السلام عليكم ورحمة الله وبركاته

بدأ الموضوع عندما اردت ان اضع كل ما املك في محل مشويات ولجهلي بالنشاط

طحت في مكتب الله لا يوريكم مثلة وسويت قعد معاه بـ 80 الف ريال لتجهيز المحل برمضان السابق

كان الاتفاق ان بالكثير نستلمة بـشهر ذي الحجة

جلس يتعذر صاحب المكتب بالبلدية واجرائاتها وانها سبب التأخير حتى اعطيتة الدفعة الثانية من المبلغ

وتبقى الثالثة والاخيرة اخرني كم شهر ولجهلي بهالامور ظننت انه عادي التاخير الحاصل

حتى طلب مني الدفعة الثالثة وعلل ذلك بانة اشترى اغلب المعدات ومنتظر هذي الدفعة عشان يخلص الديكور وهالامور بعدين ينزل الاغراض ومن غبائي واعترف بهالشي اعطيتة اخر دفعة

بعدها الرجل بدأ يتلكع واحيانا ما يرد واحيانا يقفل جوالة الى ان رد علي ووعدني يجيب الكهربائي والسباك وانهم ينتهون بنهاية هذا االسبوع

والآن له 3 ايام مقفل جوالة ولا يرد وكتبة مقفل من اسبوع والمحل حقي مقفلة والفلوس عندة وحسبي الله عليه ونعم الوكيل

الآن الخسارة حصلت والحمد لله اني عندي علية سندات قبض بس ضاع احدها للأسف مع ضروف بيع سيارتي

الاستفسار يا اخواني والله ان ما عندي غيركم افيدوني وش اسوي الاجار بعد شهر بيحل مرة ثانية

واذا ما دفعت مشكلة والمحل مقفل وانا مفكر اشتكية بس مدري وش احسن طريقة اجيبه فيها

الشرطة ولا الامارة ولا وش اسوي وهل اذا اشتكيت عليه لازم يضل المحل واقف ومقفل عشان يكشفون عليه ولين متى بيضل

الفكرة ان الفلوس راحت وانا شكاي ما عندي مشكلة بس ابي استغل هالشهرين وافتح فيه لو مكتب عقاري صغير اطلع منة كم قرش ولا يتسكر المحل ولاني من فلوسي ولاني من تجارتي

ارائكم والله اني محروم من النوم بسببة الله يحرمة اعز ما يملك ويرد لي فلوسي

والله ان مالي غيركم وتدرون اول تجربة لي وودي لو تعدي على خير لو افتح المكتب ويدخلي اجارة بس ما عندي مشكلة واداوم فيه بنفسي

الله يفرج عنكم

هل يسقط حقي اذا كسرت القفل وفتحت فيه مكتب عقاري يعني خلاص يروح حقي كلة

ولا انتظر لين يشوفونة ومنهم الجهه راح تكشف عليه وكم يبيلها

ردو علي لان كل يوم اخسر فلوس

ولو فتحت المكتب العقاري كم تكلفتة تقريبا من رخص واثاث وغيرها

والله مآلي اي علم فيه ..
لاكن زودنآ باسم الرجآل ورقم جواله .. ونحآول نجيب رآسه ان قدرنآ ..

ابشر يجيك على الخاص

جزاك الله خير وبارك الله فيك

الله يرحم والديك

تم ي طويل العمر وبجي لك معلومآته لآكن ارسلي على الخاص رقم السجل المدني حقه

ورقم السجل التجاري ان قدرت

يا هلا والله انا السعودي

مرحبا الف والله . والله يعيني ويعينك

انا ودي اجيبة بهالطريقة بس البلا ان علاقاتي ماهي بذاك الزود

لو ما اعرف المنتدى ذا واللي فيه فيهم الخير والبركة ان شاء الله ولا في خبر كان

والله مصيبة يا اخوي مادي وش اسوي

اخ كينكان صندوق الرسايل ممتلئ عندك ما اقدر ارسل لك

ارسسلت لك كل معلومآته على الخاآًص شف تكفي ولا تبي اجيب لك اسم امه بعد ههه

abusaud الله يكون بعوووونك وجعله تتيسر عليك يارب والبركه

كينكان هههههههههههههههههه الله لا يجعلنا ننصب على حد