جزاك الله خير وغفر لوالديك وجعل عملك هذا في ميزان حسناتك

اخوي اتمنى تفيدني انا اشتغلت بمستشفى خاص مدة ستة شهور وبعدين توظفت في شركة خاصة لمدة سنة واللحين الحمدلله لي ستة سنوات في وظيفة حكومية سؤالي هل اقدر اضيف الخدمة اللي عملتها في الخاص وكيف الطريقة وماهي المطلوب مني الله يجزاك خير

اخي العزيز السلام عليكم

استفساري هو انني قد عملت في شركة لمدة اربع سنوات ونصف، ومن ثم انتقلت للعمل في مدرسة اهلية وعملت بها سنة ولازلت على رأس العمل،
سؤالي هو هل استطيع ان احصل على مبلغ هذه السنوات ام لا استطيع علماً بأنني مازلت على رأس العمل في المدرسة الاهلية.

ولك جزيل الشكر والعرفان

السلام عليكم عندي استفسار فيه اخولي توظف في جامعة الامام على بند حارس امن في شهر 3/ 1429هـ وتوفى الله يرحمه في شهر 9/1429هـ وكان مسجل في التامينات طبعا فراجعتهم وطلبوا مني صك اثبات اعالته لامه وابوه لانه ماتزوج وماله ورثه وعطوني نموذج اعبيه وجبت الاوراق المطلوبه فما ادري ايش النظام المتخذ في مثل هالحالات لان الموظف الاول يقول يمشيله راتب شهري على حسب عدد من يعولهم بصك الاعاله والموظف الثاني اللي جيته بعدىماكملت الاوراق يقول ماينزله راتب لانه اقل من سنه خدمته لاكن يجيله فلوس تستلمونها دفعة واحده فقط ولكم جزيل الشكر والامتنان

(مقهور بقوة) السلام عليكمورحمةالله وبركاته اخوي تقول انت ان اننا ما ناخذ من التامينا ت الاجتماعية شي الا بعد مايوصل عمرك الستين واضح انها اكل في اكل طيب ركز معي يامقهور وكلنا مقهورين ليش مايعطونا او يصرفونا لنا حقت التامينات بعد عشر سنوات عمل اي بعد مانكمل 120شهر فيه البعض منا راتبة 1500وماتكفية والبعض يكمل 120شهر ويفصل من عملة ومايلقى عمل ليش ماتصرف له التامينات شي ولا بس اكلونا لستين ما احد واصل الستين الا ناس قليل والله اعلم والرسول صلى الله عليةوسلم قال اعمار امتي بين 60 و70 او كما قال صلى الله عليةوسلم صلوعلية يا خي ليش كذا اقسم بالله قهر وظايف مافية مافية وظيفة يتعدى راتبك 200 ريال طيب اللي يبي يتزوج ما عندنا الا نشتغل ب1500 الين يوصل عمرنا الستين وبعدين نتزوج يلعن امممممممممممم القهر اقسم بالله اني شوي ويضرب فيوزي



فية حل ثاني انك تستنى يجيك شلل والعياذ بالله عشان يعطونك ما ابي شي من الدوله ابي اتوظف مو من حقي اتوظف والحل الثالث تجيك كارثة ولا تنتحر ابي اتزوج يلعن امممممممممممم القهر ادعولي تكفون

قبل يومين جاني مسج من التأمينات الاجتماعيه " عزيزي المشترك ............... تم تسجيلك في نظام التأمينات الاجتماعيه برقم ......... لدى بنك الجزيره"
استغربت مره من المسج ولا فهمته لان لي 7 شهور وانا تاركه البنك .. وتوهم يسجلوني بعد مااستقلت !!

اللي عنده خلفيه عن الموضوع ياليت يفيدني

السلام عليكم ورحمه الله وبركاته
انا استقلت من العمل كيف اخذ واستلم مستحقاتي من التامينات الاجتماعيه وش الملطوب علما اني قضيت سنه بالعمل وشكراا

سنه هههههه
مايدوونك ياقلبي الا لمن تصير شايب ,,!
انا زيك خلصت شغلي واستقلت طلبت فلووسي قالو لمن تكون بالستين اعتقد
وقلت اللحين الفلوسي الي فيه قالو تبقى زي ماهي لو رحت وانقبلت بـ اي مكان ثاني
تكمل عليها ,,

هذا الي صار معاي
مدري يمكن يصير معاك شي ثاني ,,!