يا أختي .. ( الحياة مستمرة ) اللي تقوليه شيء غريب .. تصدقي أنا
خريجة أحياء حيوان من عام 1414هـ و خبرة أكثر من 13 سنة تدريس و لله الحمد و نقاطي طيبة و جيد جدا و درست دبلوم تربوي قبل سنتين .. و لم أرشح أبدا لا دفعة أولى و لا ثانية
لا و أزيدك من الشعر بيت ... قدمت في تسع مناطق مختلفة !!!!!!!!!!!!!!!
و لا فكّروا أبدا يرشحوني
علشان كذا الله يسهل أمورنا و تعاد المفاضلة من جديد يا رب و نترشح و كل وحدة تاخذ حقها .. بدون ظلم

والله متاكده وبقوه حتى البنت دقت علي.. ويوم دقت انبسطت مرره لها لان تخصصها حيوان قلت فيه امل انهم يقبلو احياء دقيقه ,, بعدين قالت دوري اسمك الاسماء نزلت بس مالقيت اسمي ولقيت اسم هالبنت كامل ومرشحه على الرغبه الاولى المدينه المنوره هي حابه المدينه مع انها من اهل جده ..قلت ادق عليها اليوم الثاني بتاكد يمكن البنت غلطانه وحاطه احياء عامه بمخلص الطلب ..قلت لها متاكده ان بياناتك صحيحه يعني التخصص حيوان قالت والله بياناتي سليمه بس بروح يوم المطابقه واطابق وسالتني ليه مستغربه قلت لان فيه بنات استبعدوهم الدفعه الاولى ونفس تخصصك قالت لو صدق استعبدوهم ماكانو رشحو الدفعه الثانيه تخصص حيوان << بعد كلامها ذا انخرصت
مو اني اكذب البنات اللي استعبدو لا والله بس اتوقع انهم بيرجعوهم باذن الله ..وانتو اتصلو بعد خصوصا اللي استعبدو كيف يستبعدوهم وفي الدفعه الثانيه فيه مرشحات تخصص حيوان ؟؟؟
المشكله اني اخاف اتصل على البنت واقولها طابقتي تحسبني حاسدتها واذا استبعدوها لا قدر الله تقول من عيوني
عموما والله يابنات مالي مصلحه االف قصص ماصارت وكذا رد لي بهالمنتدى اني اكره اللي تالف قصص عن فلانه وعلانه وانا مثلكم بعد ورطانه بتخصصي احياء دقيقه اخر ناس بتخصص الاحياء يفكرو يعينوه
بس حبيت اوريكم التناقض اللي بالوزاره

معلومه عن البنت اللي تخصصها حيوان وترشحت بالدفعه الثانيه : جدها شيخ قبيله .............
بس مرره مااتوقع ان الواسطه لها دخل بترشيحها لانها والله العظيم اتمرمطت بين المدارس الاهليه وتعاقد بالقرى البنت شكلها يكسر الخاطر .. واسطه ماواسطه مااتوقع لها دخل ابد انا واثقه من كلامي لانكم ماشفتو حالها مثلي .. يعني لو عندها واسطه كان دبرولها الوظيفه وعمرها 23 سنه بعد التخرج مو وعمرها 40 ..لان البنت بتموت الا تتوظف ,,,,

^
^

معليش فيه شي غير مفهوم بالقضيه!!!

تذكرت شي الحياه مستمره وشلك بغثى التدريس والمرمطه روحي الصحه اطلق تصنيف مهني وتدريب سنه وتتوظفي في مدينه وراتب عاليه مو التدريس اذلال والله العالم وين بيحطونك بأي منطقه وكرف في المهنه

اااخ بس لو قبلتني الصحه ماكان شفتوا وجهي هنا واصارع في الاستبعاد هذا !!

وافوض امري الى الله ان الله بصير بالعباد ..

انا بحاول اخلي وحده من بنات الدبلوم التربوي اللي درسو معنا تتصل عليها وتسالها عن المطابقه .. لان من جد لو اتصلت عليها تحسبني افاول عليها بالاستبعاد ..

البشاااارة يابنااااات لخريجات علم الحيوان والنبات والأحياء الدقيقة خصوصا وللخريجات من جميع الأقسام عموما القديمات منهن والحديثات
أنا منيرة القحطاني كنت اليوم عند إدارة التربية للبنات عند برج التلفزيون وبالتحديد عند الأستاذة التي فخرت بمعرفتها وتشرفت بلقائها وسررت بما قدمته لنا الأستاذة هيا السمهري مديرة الإشراف التربوي منقذتنا بعد الله من الظلم الذي وقع علينا .. سألت عن الخطاب الذي سبق وان وعدتنا به يوم الاثنين بتاريخ 2/6 /1433هـ بخصوص إلغاء تصنيف الأحياء وإدراج التخصصات كتخصص واحد .. فقالت أنا رأيت التصنيف الذي عملته وكاله الشؤون المدرسيه وانا مالي إلا سنه واحدة هنا ولا حظت انه تم تصنيف جميع التخصصات والموهوبات وغيرهم مما جعلني اقترح بإلغاء التصنيف الذي نسب إلينا دون الرجوع لنا . وقالت والله ان عندي اجتماع او موعد مااذكر اليوم واجلته عشان اخلص موضوعكم . تقول عملت خطاب بهذا الشأن وكلفت الأخت فواكه الله يسعدها وهي تسعى على انتهاء المعاملة اليوم وتختيهما من الجميع وتوقع عليه النائبة اليوم حتى تكون على طاوله وزير التربية يوم السبت للتوقيع النهائي ويوم الأحد على طاوله وزير الخدمة وقالت سوف أرسل نسخه بنفسي إلى الدكتورة بدريه مديرة الخدمة المدنية النسويه ... وان شاء الله تفرج ... وتقول وينكم من زمان توني دريت الاثنين قلت لها والله من 24/ 4 ووريتها 8 معاملات عندي .. قالت لو كان عندي خبر من زمان خلصتكم من المشكلة .ما عرفت إلا بتوتر وعن طريقكم انتم يا الثلاث بنات اللي جيتوني . وقالت من حقكم تتوظفون عاد قلت لها أستاذة راح ندعيلك أنا والبنات أنت واستاذة فواكه وكل من ساندت وساعدت على تصاعد الموضوع قلت لها باجيك وان خلص موضوعنا هديتك علي انت واستاذة فواكه قالت اهم شئ يصل لكم حقكم والله تستاهل كل تقدير ... الله يكثر من امثالك استاذة هيا مخلصه ماشاء الله عليك والله يفرج عنك همك في الدنيا ويمنع عنك كل مكروب في الاخرة .. وعقباااااال مانقلب الحمله تهاني وتبريكااااات ...