بسم الله الرحمن الرحيم
اتمنى كل من يدخل هذا الموضوع يعطيني اجابة
لأنه ارائكم تهمني
المهم مااطول عليكم سوالى للشباب : هل تقبل الزواج من فتاة كانت متملكة قبلك يعني مجرد خطوبة والله ماكتب لها نصيب وتطلقت خلال فترة الملكة ؟؟؟ مع ذكر الاسباب اذا نعم او لا ؟؟؟
والصبايا : هل تختارين لأخواك او واحد من محارمك بنت كانت متملكة وتطلقت خلال فترة الملكة مع ذكر السبب اذا كانت الاجابة بنعم او لا ؟؟؟
اقول لكم باختصار ليش طرحت هالموضوع
اختي وصل عمرها 32 سنة
وكل ماجونا ناس وعرفوا انها كانت مملكة قبل يروحون يبطلون من الخطوبة
مع انه موضوع ملكتها كان من 9 سنوات
وانا الحين ادور اجابه مقنعة ماالسبب

انا عادي بالنسبه ليه اقبل ونص اهم شيء الاخلاق والباقي يهون

هذ يسمونه العضال = الحجز وهذا محرم شرعا

ثانيا اقبل ليه لا اهم شي الاخلاق

ثالثا الزواج يأتي فجأه رغبه شديده بين الطرفين والتخلي عن احلام اليقضه

بتحديد المواصفات

مافيه فرق بينها والبنت البكر..اقبل ولا افكر بالموضوع لانه لايستحق التفكير

موفق بإذن الله ... لك مني أجمل تحية .

شاكرة للكم مروركم
والحمد لله ارائكم جدا راقية
اتمني لكم التوفيق

نقبلها لو مطلقة اهم شي الاخلاق والجمال

اكيد اقبل اني اخطب لاخوي زي كذا يعني خطبت له وحده كانت مخطوبه بس الله ماكتب نصيب بينهم بسبب والدها

يعني مو شرط يكون فيه شي بالبنت

ونص جماعتي زي كذا متملكين وفصلوا من راس البير ولا من قاعه

واسال الله ان يسهل لاختك زوج صالح تقي نقي مخموم القلب يسعدها في الدنيا والاخره

خلها تقرا سورة البقره بنية الزواج والله يسهلها

اذا الطلاق حصل وقت الملكة ولسى ما دخل عليها وما فيه اي مشاكل اخرى عادي اتزوجها

> اغلب قضايا الطلاق الي تحصل بعد الملكة يكتشفون اهل العريس سلبيات في عائله البنت
يعني ام متسلطة او اخوانها سرابيت وخريجين سجون وهكذا . الام راح تغير الزوجه عليك مع الوقت والاخوان السرابيت مع الوقت راح يغيرون اطباع ابناءك او يكونو عقد لابناءك يعني النحشه افضل