صباحكم معطر بريح الخزامى

احبابي اعضاء وعضوات وزوار منتدى حلول البطاله القميل

عندي موضوع بسيط وبنفس الوقت مهم وابي نتناقش فيه وكل واحد يقولنا رايه

كلنا عندنا احلام وطموحات وتطلعات للمستقبل سواء صغير او كبير بين قوسين((شباب وشابات وشيبان وعجايز امثالنا هع))

الموضوع هو الشغل او بمعنى اخر التجارة

فيه ناس جرحوني بكلمه ومن هالجرح حبيت اطرح هالموضوع عليكم

هل تعتبرون من يبحث عن شغل تجاري سواء كبير اوصغير تشوفونه عيب؟؟

يعني تعتبرون الي يشتغل بالتجاره انسان محتاج؟

وماهي نظرتكم للمرأة التي تهوى التجارة ودخلت هالمجال سواء بمبلغ كبير او صغير

وايا كان نشاطها المهم انه بيع وشرى هل هالشي تعتبرونه عيب بحقها ؟

فيه ناس استحقرو شغلي وخاصه لما عروفو اني توني بالبدايه يعني لي بس سنه او اقل واستحقرو اني ابي اطور نفسي ومن ظمن هالتطور اني اسوي لي كراتين واحط لي شعار رغم انها بفلوسي يعني ماشحت من احد

انا هنا اتكلم للعموم مو عني انا فقط

اتمنى الكل يدلى بدلوة ويقولنا رأيه بهالموضوع

هل تعتبرون من يبحث عن شغل تجاري سواء كبير اوصغير تشوفونه عيب؟؟


انا ما همني العيب في اي مجال همني " حرام " او " حلال " لان الإسلام يكفي عن افواهـ الجهلاء

بصراحة لاتردين على قرايبك واحتى المدح احياناً يكون على الشخص بالعكس يعني يمدحك وتحس انك وصلت للقمة

ف استشيري نفسك بنفسك بكل شي وتوكلي على الله

واحنا نرد على الرسول علية الصلاة والسلام فهواء فوق الجميع وهواء قدوتنا علية الصلاة والسلام

عن أمير المؤمنين (عليهم السلام): (إن رسول الله (صلى الله عليه وآله .: (من لزم التجارة استغنى عن الناس)

؟ لو عيب الرسول علية افضل الصلاة والسلام ماقال هذا الحديث

إن الإسلام لا يكره التجارة، فإنها وسيلة من وسائل الكسب المشروع، حتى أن القرآن يطلق عليها وصفًا جميلاً، يقول: (. . يبتغون من فضل الله) (المزمل: 20). فسمى طلب الرزق عن طريق التجارة ابتغاء من فضل الله . ويقول أيضًا: (ليس عليكم جناح أن تبتغوا فضلاً من ربكم) (البقرة: 198). وهذه الآية نزلت في موسم الحج، أي حتى في أثناء الحج يجوز للإنسان أن يبيع ويشتري،

عـأد اختي شوفي تردين على الإسلام

ولا على الـبشـر المتحطم والي يقول محتاج ؟ ! اجل مافي تجار بالدنيا

يالتني تاجر ويقولن لي محتاج عادي .. ^^ شكل عبداللطيف جميل والراجحي محتاجين هههههههههههه والله بعد الله البعض هم يحتاجونهم ديون منهم وكل شي منهم الله يعين

والله يوفقنا ويوفقك

وان شاء الله تغير شي الى الإجابي عندك

^^ وانا تاجر في مجال الانترنت وعادي ماهمني احد

لاتعليق سوى :

إذا ركلك أحدهم من الخلف فاعلمي انك في المقدمة

لايهمك إرضاء الناس نصيحة لك

الناس قناعات ياأختي

بعد فترة إذا ربي فتح عليك
يطلبون منك سلف

تمنياتي لكي بالسعادة

نصيحتي لك استمري في التجاره ولاتيئسي من الكلام الي يجرحك
استفزازهم وجرحهم لك اختبار هل عندك عزيمه واصرار بتستمري او لا

