تجمع المتقدمين على وظائف اداريه بجامعه شقراء

آساس الغلآ · #**1151** (**permalink**) 23-05-2012, 03:48 PM

ياشباب فيه احد ارسلوله للمقابله الشخصيه ؟

متفائل بزمن زائل · #**1152** (**permalink**) 23-05-2012, 04:06 PM

اقتباس:

المشاركة الأصلية كتبت بواسطة يوزور قطية

ياخوووي والله مدري بلشت كل واحد يقول لي كلمة

الي سالته موظف بالجااامعه

تكفون اول مايصير شي نزلووه هنا

اليوم الاربعا يعني تتوقع ع السبت يعلنون ...؟

انا كلمت موظف في الجامعة وقال لي بيعلنون عن طريق الموقع
انا قلت له فيه ناس تقول سوو مقابلة وينتظون التعيين قال لا ماصار
وعلى العموم بارد لك السبت والا الاحد اعطيك العلم الاخير

أتعبتني ضنوني · #**1153** (**permalink**) 23-05-2012, 05:00 PM

للي يقولون ان المقابلات انتهت
باقي اكثر من وظيفه ما قابلوا
مسجل طلبه المرتبه السادسه
مساعد اداري المرتبه الرابعه
ومشرف امن وسلامه

وكذا وظيفه بس محد يعرف الا اخبار وظيفته
وكمان حاطين لك موقع للاستفسار عن حاله طلبك
أذا كانت دعوه للمسابقه الوظيفيه = يعني المقابله باقي ما تحددت
أذا دعوه للمقابله الشخصيه = حددوا الموعد
نعتذر منك = كرشوك

ذياب العتيبي · #**1154** (**permalink**) 23-05-2012, 05:31 PM

السلام عليكم ورحمة الله
كاني قريت لواحد بيجي من ينبع
اقول يالحبيب ترى مشوار الله يستر عليك
لاكن ابي اوصف لك خط اسهل من الرويضة واقرب
امسك طريق المدنية لين تجي طريق الهجرة وانت واقف عند الاشارة
يمينك مكة يسارك المدينة سيده طريق القصيم القديم امش سيده
وفلل سيارتك من اقرب محطة وامش لين تجيك شركة سبك بعدها يجيك مفرق المهد او مفرق الغراب اطلع يمين
تقريبا 15 او 20 وحط رجلك في التانكي بس انتبه للابل هه 190 كيلو بتجيك المهد خلك سيدة مع خطك لين يجيك حرف T اطلع يسار يجيك دوار مكتوب عفيف امسك طريق عفيف 200 كيلو اول ماتدخل عفيف خلك سيده الدوادمي 170 كيلو خلك سيدة شقراء اضن انها 120

عبودي طفشت · #**1155** (**permalink**) 23-05-2012, 05:51 PM

السلام عليكم ورحمة الله وبركاته

حباايبي محد عنده خبر عن مقابلة وظيفة سكرتير المرتبة الخامسة ملينا من الانتظار الموظف قالنا خلال الاسبوع الجااي خلص الاسبوع الجاي اليوم الاربعاء ولا نزلوا شي

ياااارب بس عطني الصبر ثم الصبر ثم الصبر

كفالة غرم · #**1156** (**permalink**) 23-05-2012, 07:10 PM

اقتباس:

المشاركة الأصلية كتبت بواسطة أتعبتني ضنوني

من ينبع بالتحديد ما أدري
لكن أذا بتجي من مكه
في طريق من ظلم وفي من القويعيه وبأوصفلك أفضلهم
أمش على طريق الرياض اللين تقابل كوبري اسمه الرويضه أتركه وواصل
اللين توصل عند لوحه باقي على الرياض 249 كيلو وبيكون على مدخل القويعيه
تلقى كبري ثاني برضه أسمه الرويضه أطلعه ولف يسار
سيد اللين توصل الشعراء تبعد عن القويعيه 100 تقريباُ
تحصل دوار وعلى يمينك محطه لف مع الدوار يمين
أمش اللين توصل الدوادمي تبعد عن الشعراء حوالي 20 كيلو
أمش اللين تقابل أول دوار في الدوادمي ولف يمين
وسيده الى شقراء تبعد عن الدوادمي حوالي 125 كيلو

طريق سريع مافيه لفات ولا شي احسلك من طريق الهجر
تحذيرات
خط القويعيه - الدوادمي رايح جاي بدون كتوف لكن زفلته طيب
خط الدوادمي - شقراء نصه مزدوج والنص الثاني سيئ لأبعد الحدود و مليان نياق

لكن أسأل عن طريق المدينه القصيم قد يكون أفضل

طريق القصيم عندي

وسهل

من ينبع الى المدينة من المدينة الى القصيم حولي512كيلو ومن القصيم اتجه طريق الرياض القصيم السريع حوالي 50 كيلو بعد تفتيش ام سدرة يجيك كبري شقراء وشيقر عاد فيه لوحات

اخصائي تغذوي · #**1157** (**permalink**) 23-05-2012, 07:38 PM

يوفقكم ربي

فرويد البطاله · #**1158** (**permalink**) 23-05-2012, 08:16 PM

تعلن جامعة شقراء عن موعد إجراء المقابلات الشخصية لمجتازي الإختبار التحريري لوظائف أمين مستودع بالمرتبة السادسة - وذلك يوم السبت 5/7/1433هـ في تمام الساعة العاشرة صباحاً- بمبنى مجمع الكليات على طريق الدوادمي .

و على جميع المتقدمين المرشحين إلى تلك الوظيفة الحضور إلى مكان المقابلة قبل الموعد بنصف ساعة مصطحبين معهم الآتي :

1- صورة من الهوية الوطنية .
2- صورة من الشهادات .
3- صورة من الدورات .
4- صورة من الخبرات .
مع احضار الأصل للمطابقة .

تسبدة · #**1159** (**permalink**) 23-05-2012, 08:28 PM

الأسماء اللي إجتازت الإختبار التحريري لوظيفة مساعد إداري على المرتبة السادسة نزلت بموقع الجامعة

حبيت استفسر عن مبنى إدارة الجامعة بشقراء هو نفسه اللي سووا فيه الإختبار التحريري وإلا يختلف ؟