16-06-2012, 12:25 AM
|
عضو موثوق به
|
|
تاريخ التسجيل: Dec 2011
المشاركات: 5,877
معدل تقييم المستوى: 4901989
|
|
اقتباس:
المشاركة الأصلية كتبت بواسطة محاسب أد الدنيا
حسبي الله ونعم الوكيل
وش هالحظ قدمت على وظيفة محجوزة لشخص بالواسطه و واضحه انها قوية حتى ما سوو لنا مقابله ولا فيه خبر عنها (مدقق حسابات)
والمطبل الابراهيمي اتمنى انه يرد ويقول وين اختفت الوظيفه وليه الوظائف الثانيه يطابقون بيانتهم والوظيفة هذي للحين ما سوو مقابله ؟؟؟
صدق بلد فيه فساد عظيم الله يكفينا شركم ويغنينا عنكم
|
اخوي محاسب الله يعوضك خير وصدقني الواحد اذا تعب وبذل السبب ربي بييسر أموره اذا مهب في وظيفة جامعه شقرا ففي وظيفة ثانيه أفضل منها ...
أنا قطعت مسافه أكثر من 1600 كيلو رايح جاي من دون لا ارتاح والحمد لله على كل حال ما ترشحت للوظيفة اللي مقدم عليها وهي فني مخبر حاسب آلي .. مشيت في الليل الساعه 12 ورجعت للبيت اذان العشاء تقريبا 20 ساعه ما ريّحت فيها ولا شيء واختبرت واجتزت الاختبار ودخلت للمقابلة الشخصية بنفس اليوم ...
ونزلت الاسئلة اللي جتنا في الاختبار ولله الحمد الكثير استفاد منها هنا ...
كأني قبل فتره هنا قريت لواحد يقول فيه وظيفه ما قبلوا منا إلا واحد فقط ودخل المقابلة الشخصية مدري عن مسمى الوظيفة قلت يمكن يقصد مدقق حسابات ...
بالنسبه للفساد للأسف إحنا متأخرين عن العالم في أكثر المجالات والسبب الواسطات وياليت يكون هناك واسطه مع كفاءه يعني الشخص يكون عنده كفاءه من ناحية الخبرات والمؤهلات ...
لا ! يتوسطون لبعض الناس اللي ما عندهم اي كفاءه سوى إنه قريب لفلان في الجامعه او علان
لو عند ذاك الشخص كفاءه وتوسطوله يمكن تنبلع شوي ....
بضرب مثال / قبل كذا سنه كانت ارامكو اللي يعمل المقابلات الشخصية امريكان وكل واحد ياخذ حقه ما عندهم لف ودوران ومجاملات لدرجه واحد ثقه يقلي إنه رسبوا ولد أمير في المقابلة الشخصية والاختبار (( ولد أمير )) ولما الحال إنقلب وصار السعوديين هم اللي يعملون الاختبارات والمقابلات صارت ارامكو مهب مثل أول ...
بعض جامعاتنا للأسف بعض اللي يتوظفون بالوساطه وما ابالغ لو قلت إن بعض اللي توظفوا ما يعرفون كيف يتعاملون مع الحاسب الآلي ...
مع العلم إنه فيه ناس متقدمين لهم خبره 7 او 5 سنوات وشهادات عاليه ومحد عبرهم ..
عموما اللي توظف بواسطه او بدون واسطه هذا رزق من رب العالمين والله يوفقهم ...
بس ياليت يكون فيه شويت عدل يعني يوظفون 10 واسطه و 10 بدون واسطه (( الأجدر ))
مهب 90% واسطات ما يصلح ....
من غير العدل واحد معاه خبرات ودورات ويزحلقونه ويحطون واحد بداله ما معاه شيء سوى ثانوية او جامعه فقط (( واحد من الاخوان يقول عندي خبره 12 سنه ودورات كتبها بس ناسيها ودبلوم لغه انجليزية وتم استبعادي هذا مين اللي جاء مكانه ؟ واحد معاه الماستر مثلا او الدكتوراه ! ))
لي عتب على مدير الجامعه او على القائمين على موقع جامعه شقرا ...
كان مفروض ينزلون اسماء المقبولين لجل الواحد يعرف راسه من رجوله ...
كذا واحد ترك الروحه للمقابلة الشخصية لوظيفة في شركة أو بنك أو مؤسسة ينتظر نتيجه جامعه شقرا وبالاخير يتضح ان بعض المتقدميين للوظائف تم الاتصال عليهم (( والله إني فرحان لهم كأنهم إخواني وقولها من كل قلبي الله يوفقهم ويعتلون أعلى المناصب في الجامعه ونشوفهم مدراء ))
والبقيه اللي ما تم ترشيحهم محد اتصل عليه (( أقل شيء يرسلون رساله لم يتم ترشيحكم )) ويحطونهم في الاحتياط (( لأنه يمكن يكون هناك ناس تترشح للديوان بس ما يحضرون بسبب ظروف او بسبب وظيفة أخرى )) ....
فين النزاهه اللي يتكلمون عنها ؟ (( هذا الحكي من وجهة نظري ويمكن أكون غلطان ))
في النهاية مبروك لكم يا اخوان على ترشيحكم وشدوا الهمه وحاولوا تكملون تعليمكم اللي معاه ثانوي يمكل الجامعه والماستر والدكتوراه واللي معاه الجامعه يكمل للدكتوراه لازم يكون هناك طموح لا يقتصر على وظيفة وراتب فقط ويترك باقي تعليمه ...
واللي ما يبي يكمل دراسه على الاقل ياخذ كذا دوره تدريبية ...
التعديل الأخير تم بواسطة فيصل العبدالرحمن ; 16-06-2012 الساعة 12:29 AM
|
العرض العادي
