تجمع المتقدمين على وظائف اداريه بجامعه شقراء

كومودو · #**1531** (**permalink**) 15-07-2012, 08:35 PM

مافية اخبار جديدة يا اخوان

لاندكروز · #**1532** (**permalink**) 16-07-2012, 12:41 AM

الله يوفق اللي انقبل ،، ويرزق اللي ما انقبل .

على العموم ،، كلموا المقبولين من عشر ايام وصدرت قراراتهم ،،

وفيه امل للأحتياط الاول ،، فيه اخبار ان لهم الاولويه في اي شواغر في الجامعه
حتى الاعلان عن مسابقه وظيفيه جديده .

اللي ابيه منكم يا شباب ،، ان تتيقنوا ان الارزاق بيد الله سبحانه وتعالى ، وان لا تضعف هممكم

جالك كلامي · #**1533** (**permalink**) 16-07-2012, 04:47 AM

اقتباس:

المشاركة الأصلية كتبت بواسطة لاندكروز

الله يوفق اللي انقبل ،، ويرزق اللي ما انقبل .

على العموم ،، كلموا المقبولين من عشر ايام وصدرت قراراتهم ،،

وفيه امل للأحتياط الاول ،، فيه اخبار ان لهم الاولويه في اي شواغر في الجامعه
حتى الاعلان عن مسابقه وظيفيه جديده .

اللي ابيه منكم يا شباب ،، ان تتيقنوا ان الارزاق بيد الله سبحانه وتعالى ، وان لا تضعف هممكم

انت متأكد من كلامك؟...لأنه انا مقدم سكرتير السادسه وقدام اسبوع دقيت قالولي اوراقك ارسلناها الخدمه المدنيه,, يعني اتوقع يعتبر ترشيح نهائي والا لا؟ ...والله احترنا على كل هاادق عليهم الصبح ونشوف موضوع السحبه القويه اللي سووها فينا....على الاقل يعلنون الاسماء ويريحونا

يارب تفرحني · #**1534** (**permalink**) 16-07-2012, 07:44 AM

طيب المرتبه الرابعه مساعد اداري اش صار عليها

أنا كانت المقابله الشخصيه حقتي يوم 7/22 ومن بعدها ماأحد كلمني

فيه أحد دقوا عليه يجيب أوراقه

يارب تفرحني · #**1535** (**permalink**) 18-07-2012, 12:12 AM

طيب المرتبه الرابعه مساعد اداري اش صار عليها

أنا كانت المقابله الشخصيه حقتي يوم 7/22 ومن بعدها ماأحد كلمني

فيه أحد دقوا عليه يجيب أوراقه

عتيبي العتيبي · #**1536** (**permalink**) 19-07-2012, 01:23 AM

انا كلمني واحد يقول بنوظفك بعقد وانا مسابق على مسابقه مرتبه رابعه رسمي كيف هالحوسه

حسبي الله عليهم

ابي شوركم ياشباب العقد حلو ولا لا

يارب تفرحني · #**1537** (**permalink**) 19-07-2012, 05:27 AM

اقتباس:

المشاركة الأصلية كتبت بواسطة عتيبي العتيبي

انا كلمني واحد يقول بنوظفك بعقد وانا مسابق على مسابقه مرتبه رابعه رسمي كيف هالحوسه

حسبي الله عليهم

ابي شوركم ياشباب العقد حلو ولا لا

كيف عقد حسبي الله عليهم هم ماقالو كذا انها وظايف بعقد

أنا ماأعرف العقد والله لكن روح لهم الله يوفقك يمكن تستفيد خبره أو شي كذا

طيب أخوي الجامعه متى دقوا عليك وهم كلموك بعد المقابله الشخصيه ولا لا

لأني أنا بعد المقابله ماأحد دق عليه أجيب أوراقي

أتمنى انك ترد

عتيبي العتيبي · #**1538** (**permalink**) 20-07-2012, 07:01 AM

اقتباس:

المشاركة الأصلية كتبت بواسطة يارب تفرحني

كيف عقد حسبي الله عليهم هم ماقالو كذا انها وظايف بعقد

أنا ماأعرف العقد والله لكن روح لهم الله يوفقك يمكن تستفيد خبره أو شي كذا

طيب أخوي الجامعه متى دقوا عليك وهم كلموك بعد المقابله الشخصيه ولا لا

لأني أنا بعد المقابله ماأحد دق عليه أجيب أوراقي

أتمنى انك ترد

انا اخذت الاول في الاختبار والمقابله بلسان المتصل

يوم الاربعاء

وقال لي معاك ليوم 9 رمضان ولا بنرشح غيرك وانا والله محتار انا اختبرت ع مرتبه رابعه

فيصل العبدالرحمن · #**1539** (**permalink**) 20-07-2012, 07:07 PM

اقتباس:

المشاركة الأصلية كتبت بواسطة عتيبي العتيبي

انا اخذت الاول في الاختبار والمقابله بلسان المتصل

يوم الاربعاء

وقال لي معاك ليوم 9 رمضان ولا بنرشح غيرك وانا والله محتار انا اختبرت ع مرتبه رابعه

مبروك على العقد أقلك شيء

نصيحه ترى بكره راح تندم اذا رفضت العقد

العقد مثله مثل الوظيفة الحكومية بكره إن شاء الله تترسم

اضرب لك مثال الحين بعض المدرسين والمدرسات اول ما يتخرجون ويجيلهم وظيفه تدريس مهب عن طريق التعاقد وبعد كذا يرسمونهم ؟

أنت مثلك مثل اي موظف حكومي لحد يقلك ترى ماراح يرسمونك او راح يطردونك من الوظيفه لا تسمع كلام أحد ...

اذا كانت البلدية وهي رواتبها ضعيفه يرسمون الواحد بعد كذا سنة فالجامعات من باب أولى ترسمكم ...

الحين لا تطير عليك هاذي الوظيفه امسك فيها عقد ما فيها شيء ..

انا اعرف واحد على بند الاجور في مصلحة الزكاة والدخل (( حارس أمن )) ما كمل سنة وترسم وأعطوه المرتبة اللي يستحقها السادسه ...

طيب لو رفضت هذا العقد اش بتسوي ترى الفرصه ما تجي للواحد إلا مره وحده ...

نصيحه مني لا تفرط ...

وظيفه بعقد ومدنية أزين من وظيفه في العسكريه براتب 10000 ريال ...

واحد من أصدقائي متعاقد من وزارة الدفاع الجوي موظف وظيفة مدنية له الحين 8 سنوات تقريبا وكل سنة يجدد عقد وراتبه مثل راتب المترسم ...

لكن نظام الجامعات أكيد يختلف أكيد فيه ترسيم ...

استخير واستشير ودق على الجامعه وستفسر منهم وقل لهم كيف نظام العقد وهل الراتب من راتب الموظف العادي ..

وهل فيه ترسيم او عقد مستمر على طول

حتى لو قلك عقد مستمر على طول اقبل فيه واذا لقيت افضل من هاذي الوظيفه قدم واذا قبلوك تقدر تستقيل من هاذي الوظيفة ..

كذا واحد عملها يكون عسمري لما يجي قرار تعيينه من الديوان يفصل من العسكرية وكذا احد عسكري اختبر معاي على وظائف مدنية وقلي اذا قبلوني راح افصل ...

يعني لا تشيل هم من ناحية تلاقي عمل ثاني غير وظيفة الجامعه ان شاء الله راح تحصل

إحمد ربك وظيفه ما فيه مثلها في الجامعه

انت كتضايق لأنهم قالوا عقد كيف لو قالوا لك بند أجور اش بتسوي ؟

صدقني الامور سهاله عقد او رسمي مافيه فرق كلها واحد وإن شاء الله يلغون العقد وتصير موظف عادي بدون عقد .