السلام عليكم ورحمته وبركاته
شباب انا قدمت في الامن العام ثانويه حاف
واعطوني موعد وش الاجراءت بعد كذا
ومتي دورتهم وشكرا لكم

توكل على الله اولاً ..
راح تروح لهم وياخذون طول ووزن كالعادة ومقابلة شخصية وتدقيق بيانات
بعدين يختبرونك اختبار لياقة بدنية ومن ثم اذا نجحت فيها
ويحولونك اي مستشفى قوى امن حسب المدينه
(الرياض : مستشفى قوى الامن في الرياض
الشرقية : قوى الامن بالشرقية ... الخ

راح يكون 3 ايام
اليوم الاول : طول ووزن وآشعة
اليوم الثاني : فحص دم وبول وانت بكرامة واللي يشوفون
اليوم الثالث : عيادات خارجية ( انف ، اذن ، اسنان ، عيون ، وكشف جراحة يشوفون اذا فيك اثار عمليات ومن هالكلام )
وترى متساهلين والحمد لله
..
وبالتوفيق
واستغفر ربك في اليوم 100 مرة
عشان ربي يوفقك ويسعدك ويفتح لك ابواب الرزق
وبالتوفيق ياخوي

مع العلم ان هالكشف ساري على كل القطاعات
فما أدري انتو في الأمن العام ،،،
لما خلصوا مقابلة شخصية وتدقيق بيانات
مادري وش حطو بعدها ..؟
لاني انا دفاع مدني
وبعد اختبار اللياقة ::: اختبرونا سباحة وسواقة للي يحملون رخصة ثقيل
^
فهالشيء مو عندكم ~
يعني اتوقع بعد اللياقة يحولونكم المستشفى
وفي المستشفى تشوف كل القطاعات
( مباحث ، امن عام ، دفاع مدني ، مكافحة مخدرات .... الخ
كلكم تمشون على نفس النمط اللي قلته لك فوق
للايام الثلاثة
بالتوفيق

موفق بإذن الله ... لك مني أجمل تحية .

ا جيب معك صور لاتنسى اول ماتجيهم يخذون ملفك
ثم ياخذون طول ووزن
وبعدها يعطونك البصمات والدفتر وبرنت الاحوال
والكشف الطبي وانت اختار مستشفى تعرف فيه واسطه
ويعطونك قائمة طلبات تجيبها معك
في موعد التسليم

بعد ماتمشي امورك تنتظر الفرز مثلنا الحين



للمعومية مافي اختبار للياقه

موفق بإذن الله ... لك مني أجمل تحية .

مثل ماتكرم الاخوان وبالتوفيق