السلام عليكم ورحمة الله وبركاته

أول شي انا مخلص كل شي على شهر 2 والمفروض استلم شهر 3 وطافني غير مؤهل وجا يوم 23 بشهر 3 غير مؤهل والحين شهر 4 غير مؤهل
أبي اعرف اتصلت عليهم وقالو سوي اعادة طلب كل مره اسوي ونفس الحالةة

تشير سجلات المؤسسة العامة للتدريب التقني والمهني إلى أن المتقدم قد انسحب من برنامج تدريبي مدته أكثر من 3 أشهر لذلك ينبغي الانتظار لمدة سنة قبل التقديم لبرنامج حافز في حال تقاضي مكافأة مالية خلال فترة التدريب, ولمدة 6 أشهر قبل التقديم لبرنامج حافز في حال عدم تقاضي مكافأة مالية خلال فترة التدريب

^
هذا اللي يطلع لي ولاكلمت حقين حافز قالو سوي اعادةة طلب بس بغيت احد مر بنفس طريقتي يخبرني وش نسوي

أسف طولت عليكم بس والله اني الحين مطفرن حيل وكنت حطيت أمل على حافز ساعدني ...

ياخوي مشكلتك واضحه انت توك منسحب من الكليه

وانتظر سنه اذا كنت تستلم مكافأه

و6شهور اذا كنت ماتستلم

وبعد ماتكمل المده سو ارسال طلب

من عند اكمال البيانات تدخل حفظ استمرار الى الدخل مع اضافة صفر على الصفر الموجود وبعدين حفظ وارسال طلب

الله يرزقك ويغنيك

شف اخوي انا اشوف ناس كثير كل وقت اعلان الاهليه وهم غير مؤهل وفي كل مره هم شغالين اعادة طلب وقلقانين
انا نصيحه لكم كلكم والله انا اخوي ثلاث الشهور وهو غير مؤهل وماسوى الا مره وحده اعادة طلب
وبعده ترك ملفه زي ماهو وكل وقت اهليه يشيك وفجأه لقى نفسه مؤهل لانهم يدرسون الحاله
يعني صدقني اعادة الطلب في حالة الخطاء لما يكون من عندك يعني مثلا اسقطت اسمك من التامينات او من معاهد او غيره ......الخ
بعدها تسوى اعادة طلب مره وحده وتنتظر عاد حافز متى مأهلوك ومايطولون حدهم لو طولوا ثلاث شهور
واترك ملفك بدون قلق دام كل شيء صحيح ماهنا خوف بأذن الله
يعني دامك سويت اعادة طلب من زبطت ملفك وكامل نصيحة اخو اتركه زي ماهو وقت ماتتاهل راح تتأهل
وفالك التأهيل والالفين يارب

موفق بإذن الله ... لك مني أجمل تحية .

ماقصرتم على المرور بس انا يوم قدمت سحبت من يومي وكان التقديم برمضان مادشيت ولا درست ولا استلمت مكافأة

يعني 6 اشهر بس يلا بننتظر وخير ان شاء الله ...