السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين


كيفكم بعد هالغيبة؟

ادخل بالموضوع على طول

السبت الماضي كانت مقابلة الوزير بعد الثانية عشر ظهرا مع البنات ..<< أي بنات وليش مجتمعين والله علمي علمكم

وبكل صدق صديقتي حضرته صدفة.

راحت صديقتي من المدينة إلى الرياض ووصلت الوزارة صباحا

المهم قابل ابوها الموظف وقال بكل بساطة نبغى نقابل الوزير << ابوها على نياته سأل ببراءه

قال الاجتماع مع الوزير ومقابلة المراجعات بعد الظهر بعد 12

خل بنتك تروح للصاله الفلانية لمقابلة الوزير

المهم راحت صاحبتي

ولقيت بنات كثييير

واستنو لما حضر عمنا ((البراك ))

وجلس وقال كلام من ضمنه

(( انتو يانساء توجهكم كان محصور بشيئين

صحة وتعليم وهذا غلط سبب تكدس فانتي لما توجهتي لهالشيئين لابد انك عارفة ان هالاتجاهين الكل عليها<< مدري لوش يبي يوصل يمكن بقول ذنبكم على جمبكم

طبعا التعليم في اخطا كثير بالمناهج وبنظام التدريس وانا بودي لو ما اعين الا أصحاب المؤهلات العالية << يعني كنه يقول انتو مو بكفو


ثم بدأ يسمع من كل وحده وش هي مشكلتها

جاء دور صاحبتي المسكينة

وكانوا البنات يقولون لها اسمعي ترى صريح لو ماقريبك توظيف بيقولك

قالت له :: انا متخرجة لغة عربية من 7 سنوات

وماتعينت ؟

قال: حتى لو لك أكثر من كذا طالما فيه أحق منك إذا انتي ما جاء دورك

قالت : يعني لازم يصير لي 15 سنة عشان اتعين << بعدي قهرته

قال : والله إذا ظنك بالله وبالوطن كذا فخليك على ظنك او عبارة أخرى اعتقد هذا ظنك او شي زي كذا بنفس المعنى اللي ذكرت<< شكل الرجال تنرفز يستاهل

قالت : طيب انا ظروفي صعبه والدي متقاعد ووو

قال : كثير اللي عندهم ظروف صعبه مانقدر ننظر لكل وحده عندها ظروف
عاد كان ينظر لمشكلتها انها اقل من عادية وان مالها حق تتشكى لان كثير مثلها

انتهى الحوار

وعندي تعليق على كلمات حضرة الوزير

ياوزيرنا ماهي اسباب التكدس والميزانية تريلون والمدارس في احتياج تلاقي

الفصل فيه 50 طالبه وماافيه معلمات بعد

طالما فيه ميزانية جيدة واحتياج جيد ليش مايتم التعيين والعاطلات بالهبل

وين الخلل ؟؟؟؟؟

احنا ماقلنا بعد شهر من تخرجنا نتوظف

احنا لنا 7 او 9 او 10 أو 17

ومعدلات عالية


وبعد تشوف ان مالنا حق نتشكى لأن دخلنا مجال الكل دخله

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

رغم ان الكل داخل إلا ان لازال محتااااج جدا

وفيه عجز كبير

روح بنفسك شوف المدارس ؟؟

طيب

تقول نفسي أعين ناس أعلى مؤهلات

والبكالوريوس مؤهليين ومعدين يبلطون حوش جيرانكم

مثلا

ودراستنا هذي كلها حضرتك مستخف فيها ؟؟؟

ليييييييييييييييييييييش؟؟؟؟

ياليتني كنت فيها قسم غير أرد

واقول ثقتي بوطني وبالله كبيرة ولاتقاس

وثقتي فيك انت شخصيا بعد كلمتك هذي صفر صفففررررر

استخفاف بنا وبمؤهلاتنا لا أكثر ولا أقل
حسبنا الله وكفى

حسبي الله ونعم الوكيل

والله لو أنا بمكان صديقتك لقول أنت عينت ورشحت دبلوم

وين اصحاب المؤهلات العاليه اللي تتكلم عنها !!!

ورشحت خريجات من ثلاث سنوات واربع سنوات

وفيه احق منهم ماترشحت وين الاحقيه اللي تتكلم عنها يالبراك !!!

اقسم بالله ماعندهم سالفه وماهم دارين عن شي

ياليتني اكلمه واشوفه بقوله الكرسي اللي انت جالس عليه فيه احق منك له

*****

جداره

الله يرزقني واياك بالوظيفه عاجل غير اجل ويرزق جمييع البنات

اللحين بسالكم الوظائف الاداريه ليش ماصار لها ذكر أختفت

مالت عليه من وزير يروح الردي يجي الاردى حسبي الله ونعم الوكيل

اخت حضي الوظايف الادرايه ماعاد لها طارري ابببد الله العالم ينزلونها ولا ولا حنا خريجين ادراه نتنظر لنا سنيين ماطلعو ولا دفعه

وش هالرد الاستفزازي

ليعلم البراك وغيره من الوزراء ان الناس ماتثق فيه وتشوفهم خاينين الامانه

و تخبط الوزارات وعشوائيتها دليل على ضعف مؤهلاتهم وسوء تخطيطهم وتلاعبهم بالمقدرات والميزانيات الضخمة

لو بيدنا نحاسبه كان لفة على المدارس واحصائيات بسيطة تظهر العجز وسوء التوزيع ,, هذا غير ان التوسع العمراني

سريع ومايلزمة من انشاء مجمعات تعليمية في حين الوزارات مغيبة بارادتها عن الاحتياج ..

البراك بس يرد تسكيت شكله مايدري ارضه من سماءه ولا معقوله بنات متخرجين من 16 و18 سنه مالقى لهم حل ؟؟؟لو انها اختراع الذره

توجهنا محصور بشيئين صحة وتعليم !!
عذر اقبح من ذنب
وش عندنا غيرهم؟؟؟؟؟؟؟؟
يعني يبينا نصير مهندسات مثلا؟؟
يفتح المجالات ويشوف كيف البنات بيدرسون ويبدعون فيها

واذا على قولته محصور على صحه وتعليم خل يشد حيله وينفض الوزارات نفض من ها اللاجانب ويحصر الشواغر الموجوده في التعليم والصحه على قولته والله لو فيه تنظيم كان الكل متوظف بس انفخ يا شريم قال مهنا برطم

حسبنا الله ونعم الوكيل

اللي هذي كلامه ورده مو حاس بمعناتنا

عايش بخير وشلون يحس فينا

كيف بيفكر بحل جذري لتوظيف البطاله الجامعيه

واستغلال الكوادر النسائيه الجامعيه

حسبنا الله ونعم الوكييل

الحمدلله ان الرزق بيد رب العالمين مو بيدك

واحنا بمشئية الله توصل مطالبنا لابو متعب

وبنأخذ حقوقنا عاجل او اجل

ليتني كنت معهم كان عرفت اسكتك

واقوولك العيب من وزارتك ومخطاطاتكم الفاشله

المفروض كل دفعه تتوظف فور تخرجها

مو تتراكم الخريجات والاموال تخزن وتقولوا تكدس ومادري شوو

صبراً والله المستعان ،،،،