تركي الشاهر هو مسؤول عن توظيف السعودين


2-هل هي مدعومة عن طريق الموارد البشرية

نعم هي مدعومه لاني اعرف اكثر السعودين مدعومين من الموارد


3-انا وش يعطوني من عمل؟؟

ممكن اداري ولا سكرتير ولا مراقب ولا مندوب مشتريات

4- واخيرا وين مكان العمل اللي راح اعمل فية نفس الموقع؟؟ اي راح يكون انا من الريآض بس بالظبط اذا كانت بالرياض فين؟

على حسب المشاريع الي ماسكينها بالرياض وممكن بالادارة الرئيسية المهم ماتطلع برا الرياض



واي سؤال انا حاضر

أخوي ياليت تشوف كم رواتب المهندسين,, بكالوريوس هندسة معمارية وإذا عندهم وظايف شاغرة
الله يعطيك العافية

رواتب المهندسين فوق 7 الاف وتخصصك مطلووب قدم عن طريق شركتهم لاني تاركهم لي فترة والله وتلاحظ بموضوعي كلمة كنت شغال معاهم يعني تركتهم والله لو كنت موجود اخدمك من عيوني قدم عليهم والله يوفقك

بسم الله الرحمن الرحيم


السلام عليكم أخ سكووب



كيف حالك ان شاء الله بخير


المهم ....



الي معه شهادة ثانوية له وظيفة بهذا الشركة


وفي مشااريع في الشرقية

سبب تركها ..؟

هل يوجد فيها عيوب ...؟

--------------------------------------------------

هل المدعوم من الموارد البشرية... ماله نصيب..؟