السلام عليكم ورحمة الله وبركاته

مشروع توصيل من مكان الى مكان بسيارتك الخاصة الحين في سيارات بالتقسيط نزلت اعلانات كثيرة سيارات تقسيط 1000 ريال واقل شوي بدون دفعة اولى حتى دفعة الاخيرة تقدر تقسطه وادا انتهت العروض ما عندك مشكلة تقدر تتفق مع بنك وتاخد قرض وتسدد قيمة سيارة على القسط الي تبي او بسيارة تاكسي (اجرة ) تاخدها من شركات مأجرة وتكس عليها او ادا كلش تبي تريح نفسك تاخد سيارة بالتقسيط وتجيبلك عامل وتتفق معها ياخد المبلغ كدا ويعطيك المبلغ الي تبيه وتتفق معها كم ساعة يشتغل بس تكاليف العامل الي بجيبه مدري كم يكلف سيارة بكبرها مشروع تجاري
ما يحتاج الواحد يتعب حالة ويفتحله محل

ان شفت كثير ناس يترزقوا الله يوصلوا من الدمام الى الجبيل والعكس يجمعوا 5 عمال كل عامل يعطيهم 10 ريال 5 ضرب 10 = 50 ريال والعكس بعد يوصلوا عمال من الجبيل الى الدمام 5 عمال
احسبه يطلع ساعة رايح الجبيل يطلع 50 ريال وساعة راجع من الجبيل 50 يصير 100 ريال
يطلع بروحه وبرجعه من الجبيل خلال ساعتين يترزقون على سيارتهم الخاصة بسوق سيكو بالدمام
هالسوق كله عمال وسعوديين ومصريين وغيرهم يعني لو رحت من الجبيل الى الدمام والعكس
ثلاث مرات يوميا تطلع 300 ريال اضرب 300 ب 5 ايام من السبت الى الاربعاء يطلعلك 1500
ريال خلال اسبوع اضرب 1500 ب 4 يطلعلك بشهر براحة 6000 ريال وخميس وجمعة راحة
وعملك كم يصير 6 ساعات ساعتين رايح من الجبيل الى الدمام والعكس

اغلبهم الي يترزقوا بهشغلة سعوديين ما في هنود يوصلوا من الجبيل الى الدمام والعكس
بشارع سوق سيكو بالدمام وهدا مصدر ربحهم


اما على الشارع ثاني بسوق سيكو بالدمام كل تكاسي هنود موجودين يوصلوا مو مخلين سعوديين
بحالهم العامل الهندي يترك سعودي ويركب مع الهندي مسيطرين عليهم الهنود على قولة المثل
كلن يحبه ربعه
يوصلوا من الخبر الى الدمام والعكس ريال15 رايح من الخبر الى الدمام و العكس يجمع خمسة انفار كل واحد يعطيه 3ريال 3ضرب 5=15ريال يطلع خلال نص ساعة رايح ونص ساعة جاي يطلع 30 ريال خلال ساعة قول لو رحت من الخبر الى الدمام والعكس 8 مرات يوميا كم بتطلع من التوصيل 8 ضرب 30= 240 ريال باليوم 240 ضرب خمسة ايام بالاسبوع=
1200 ريال بطلع بالاسبوع خميس وجمعة قول راحة 1200 ضرب 4 =4800 ريال شهريا
شغلة مربحة المشكلة العمال الهنود مسيطرين على طريق الخبر

واعرفلك واحد سعودي ما نجح بدراسة اخد باص بتقسيط بمساعدة والده يروح ويجي من الدمام وسيهات الى الخبر يوصل طالبات تبع كلية المانع الصحية بالخبر ياخد على طالبة الواحدة شهريا روحه ورجعه ريال 500عاد يوصل 10 طالبات اضرب 10 ب 500 كم يطلع بشهر الواحد كم يطلع
5000 ريال شهريا بس احيانا يكون في فترتين جدول الطالبات مو موحد من الكلية يوصل دفعة
من الطالبات من 11 ساعة الظهر ويرجعهم بيوتهم بوقت مختلف عن دفعة طالبات الاولى

