اخواني واخواتي اعضاء المنتدى ترددت كثير عشان اكتب الموضوع
بس محتاجه حد يشاركني مقترحاته
ياطولين الاعمار انا خريجة دبلوم حاسب كلية المجتمع
بس يوم تخرجت تفاجاة ان مالنا وظايف بديوان الخدمه
المهم توظفت بعد تخرج بسنتين بالمقصف تبع شركه مدرسة ابتدائيه
كان همي اني اقضي على وقت الفراغ
وحمدلله صح انه تعب خاصة المدرسه كبيره واعداد الطالبة حدث ولا حرج
بس يالله انبسطنا معا المديره والمدرسات
بعد سنه من الوظيفه قررت انا واختي نستقبل طالبات بيتنا مرحلة الابتدائيه صح اول سنه
كانوا قليلين بس الحمدلله السنه الثانيه زاد عددهم
خاصة ان حنا مراعين النااس باسعارنا
بعدها قررت استفيد من علاقاتي معا المدرسة واني اخلص لهم اشغالهم
المطلوبه منهم بالحاسب
وفعلا كنت استلم راتب من الشركه 900 وبعد التامين 819
بس الحين ومعا الطلاب والمدرسات صار يجيني بشهر حوالي 4000
وقبل شهر جاتني مدرسه وقالت ان تبغى تسوي معي مشروع وراح تجيني البيت تزورني
وفعلا جاتني وماتعرفون قد ايش كنت متحمسه
قالت انها تبغى تفتح مكتبه للمعلمات وتبغاني اشاركها شغلي
بحيث انها توفر لي الاجهزه وانا علي المجهود

جلست افكر ماعرف او افق او ارفض
انا اداوم من 6 الين 11ونص المدرسه
بعدها استقبل الطالبات من 1ونص الين 7 بالليل
بعدها امسك شغل المدرسات وطالبات الجامعه الين 11 بالليل

احيان احس اني مضغوطه خاصة ماعندنا شغاله بس مايجي شي بلاش
وش مشورتكم اخاف اني ماقدر اتحمل اكثر ودي وماودي

هلي واخواني متحمسين ويقولون فكره حلوه بس الصراحه قالت
تبغاني ادفع معها نص المبلغ اوربع حق الاجهزه وانا ماكذب عليكم
ماقدر... وهذا الشي رددني زياده

واسفه على الاطاله