السلام عليكم ورحمة الله وبركاته ..

صبآح الخير

بمآ آنو امس نزلت الدفعه الرابعه من حافز .. بحساباتنا .. حبيت اذكركم بشيء مهم جدا
الا وهو ( الصدقه )
حبيت اذكركم فيه عن طريق قصتي مع حافز و الصدقه ..
يا اخواني و آخواتي ..
انا شخصيا ( آاتحدى ظروفي ) بقولكم قصتي ولعلها تكون عضه وعبره ومفيده لكم
واخذ منها الاجر بأذن الله ..

انا ولله الحمد هذي رابع دفعه اخذها والحمد لله ..
ومن اول دفعه نزلت بحسابي .. وقبل ماتنزل قلت لآمي الله يحفظها آبي اكفل يتيم
شجعتني الله يطول بعمرها وخليت هالشيء بيني وبين امي وربي .. لعلي احتسب الاجر
لكني بقولكم هالشيء عشان اخذ وتاخذون انتم الاجر بعد
وفعلا من اول مانزلت الدفعه رحت لآحدى الجمعيات الخيريه ..
واستفسرت عن كفالة اليتيم خلال سنه
.. قالي لازم فالبدايه تدفعين 600 ريال حقت 4 شهور
يعني خلال هالـ 4 شهور ماادفع شي لاني خلاص عطيتهم حقتها وبعد آنتهاء هالفتره ابدآ
اعطيهم كل شهر 150 ريال خلال السنه هذي او اذا حبيت اخليها دائمه مو مشكله

او ادفع 400 ريال حقت بس 3 شهور .. ونفس الطريقه اذا انتهت هالتفره ابدا اعطيهم الـ 150 شهريا
مااتسصعبت الأمر تسهل كل شيء ولا تحسفت على اللي بدفعه سواء 600 او 400
وقررت اني اعطيهم 400 ريال حقت 3 شهور ... وبعدين ابدا اعطيهم الـ 150 ريال
وفعلا سويت هالشيء ..

ياناس والله ثم والله ثم والله ماتصدقون وش صار لي بعد هالشيء ولله الحمد

اول شيء الوالد الله يحفظه ويطول بعمره .. كان عليه ديون وقدرها 400 الف ريال متخيلين حجم الدين وش كثر هو كبيييير ؟؟؟ لكن مافي شي كبير وصعب على رب العالمين
وكان مهدد بالسجن لا محال
وكنا خايفين عليه وكان هالشيء متعب نفسيتنا ومهدد حياة ابوي ومستقبلنا
بحيث انه تعبان ..
وغير كذا كان فيه مشاكل كثيره فالبيت وبرضو كانت مهدده حياتنا
انا شخصيا تأثرت كثير بهالأِشياء وكنا نقول ماراح تنحل ديون آبوي و مين اللي راح يسدد ديون ابوي ؟؟

لكن حصل اللي حصل والحمد لله رب العالمين مايضيع اجرك عنده ..
قبل تقريبا اسبوعين راح الوالد للأحوال المدنيه بحيث انه يجدد بطاقته او شيء من هذا القبيل
وحصل اللي حصل كانوآ كل اللي يطلبون الوالد معممين عليه يجميع الدوائر الحكوميه
وللأٍسف مسكوه وتوقف عندهم 5 ايام وكان عدد المطالبين بحقوقهم حوالي 6

خفنا على الوالد .. وعلى صحته ... وعلى انفسنا وعلى مستقبلنا
وكان سؤالنا الوحيد كيف بيطلع ؟؟ مين اللي بيكفله عشان يطلع ويحط على ظهره 400 الف
كان كل همنا اننا نلقى لأبوي كفيل بس عشان يطلع من التوقيف
ماتوقعنا ان الله سبحانه مايضيع عنده اجر وخير آنت سويته ..
جاء فاعل خير من حيث لا نحتسب ... ماكنا متوقعين انه يفكر فينا او بأبوي الله يجزاه الف خير ويجلعها الله بميزان حسناته

ووالله ياناس انه سدد ديون الوآلد كلها 400 الف ريال ولم يبقى على ابوي ولا شيء ولله الحمد
يناس لاحظوآ اني كفلت يتيم ودفعت 400 ريال بس لكن ربي لم يكرمني بس بـ 400 ريال
بل ضاعفها لي وازال عن ابوي هم 400 الف ريال ..
وغير كذا مشاكلنا فالبيت انحلت ولله الحمد وصار حالنا من احسن مايكون

شفتوآ كيف آجر الصدقه ؟؟؟


بقولكم وش الأِشياء اللي حسيت فيها لما صرت اتصدق وآكفل اليتيم ..
رآحه نفسيه ليس لها مثيل سبحان الله
ورغم الهموم والالم اللي كنا نعيش فيها الا اني ياسبحان الله كنت متفائله جدا
وصرت آقتنع بأقل شيء يجيني وصرت راضيه بحالي وغير كذا
الضحكه اللي ماصارت تفارقني ابدا ولله الحمد
غير الهموم اللي ربي يفرجها عليك هم ورا هم
وغير كذا البركه اللي بتلقونها بفلوسكم ... غير كفالة اليتيم اني اخصص لآمي 1000 ريال شهريا من حافز
وايضا اعتبرها صدقه ..
يعني انا شخصيا مايبقى معي الا 700 ريال بس من الـ 2000 حقت حافز
بس والله انها مثل 7000 بالنسبه لي لو وش اشتري مااحس انها تخلص بالعكس تنزل الدفعه الثانيه وانا باقي معي لو اقل شيء 100 ريال
وغيرها اشياء كثييييييييييره

وبس هذي قصتي مع حافز والصدقه ...
حبيت انكم تستفيدون منها كما انا استفدت منها شخصيا ..
تصدقوآ... تصدقوآ ... تصدقوآ .... تصدقوآ
لو بـ 100 او 50 او 20 او اقل شي 5 حتى لو ريال
اجره عند رب العالمين مايضيع سبحان الله ...

آسفه على الاطاله بس مثل ماقلت حبيت انكم تستفيدون


يامشرفين العذر والسموحه اذا موضوعي مكانه غلط بس بما انو كلامي عن حافز فحبيت انه يكون هنا بالقسم ...