واعرف واحد ما نجح بدراسة طلعله باص بمساعدة احد اخوانه يوصل 5 مدرسات من الدمام الى حفر الباطن والعكس ياخد على الاستادة الوحدة 2000 ريال شهريا اضرب 5 مدرسات ب 2000 ريال شهريا كم يطلع بشهر راتب 10000 ريال شهريا راتبه اعلى من موظفين ارامكوا سابك
برتبة موظف حكومي ما شاء الله بس مدري كم ساعة من الدمام الى حفر الباطن يمكن ساعتين والله اعلم

وفي بسوق سيكو بالدمام ينادوا سعوديين رياض رياض وان مار سمعته سئلته بكم توديني قالي
ب70 ريال هو يوصل من الدمام الى الرياض والعكس 70 ب5 اشخاص= 350 ريال
يوصل من الدمام الى الرياض والعكس 4 ساعات رايح و 4 ساعات راجع دوام موظف بالقطاع
الخاص تقدر تقول 8 ساعات باليوم مدة عمله يعني رايح وراجع باليوم يطلع 700 ريال
700 ضرب 5 ايام بالاسبوع= 3500 ريال 3500 ريال ضرب 4 يساوي بشهر 14000 ريال
شهريا فوق راتب الموظف الحكومي ما شاء الله انت احسبه بتشوف حسابي مضبوط


بعض الناس يقولك حوادث وشغلة خطرة التتكس ما احد بموت قبل يومه والموت حق والكل الله كاتبله يموت بطريقة معينة لو ما متت بحادث سير يمكن تموت وانت نايم وما تصح من نومك
او وانت واقف يوقف قلبك وتموت او انت جالس قدام ناس يمكن تموت الله العالم

هدا ان الله ستر كنت بخطر الشارع ماسك كافي حليب بيدي واشغلني عن طريق ما نظرت بشارع
والكافي حار ما ني قادر امسك الكاس جاني صاحب تكسي مسرع كان بروحني لولا ستر الله

الواحد عنده عمل وارتباطات ما يقدر يتكس لو اطلعلي سوداني او مصري او عامل هندي
وعطيه سيارة او باص يكون مظهرها رزة وجيد كم يكلفني التقديم على العامل وكم ممكن ياخد
راتب وان كم ممكن احصل من ربح؟؟؟؟؟ كم يكلف ايجار التاكسي من شركات التأجير؟؟؟

ااسف على الاطالة
تقبلوا تحياتي

صح كلامك
المشاوير فيها ذهب
واعرف اشخاص موظفين وي مشور..

[align=center]
يوم قرأت حساباتك ذكرتني بما حدث معي في محل ( بودي شوب ) كنت أتكلم مع أحد الموظفين السعودين
وأخبرني بأن ربح المحل أمس كان عشرة آلاف ريال !!! واليوم ربح المحل يا دوب وصل ألفين ريال.
----------
العجيب في المحل أن موقعه لا يوجد فيه حركة كثيرة وإنما حركة عادية والغريب فيه أن ربحه في أحد الأيام
وصل عشرة آلاف ريال.. الدنيا أرزاق
[/align]

ماشاء الله

ترا والله التجاره فيها بركه مهما كانت
الله يبارك فيك

انا من الرياض وعندنا الي يوصلون من الرياض للخرج نفس الحاله بـ 10 ريال ويعبي السياره >5 او 6 هنود رايح 60 وراجع 60 -120 بالساعه او نقول بالساعتين (لازم الانتظار ) يعني لو باليوم 3 مرات -360 -1800بالاسبوع>800ريال يمكن يصيدك ساهر يمكن لا ,هههههه نضربها ب 4 يطلع 4000>بدون 800 صافي لك (تقولي ليه شلت ال800 = بانزين وزيت وهيك -مع 800 =7400 بالشهر مره مره مره حلوووه والله

بس السوال الي جالس ابحث عنه من فتررررره طويله
وين القى لي تكسي وماهي شروطهم يالغالي

الواحد عنده عمل وارتباطات ما يقدر يتكس لو اطلعلي سوداني او مصري او عامل هندي
وعطيه سيارة او باص يكون مظهرها رزة وجيد كم يكلفني التقديم على العامل وكم ممكن ياخد
راتب وان كم ممكن احصل من ربح؟؟؟؟؟

كم يكلف ايجار التاكسي من شركات التأجير؟؟؟

اسأل مجرب صدقني مربح والرزق على الله ولاكن شغل يعني شغل والراحه معدومه