السلام عليكم ورحمة الله وبركاته
يسعدلي صباحكم
بصراحه حبيت افتح مستوصف خاص ابي رايكم وكم راح يكلفني؟
وكم تاخذ مني الموارد البشريه؟
افيدوني

لااله الا الله

أيش تخصصك

فني مختبر

كم معك

راس المال نقدر عليه بس ابي وش الطلبات

سبحان الله

أعتقد من الشروط إستشاري سعودي متفرغ والله أعلم أتأكد من النقطة هذا قبل البدء بالمشروع

هذه إقتباسة من أحد المنتديات

اقتباس:

المشاركة الأصلية كتبت بواسطة منقول السلام عليكم في الموضوع هذا ودي اتناقش معاكم شروط هئية التخصصات الطبيه .. او خلينا نقول شرط واحد بس بتوفيق من الله قدرت اجهز مركز صغير للاسنان ( 3 عيادات ) بأحد المحافظات بالمملكه ... وبعد التجهيز والتركيب وحضور الاطباء والممرضات وعند الترخيص النهائي ... اتفاجأ بطلب منهم ( توظيف استشاري سعودي متفرغ ) بالله عليكم ايش اسوي الحين ؟؟؟ لابد يكون سعودي واستشاري وعاطل !!!! وعشان 3 عيادات !!! طيب كم يكون دخل المركز حتى اقدر اغطي راتب الاستشاري ... الا ايش الفايده منه !!! طيب استشاري في ايش ؟؟ الاسنان ليها اقسام كثيره . اتصلت بكذا طبيب وسألتهم يدورون لي استئاري عاطل عشان اوظفه .... ويضحكون علي !! مافي استشاري بدون شغل ... فيه نوعية بس طماعين شغلتهم يتوظف في المركز شهر او شهرين وياخذ له 40000 او 30000 ريال لين تطلع الترخيص وبعدها يقدم استقالته !!! ويشوف له مركز ثاني وهكذا ... لا اخفيكم ان الشرط هذا مره علي قبل لا اسوي اي شي بس فالوا لي ما بيدققوا وراح يمشون الموضوع لان المركز في محافظه صغيره مو بالمدينه ... احد الاستشاريين جزاه الله خير تبرع ولكن المشكله انه طبيب في وزارة الصحه ... لازم يقدم استقالته منهم عشان يوافقون !!! يالذمه هل هذا نظام يرضي ؟؟؟؟

بالتوفيق

مشكوووور اخوي ماقصرت الله يعطيك العافيه

بسم الله الرحمن الرحيم

أولآ وقبل كل شي موضوعكـ وكل ما يتعلق بالتصاريح بتحصلينه في ادارة الرخص الطبية في مدينتك روحي لهم واطلبي شروط نشاطك وراح يعطونك كل اللي تحتاجينه واعتقد موجوده ولهم موقع علي النت ...

بعد اخذ الشروط نجي للتخصصات كل تخصص وله احتياجات معينه من المعدات اللازمه .. مثلآ

وبتكلم عن نفسي سويت دراسه كاملة لفتح مركز متخصص للعلاج الطبيعي في مدينتي رحت لأدارة الرخص الطبية واعطوني شروطهم وقآئمة من الاجهزة يشيب لها شعر الرأس رحت ابحث عن بعض الشركات اللي ممكن انها تأمن لي هذه الاجهزة ووجدتها ولم اطلب الا الشي الضروري واللي لا يمكن ان افتح المركز بدونها واعتقد تكلفني 130الف ريال هذا وببساطة مثل بسيط علي قسم واحد من اقسام المستوصفات حددي الاقسام اللي ناوية تفتحينها والاجهزة والشروط عند إدارة الرخص الطبية

كل التوفيق