وتاكدي مليون فالميه لو استفدتي من تجارتك وتوسع الشغل معااك
والمكاسب تجيك بالهبل بيخلوك الامره والناهيه ويتمنوا انهم يصيروا مثلك
الله يرزقك

[align=right]هلا فيك اختي

اسمعي الكلام واستمري في مشروعك ولا تنظرين لهم وانظري الي مستقبلك حاولي قدر المستطاع ان تحققي احلامك

التجاره وطلب الرزق ما فيها عيب العيب شق الجيب اقسملك بالله في وظايف كلها مرمطه ومذله واهانه بس هذه مشكلة

الشعب عندنا يتفاخر ويتباها في العصريه وفي الصباح يحصل الذل والمهانا من المدراء والرؤساء وعلى ايش هذا كله على

حساب راتبه خمسه الاف ولا سته الاف طيب انا لو اشتغلت بالتجاره اطلع احسن منها بشي كثير واكون مرتاح البال

لا مدير يذلني ولا رئيس يخلين منشفه يعلق علي اخطاه وانا والله انصحك انصحك انك تستمري

في مشروعك ولا تلتفتي الي صغار العقول صدقيني لو تغير وضعك المادي الكل راح يحاول ان يقترب منك اتمنى التوفيق.[/align]

الف شكر لكم عالكلام الحلو والمشجع بس حبيت نتناقش بالموضوع بشكل عام مو شخصي

المشكله صعب تغيير تفكير بعض البشر الي مهما سويت مايقتنعون فيك ومهما كبرت تجاريا تضل بنظرهم(بياع)

ياختي الفاضلة والله لو سمعتي كلام الناس ماراح تعيشين
كل واحد يعطيك كلام ويحطم
ياتلاقين الواحد متوظف او فاته القطار وهو باقي ماسوى شي فجالس يخرب على الباقين
هذا انت استمريتي ونجحتي
فلاتسمعين كلام احد
والله يوفقك

انا غير

موضوعك ممتاز وفي محله

ممكن بس اقول كلمه بسيطه

الي يسمع كلام الناس عمره ما يوصل لحل لانه اخوك يقولك يمين خويك يقولك يسار ولد عمك يقول على طول والقائمة تطول وكلن له وجهة نظره في ه الموضوع بس سئلتك بالله

الي قالولك التجاره عيب او التاجر محتاج عليهم قروض؟ مديونين؟ ندهم بيوت ملك هم بنوهم بانفسهم؟

راتب الوظيفه لحاله عمره ما يسولك شي لازم لازم لازم شي البني ادم ينسند عليه جمب الراتب الله اعلم بكرة النهار ايش يصير والله يوفقك ويوفق الجميع

ونصيحتي لكي

الي يحبطك خلي اذنك من طين والثانيه من عجين وخليكي على عزيمتك واصرارك والله يوفقك

الي يتعب ينول والي يتبطح في البيت قدام المسلسلات ولا عمره حيتقدم
موفق بإذن الله ... لك مني أجمل تحية .

انا ابيع عطور وكلها تركيب
والان اضعها في كيس شفاف لتغليف لكن الان اريد ان اضعها في كراتين نفس فكرة اختنا
ممكن احد يدلنا على مكان هذه الكراتين

بسم الله الرحمن الرحيم

..

حياك الله اختي .. مآعليك ي أختي من الناسس لازم تحطممك وتلعب فيك ..

انااعرف شخص كان يشتغل بمطعم هرفي . كان عامل نظامه بـ 1500 ريال .. رغم انه مو محتاج ماديآ ولكن فضاوه هذا الكلام قبل خمس سنوات .. والان هو مسؤل بالشركه وراتبه 12 الف وبيت وسياره وبنزين ع حساب الشركه ولكن الناس اللي حوله كانوا يحطمونه ويقولوا بنعمه وتشتغل هالشغله .. شي ماتشوفين انه حرام سويه ولا عليك من احد ..


والله يوفقك