السلام عليكم ورحمة الله وبركاته
كيف حال الشباب ان شاء الله بخير ..نخوش في صلب الموضوع على طول
اليوم رحت لطوارى عسير وكنت ابي استفسر متى التقديم ..وجصلت التقديم فاتح طبعاً جيت بدري الساعة 8 صباحاً وجالسنا الين الساعة 11 والعدد كان قليل تقريباً 24 الى 30..المهم جاء بااص وشالنا ودخلنا جوه في المدرسة التابعة للطوارى ..وعلى طول دخلونا على الميزان قبل لاياخذون الملف اذا اجتزت الطول 170سم ياخذون ملفك المهم عديت الطول والوزن يالله لك الحمد ..وقالو اجلسو في الفصول ..جلسنا ابو نص ساعة جاء الرقيب ومعه اوراق ينادي بالاسم ...الي ينادون باسمة هذا مقبول يعطونة ورقة موعد ومكتوب فيها الشروط المطلوبة ..انا موعدي الاربعاء الجاي وادعو لي بالتوفيق طبعاً التقديم لسى فاتح الحقو ياشباب ولاحد يخاف يقول مامعي واسطة والله العسكر نفسيتهم حلوة واهم شي عندهم الطول الي وزنه زايد لايخاف انا وزني زايد ومشوني بس طولي 176سم
الشروط الي طلبوها شهادة الثانوية والمتوسطة والابتدائية
وشهادة حاسب الي مكتوب ستة اشهر بس انا جبت ثلاثة ومشت مدري بعدين يردوني الله وعلم
و3صور بطاقة احوال
وصورة لبطاقة احوال الوالد
وصورة لبطاقت العائلة
14 صورة شمسية 4*6
هذي الشروط قالو الي يجبها كاملة في الموعد الجاي ...نعطية الكشف الطبي والله يوفق الجميع
هذا العلم الي كنت ابي اوصلة لكم ...وسلامتكم