08-05-2012, 01:35 AM
|
عضو موثوق به
|
|
تاريخ التسجيل: Dec 2011
المشاركات: 5,877
معدل تقييم المستوى: 4901989
|
|
اقتباس:
المشاركة الأصلية كتبت بواسطة الشريف سعد
الاخ نواز شريف .. ولايهونون الشباب
المقابلة الشخصيه وش يسألونك فيها وكم شخص اللي يقابلونك
وهل يطولون معك
انا مقدم على مسجل معلومات هل فيه اسئلة خاصة بهالوظيفة
معليش على كثر الاسئلة
|
لا عادي إسألني يمكن تجيك نفس الأسئله الله يوفقك
انا جيت عند واحد مطوع وواحد اردني على ما اظن وولد شباب سعودي
قلي المطورع وشكله (( العميد الله أعلم )) قلي تكلم عن نفسك او قال عرفنا بنفسك
قلت انا فلان بن فلان مؤهلي كذا وعندي خبرات كذا وعندي دورات كذا المهم جلس يكتب على ورقه عنده
سالني وقال (( وشهي اهتماماتك )) قلت قراءة كتب الحاسب الآلي وقراءة ثقافات الغرب ههههههههههههه وقلت اقرأ كتب عن صيانه الحاسب وجلست اتفلسف شوي بس نسيت جزء من كلامي
قلي النت وش تتابع فيه .................
او قال تدخل على صفحات المشايخ على النت ؟
قلت ايه قلت ادخل على محمد العريفي في تويتر اذا كان عندي فتوى
وقلت ادخل على مقالات الشيخ عبدالرحمن البليهد مدير رابطه أهل السنه ..(( والله مدري من فين جبت هذا الحكي ))
وقلت اتابع الشيخ صالح المغامسي ...
قلي انت من فين ؟ قلت من مكة وليه قرايب في القصيم فقال اذا توظفت هنا في شقرا اش بتسوي ؟ تقدر تسكن هنا ؟ قلت ايه حتى لو اجيب خيمه واسكن فيها بشقرا (( ضحك الاردني ))
وقلت الرزق اذا جاء محد يرده ..
المهم المطوع إلتفت للدكتور الاردني وقال إسأله
قلي اذا خرب الكمبيوتر وما اشتغل بعتقادك وشهو السبب ؟ او قال وش اول شيء تشيك عليه
قلت اول شيء اشيك على الهاردسك يمكن مهب متوصل كويس ويمكن البطارية خربانه او المذر بورد يمكن تكون خربانه وقلت انا تخصصي شبكات أأأأأأأأأأأأأأأأأه ليتني ما قلتها قلي طيب دام إن تخصصك شبكات ...
فسألني وقال ... انت عارف إن الاجهزة المتوصلة مع بعض في السيفرات موجودة كلها صح ؟ قلت ايه ... قال طيب اذا فيه جهاز مهب موجود اش هو السبب (( بصراحه تلخبطت وقلت يمكن فيه IP متشابهه مع جهاز ثاني بنفس الـ IP عشان كذا ما طلع هذا الجهاز في السستم ))
وقلت ولازم نتأكد من إن توصيل الاسلاك مضبوط .........
المهم المطوع إلتفت للسعودي الولد وقال عندك سؤال ؟
قال يا تركي (( من تركي هذا شكله غلط بإسمي )) المهم قال (( تركيا تبع اي قاره ))
قلت اوربا وحاولت انها تنضم لإمريكا ..... قاطعني وقال حاولت انها تنضم للإتحاد الاوربي ..
قلي طيب (( يا خي سؤال مدري كيف جاي )) قلي كم عدد المدن الرئيسية في المملكة
او قال كم تنقسم مدري ايه في المملكة ..
قلت مدري لكن اذكر منها الرياض والقصيم ومكه .. وجلست اخربط
(( الظاهر ياخوي يقصد كم تقسم مناطق المملكه )) يعني مثل الرياض والوسطى والغربية والجنوبية والحدود الشمالية (( الله اعلم مدري ))
بعد نهاية اللقاء اللي دام حوالي 7 دقائق قال اوراقك اعطيها للأخ اللي برا ...
قلت توه خذاها مني قال الله يوفقك قلت تبيني اقلك عن معدلي هههههههه (( كلمة مالها داعي صح ))
قبل لا أدخل فيه واحد قال النتيجه يحسبونها على الاختبار الظاهر 50% على الاختبار أو 60% والباقي على المؤهلات وقال اللي معاه مؤهل فقط مهب مثل اللي معاه مؤهل ودورات وخبرات و و و
وقال بعض الاشخاص اخوه شغال في مؤسسه ويعطيه خبره ويروح ... قلت انا عندي خبره مصدقه من التامينات قال كذا كويس ..
آسف على الاطاله وسامحني لأني نسيت اقول اللي حصل معي في المقابلة لأني انشغلت بأسئلة الاختبار
التعديل الأخير تم بواسطة فيصل العبدالرحمن ; 08-05-2012 الساعة 01:39 AM
|
العرض العادي
