المشاركة الأصلية كتبت بواسطة عبد العزيزعاطل

الله يجزاني وايك الخير
والله يعطيك على قدر نيتك
آمين وياك .
المثل يقول علمني كيف اصيد ولا تصيد لي كل يوم سمكة
اللي له خبرة بيعرف يدبر نفسه صح وهو بياخذ المحل بدون تكاليف ,
ـــــــــــ
لماذا لا تعطي الشباب الخطوات فتح المحل
من أ الى ي
من اسعار فتح المحل
شهاداة
البلديه واجارئتها

موجوده هذه قدامه في الموضوع , عندك سعر التفاح 100 ريال الاحمر والاخضر 105 خمس ادوار " الكيلوا بـ8 ريال ويصير مكسبة بالكرتونالواحد 15 ريال , والبرتقال الشربتلي 50 ريال والموز 50 ريال " الموز الكيلوا 6 ريال او 5 ريال او 7 ريال مكسبك فيه 15 ريال الى 20 ريال و كذلك عندك العنب الافريقي الاسود والاخضر 50 ريال الكرتون الكبير كذلك المنقا 25 ريال سعر الكرتون تجي انت تبيعه 28 ريال او 30 ريال والخوخ 25 ريال والكيوي 25 ريال الكمثرا ربطة كامله فيها 9 صناديق صغار قيمتها جملة 72 الصندوق جملة 8 ريال = 72انت تبيعه 10 ريال مكسبك ريالين ,والخضروات الجزر الكيس 20 ريال والطماط الكيس 30 ريال " طبعا كيس كبير " البطاطس الكيس الصغير 3ونص ريال واحيانا 4 ريال ونص وانت تبيعه 10 ريال ( اسعارهم حقيقية وانا مدبلها لاني حاسب بعضها على صندوقين وعلى 3 صناديق ) والباقي كالورقيات تخمين لكن تخمين مقارب جدا جدا
...
...
...
ـــــــــــــــــــــ
هو اذا باع البضاعة اليوم
بكره من يشتريها
( ياخوي انا ماراح اعطي اي شاب , انا بعطي شخص عنده خبرة بمعنى انه قبل مايستلم المحل وهو عارف وش له وش عليه ) جعله يشتريها على سيكل وش علي منه , اجلس بعد اطارد وياه وافكر معه شلون يشتريها ؟ يكفي اني عطيته المحل بكل برود وهو يدبر نفسه هو وشطارته مالي دخل فيه
ــــــــــــــــــ
لماذا لا تكون معه طيلة 6 اشهر بنفس السعر
تتلتقون في العزيزية
والله يرزقك
وانا فاضي ؟ عندي جامعة ياخوي . لو ماعندي دراسه كان ماخليت احد يمسك مكاني
لو تجمع 5 شباب
وتطلع معهم السوق
وكل يشتري بي فلوسة
وتصير دورة ميدانية خلال 6 شهور
ولاكن انك تاخذ ضعف الي عطيته
ـــــــــــــــ
تعلمه
الواحد ما يولد متعلم
ـــــــــــ
اما انك تدقع 45 الف
وبعد 6 شهور
تاخذ فوقها 63 الف
هاذا احس غبن
ــــــــــــــــــــ
وجهة نظر

المشاركة الأصلية كتبت بواسطة الصآبر

المشاركة الأصلية كتبت بواسطة اناالسعودي

مساء الخير


اولا نسال الله العلي القدير ان يوفق الجميع لما فيه خير وصلاح

وان يقدر لهم الرزق وييسرة لهم حيث كان

اللهم آمين .

ثانيا اتمنى ان اختلاف الرأي لا يفسد للود قضية ونعلم ان الحوار انجح طريق لايجاد الحلول
شي اكيد .

انا اشوف اخوي الصابر انه من حقك تاخذ ارباح لاكن اخوي لي تحفض على الطريقة يعني لو تشوف نسبة الربح تلقاها اكثر من الضعف وهذا اجحاف اخوي

بالعكس يالطيب , الرجال بيستلم المحل من البدايه الى 6 شهور من غير مايدفع ولا ريال ولاحتى يفكر بالاجار ولا اي فاتورة من فاتورة الكهرب والمويه والتلفون , والبضاعه ماراح يدفع قيمتها من البدايه وبتكون بالمحل بما يقارب 1600 ريال وان نقص شي راح ازودها الى 2000 ريال ومن بعدها يجي الرجال ويشتغل بالمحل بالبضاعه الموجوده يبيع ويشتري فيها ( بعد كذا يصير يدبر نفسه كيف يشتري بضاعه وكيف يزيح كسبه وكيف يعطيني حقي ), وطبعا ماراح اعطيها اي شخص الا اللي عنده خبرة سابقه ويعرف طرق البيع والشراء في الخضار ,

والطريقة الانسب ان تكون انت والسعودي اللي بيشغل المحل شركاء

يعني النص بالنص

مستحيل , اخوي مقدر استأمنه فمن باب اولى الناس

انت عليك راس المال وهو عليه البضاعة والمجهود كذا حلو ولا ضرر ولا ضرار او انك تجهز كل شي وتوفر البضاعة بعد وتعطيه راتب
ممكن اسوي الطريقه اللي باللون الاحمر
كذلك اخوي احب ابين لك ان ما فيه محل يدخل مكسب يوميا 600 ريال فكيف تبيه يعطيك 600 ريال يوميا
بالعرض اللي انا قلته يقدر يدخل اكثر من 600 ريال وهذا مايعرفها الا اهل الخبرة

اخوي عشان يدخل اي محل خضار 600 ريال ارباح يومية لازم يكون متمرس وفاهم السوق وعارف اسرار الخضار والسوق وطرق التوفير وطريق التعامل ومتابع للاسعار يوميا وله علاقات مع تجار الخضار والفواكه وكل ها الامور مستحيل تحصلها بواحد يدور شغل لان اغلب اللي يملك ما سبق شغال وساد عمرة

وانا سبق وقلت هذا الكلام ( انا ماراح اعطي اي شاب , انا بعطي شخص عنده خبرة بمعنى انه قبل مايستلم المحل وهو عارف وش له وش عليه

ايضا اخوي انت قلت ما علي من السربوت وعاق لوالدية ولا يصوم ولا يصلي
اخوي اغلب الشباب اللي منه النوع فاقد من يدله ويوجهة وما لقى من يطلعة من الجو اللي هو عايش فيه وينتشله من بين الشباب اللي على ها الشاكلة ويشغل وقته عن الروحات والجيات والهبقات اللي في غير الدليل

هذا اللي المفروض ناخذ على ايده ونحاول نساعده فلعلا وعسى انه يتغير وينصلح حاله واغلب شبابنا فيهم خير وسهل التاثير عليهم وصدقني اجرك مضاعف يمكن وراه عجوز تدعي لك وما ينرد لها دعاء

انا اعرف نفسي بتعب كثير ويمكن يعقل ويمكن مايعقل ودراهمي وتعبي بيروح بما لافائدة فيه مع شاب احتمال يكون غير مبالي وهذا اغلب الشباب انه مايبالي في احد وانا بجلس اتحمل دين لمدة 5 سنوات واما الشاب بيروح يدج ولا يدور له شغله ثانيه وانا اللي باكلها في الاخير ,

اخوي ختاما تقبل احترامي لك وتقدير

حياك الله نورت الموضوع

في حفض الله