14-03-2008, 05:43 AM
|
 |
مشرفة سابقة
|
|
تاريخ التسجيل: Mar 2007
الدولة: & عـــــريــن الأســـــــود &
المشاركات: 8,563
معدل تقييم المستوى: 21474889
|
|
|
اللي يـريـد المصالـح غيري يدلــه..!!
موضوعنا سهل وتوي عارف (ن) حله
لا تدخل الشوشره في جونا الهادي
ماهو بحرب تحد السيف وتسله
عندي خبر لك ورا ذا قصد ومرادي
عطني الصراحه دخيلك والخجل خله
قصدك طمع بالمصالح ضايع وغادي
أمشي على ذالمجال أرجوك لا بالله
هذا طريق(ن) أفضل منها بعادي
اللي يريد المصالح غيري يدله
أنا بشر كان تبغى المصلحه عادي
عندي قناعه وربي عشت في ظله
وأساير الوقت في ممشاي وقعادي
وأمشي على منهج باموت مامله
أقدر ظروف وضعي قبل نقادي
واحاول أنه علي مايمسك الزله
ولا اولع النار وان ولعت بزنادي
والسلم مايخلفه من يتبع المله
الظاهر أنه كفى شرحي وتعدادي
أبختصر لو حلاة الشئ في حله
سوا أنا اللي بديت أو أنته البادي
شئ(ن) حصل وانتهى مافيه داعي له
نبغي نختمها ((بمسك وعنبر وكادي))
نفترق بالخير كل(ن) ذاكر(ن) خله
والفوت مايرجعه صياح ومنادي
لا لا تفكر يعود اللي مضى لله
ماني على ماتبي يازين معتادي
حب المصالح تعرف أهله وله شله
أظن لا داعي عنادك ولاعنادي
أقدر انا وأنت ننهي الوضع ونحله
نبغى نختمها (((بمسك وعنبر وكادي)))
م.ن.ق.و.ل
إهــــداء
لأصحاب الأقنعـــة..
وأتبــاع المصـالـــح الشخصيـــة..
|
العرض الشجري
