أشكر جميع من رد و اعتذر عن التأخير في الاستجابة نظرا لانقطاع الانترنت في المنزل ...
الجميع اتفق على افضلية الوظيفة الحكومية ما عدا الأخ دروقبا والاخ اسمرني...

لكن والله يا جماعة الموضوع محير... أنا ما اتكلم عن أي شركة، أنا اتكلم عن شركة من كبرى الشركات في السعودية في مجال البتروكيماويات (كلكم تعرفونها) .. أنا الآن وضعي فيها ممتاز وعلى طريق الترسيم في الشركة باذن الله.. هذا ما قصدته لما قلت في بوادر خير ظاهرة. ومقر الشركة بين اهلي وجماعتي. الراتب لو نقلت للحكومية راح ينقص من الف الى الفين تقريبا. هذا غير المميزات الأخرى اللي راح افقدها مثل :
1- راتب اضافي بشهر رمضان
2- تامين صحي يعد الأفضل في المملكة. يعني ما تحط ريال من جيبك و تتعالج بافضل المستشفيات ببلاش.
3- من راتب الى ثلاث رواتب اضافية مكافاة في نهاية السنة
4- قرض سكني بعد خمس سنوات من الخدمة اقدر ابني فيه بيت واستقر.

انا الان في بداية زواجي و مولودي على الطريق. وكل خوفي اني لو تركت الشركة واتجهت للوظيفة الحكومية و دارت الأيام وزادت المصاريف ما عاد يصير للراحة طعم وارجع اقول ليييش تركت الشركة.

والله ياخي انا الى الاَن ماتوظفت ولا اعرف ظروف عمل الشركات

ولكن نصيحه حاول تفتح لك مشروع ولو محل على الاقل مادمت على القطاع الخاص

ثم حول حكومي اذا كان الحكومي بالنسبة لك اريح في الدوام بحيث يكون عندك وقت لباقي يومك تنفس عن نفسك فيه

تكون امنت مصدر دخل غير يعوض عن الراتب اللي تستلمه من الشركه وكذلك تكون مكيف ومرتاح بالوظيفه الحكوميه

مع اني توقع ان الشركه مايعيبها سوى ساعات عملها الطويلة .....

ففكر وقارن مميزات العمل بالقطاع الخاص والحكومي وعن نفسي اقول حاول تامن لك مصدر دخل ثم حول حكومي وانت مغمض لسبب واحد ان الشركات مايعطونك المميزات المعروفه والا هم مستوفين حقهم منك ...

بالتوفيق

كلامك حلو يا اخ غرك وفاي وأنا لو عندي عقار او اي مصدر دخل ما كان فكرت لحظة وحدة و اتجهت للوظيفة الحكومية بدون اي تردد. لكن انا مثل معظم الناس مصدر دخلي الوحيد هو الراتب فقط.

أنا شفت ردودك كلها وأحس من كلامك أنك تبغى تقعد في القطاع الخاص..

أنا مع أنك تجلس في مكان عملك الحالي في القطاع الخاص مادام أنها شركة كبيرة وأنت أثبت جدارتك ..

ليه الخوف!..

توكل على الله وأستمر وكمان أنت في طريقك إلى الترسيم فلا تشغل بالك..

بصراحه مافي مقارنه بين الحكومي والخاص..

مع احترامي لكل الردود اللي تقول الحكومي أمان !..

هذا كلام كنت أسمعه زمان ومليت منه..

تدري ليه كانوا يقولوا كذا !..

لأنه ماكان فيه نظام التامينات الإجتماعيه والحين قريب سووه فــ ليش الخوف ..

في القطاع الخاص لما تتقاعد راح يوصلك راتب تقاعد الحمدلله..

وكمان لا تنسى أنه فيه فروقات بين الحكومي والخاص ..

اللي هي : التأمين الطبي وهذا مهم جدا جدا جدا

1- راتب اضافي بشهر رمضان
2- تامين صحي يعد الأفضل في المملكة. يعني ما تحط ريال من جيبك و تتعالج بافضل المستشفيات ببلاش.
3- من راتب الى ثلاث رواتب اضافية مكافاة في نهاية السنة
4- قرض سكني بعد خمس سنوات من الخدمة اقدر ابني فيه بيت واستقر.

أخي اللورد يعطيك العافية و الشباب كلهم مشكورين على طرح اراءهم.

وانا لو فكرت بالارقام ما كان طرحت الموضوع في المنتدى اصلا لان الموضوع محسوم. لكن الجهة الحكومية سبق لي العمل بها على بند الاجور وكونت فيها علاقات و صارت مثل بيتي الثاني. عشان كذا لما انعرض علي العمل فيها مرة اخرى جلست بين نارين. جو العمل لي في الجهة الحكومية مغري جدا جدا...

وانا ما اتكلم عن الراحة وقلة العمل. لاني خلال عملي بالجهة الحكومية كنت من المكروفين و اجلس ايام كثيرة بعد ساعات الدوام مع المدير. لكن ما ادري كيف اوصف لكم كيف لما يكون مكان عملك تلتقي فيه بناس تعدهم اخوانك و فيه تناغم وانسجام عجيب. والله ما اشعر لما اخرج من بيتي الصباح اني رايح لدوام، بالعكس أنا عندي استعداد الآن اطلب اجازة من عملي بس عشان اروح اداوم في الجهة الحكومية لو ببلاش. اتمنى الصورة تكون وضحت.

لكن اذا رجعت للواقع اجد ان في خطوط حمراء الواحد ما يقدر يتعداها. واذا جاء مولودي بالسلامة و رزقني الله بغيره و زادت المصاريف عندها اكيد راح تتغير القناعات و الاولويات.

أنا عرضت علي الوظيفة الحكومية يوم الثلاثاء اللي فات. واول ما سمعت الخبر فرحت فرحة ما توصف و قلت خلاص جا الفرج و بأرجع لبيتي الثاني. لكني خلال اليومين اللي راحت شاورت و فكرت..

والظاهر اني باستمر في مجال عملي الحالي بالشركة. اشكر جميع من شارك. و عسى الله يوفقكم جميعا ويحقق لكم كل ما تتمنون.

مؤلف االحين مستقبل الشركات الخاصه ومن كلامك انت ان سمعتك طيبه في الوظيفه الأولى وهذ1 السبب الي وظفك مره ثآنيه والله العالم ..،


الشركاات الخاصه نظامها السمعه ، سمعتك حلوه ومضبط وضعك ترسيم جآيك جآيك بإذن الله .. وآغلب الشركات مثل سآبك وغيرهآ بدت ترسسم المتعاقدين ..


شف الحيآه الحين غآليه وزيآده 400 ريآل ع رآتبك مآتسوي شي .. ورآك عآيله + طفل ( الله يرزقك الذريه الصآلحه ) + مصآريف ..

ركز على المميزآت .. / المآديه و التطور الوظيفي ..

التطور الوظيفي / تقدر تطور نفسسك بالخآص أسسرع وآفضل بالحكومي ..

وآخر شي بقوله هالقرآر قرآرك ولا تآخذ بآلك بالي يقول الحكومي آفضل وأإمآآآن .. الإمآن بيد الله ثم بيدك أإنت ..،

لاتنسى صلاة الاستخاره

من وجهة نظري القطاع الخاص افضل والشركات تطوور .. اما الحكومة نوووووووووووووووووووووم

الحكوووميه اكيد