قدمت على المساعده وانصدمت من ردها ! ارجوكم ادخلوا

شكواي لك ياربي · #1 (**permalink**) 23-03-2012, 12:02 AM

السلام عليكم ورحمة الله وبركاته
قبل فتره اختي سالتكم عن كيفية التقديم على المساعده ورديتوا الله يجزاكم خير
فقط تصوير البطاقة و كرت العائله ..
المهم بعد طلعة الروح رحت للضمان !
وانتظرت فتره طويله لين جا دوري وكل برود البطاقة باسم مين !
انا : الوالده
الموظفه : معها احد مضاف !
انا : ايه بنتين
الموظفه : معك شهادة الميلاد !!!!!!!!!!!!!!!!!!!!
انا : وش دخل شهادة الميلاد موجود بكرت العائله الاصليه والصوره كلهم معك ! ( معليش بالعقل من معه شهادة ميلاد !
الموظفه : لا لازم !
انا : طيب كل اللي قبلي لا شهايد ولا شي وكل اللي اعرفهم محد قالي هالشي ..
الموظفه : اختك عمرها فوق 40 لازم تستقل بطاقه وانتي لسى عمرك 30 مع امك
وتسقط اختك من امك وتكون مستقله ..
انا : ياختي مشوار هالشي ومعرفين وامور كثيره
الموظفه : لازم وعطتني ورقتين للاحوال ومكتوب طلب شريحه !!!!!!!!!
انا : طيب قدمي لامي انسينا احنا !
الموظفه : لا اول شي تسقط اختك وتقدمون لاختك ولما يجي اختك بطاقه مستقله تقدمين لامك ولك !!!!!!!!!!!!!!!!!!!!!!!!!!!!!!!!!
وش هذااااااااااااااااااااااااااااا
سبق واختي كتبت لكم تواريخ ميلادنا وجاوبتوها عادي مع امكم وانصدمنا ردكم غير عن ردهااااا
نتمنى تكون اختي بطاقه مستقله بس صعب !
اخواني برا الرياض وماعندنا معرفين .. حالياً
اللي رحمتها بالموضوع امي ليه توقف المساعده عن امي وش ذنبها !
وليه الشروط التعجيزيه هذي !
يعني خلاص راحت علينا المساعده !
يعني ماعاد فيه ! قهر شي من حقنا وشروط موظفه تقطع رزقنا ليييييييييييييييييييييييه
قسم بالله اكتب لكم وشوي ودي انفجر !
الله يخليكم ابي حلول لحد يقولي روحي وسقطي اختك صعب لازم ولي امر ومحد فاضي لاحد بهالزمن !
محد رايح للاحوال ومدري وين و و و و و مستحيل !
الله يخليكم ساعدونا الله يفرج همومكم .. بجد محتاجين هالمساعده بشكل ماتتخيلونه وللعلم اول مره نقدم عليها ..

انا وشسوي · #2 (**permalink**) 23-03-2012, 12:25 AM

الله يفرج لك اختي

بصراحة الاقسام النسائية لو ماحطوها افضل

من تولن مهمام النظام النساء وحنا وضعنا بحادر

طيب كلمي فرع الرجال وقولي لهم الموضوع

الرجال دائما متفهمين

انا اكثر من مرة ماحصل خبر عند فرع النساء اتصل بالفرع الرجالي ويفرجونها لي

موفقه يارب والله يفرج عنكم

/

اخت البطه · #3 (**permalink**) 23-03-2012, 12:32 AM

اختي كيف يقدمون لآمك مساعده ولسه انتي واختك معها والموظفه قالت انو لازم بسقطون اختك الكبيره يعني لازم عشان يجي امك حق شخصين واختك لها لوحدها لان لوترسل البيانات للوزاره راح يرجعونها الله يعينك ع المشاوير عشان تخلصين امورك
سووووووري ع الاطاله

ارمله مغلوبه · #4 (**permalink**) 23-03-2012, 02:08 AM

اي والله صدقتي محد فاضي لاحد في هالزمن الله يعينكم ياقلبي ويفرحها من عنده
كلمي الموظف او روحي فرع ثاني او راسليهم وش تسوون لازم اختك تطلع لها بطاقه

هدوء ولكن · #5 (**permalink**) 23-03-2012, 02:27 AM

الله يكون بعونك اختي وييسر اموركم بس الاحوال لما تروح تطلع بطاقه من القسم النسائي ما يطلبوا معرف رجال مو لازم لو عندكم قريبه لكم او اي وحده تعرفونهاعندها بطاقه احوال هي تعرف اختك خلاص شالوا شرط معرف رجال انا رحت يوم الاربعاء وكذا كان نظامهم

فن الاختصار · #6 (**permalink**) 23-03-2012, 07:37 AM

ترى الموضوع سهل ماريح يطول وبعدين مادام فصلوا اختك لحالها رايح هي تستلم راتب خاص بها 867ريال ومساعدة مقطوعة كل سنة 10400ريال وانتم مارايح ينقص من راتبكم غير 280ريال تقريبا حق أختك

روعة طموح · #7 (**permalink**) 23-03-2012, 08:13 AM

لاحول ولا قوة الا بالله
الله يعينك

شكواي لك ياربي · #8 (**permalink**) 23-03-2012, 09:58 AM

شكرا لردودكم

شي بديهي نبي لاختي الزين ونبي تكون مستقله المشكله مو هنااا

ولا في الاحوال هي قالت لازم ولي امركم يعرف عليكم في الضمان نفسه لما اختي تفتح لها بطاقه خاصه

وقالت بالحرف الواحد لازم رجال

الحين ماقدر اقدم لامي ولي !

وش ذنبنا احنا طيب !

طويلةبال · #9 (**permalink**) 23-03-2012, 10:09 AM

هلا بك اختي .. من اول مارفضت الموظفة على طول رحتي للاداره
المفروض الموظفة خذت طلب التقديم لأمك بعد ماتسقط اختك واختك متى ماتبي تقدم تقدم!!!
ادري انك في ذيك اللحظة ودك تسوين شيء عشان ضربة المشوار ماتكون على الفاضي
المهم:
الاسقاط مايحتاجون معرف ولاشيء وتقديم الوالده مايحتاج شهاده ميلاد اصلا كيف يطلبون شهاده ميلاد وهم يصرفون لكم معاش ومتاكدين من المعلومات

الله يعين وبالنسبة لإختك مو لازم رجال انا متأكده من هالشيء اهم شيء حرمة معها بطاقة احوال تعرفونها وتعرفكم زين
هذا رقم الرجال اتصلي عليهم وتاكدي
012915588
012414240
الله يسهل اموركم