[align=right]
سسلام ع ـليكم ورحمةه ه الله وبركآإ‘ته
.. شبآ‘ب بستفسار ، الحين أنا متخرج من الكلية التقنيه تخصص / إدارة مكتبية
نسبه كويسه 4,08 ،
أبي أقدم على أدارة التربية والتعليم ، أو البلديه ، أو الاحوال ، أو المحكمةه
كيف الطريقه عادي اروح لهم اقدم ملفي زي الشركات ، .؟
أو اتعاقد معهم على بند الاجور . بالله سعدوني ، طفشت وانا حارس أمن .
أتمنا تسعدوني لو ب القليل ،،،
[/align]

حارس أمن ؟؟؟؟؟؟؟؟؟

والله أعرف واحد خريج كلية تقنية معدله 4.88 من 5.00
والحين سكورتي راتبه 2300 ريال وكثير والله متوظفين هالوظيفة ومنهم بائع تجزئة حسبي الله ونعم الوكيل
وأعرف واحد أيضاً معدله 4.98 من 5.00
والحين عريف في أمن المنشأت راتبه 7000 مع البدلات وكثير العسكرية الي دخل بالشهادة والي ما يبونها مثل الطوارئ والجوازات وغيرها بالثانوية جندي
وأعرف واحد في أرامكو معدله 4.55 من 5.00 مساعد إداري في أرامكو راتبه 5500 ريال
مع خصم التأمينات 5022 ريال يستلم يحسب أنه بيعينونه فني مع بدل الشفت 10 % وغيرها بيطق راتبه 7 اول ما يتخرج
والحين له 3 سنوات راتبه توه يوصل وشايفة في عيني في تعريف الراتب حقة 6300 ريال اساسي مع الخصم 9 % يستلم 5700 ريال تقريباً
وأعرف 5 معدلهم بين 3.25 إلى 3.77 من 5.00
فنيين في الشركة السعودية للكهرباء سكيكو في محطات التوليد
هم إداريين وقلبينهم فنيين ودربوهم 15 شهر سنة و3 شهور
وراتبهم فوق 8 مع البدلات والحين يمكن فوق 9 أو 10 رواتبهم ويقولون يا ليتنا داخلين عسكرية افضل من الجحيم الي قاعدين فيه

شف التقنية تحطيم مستقبل لم أجد واحد متوظف في شهادة التقنية
الا متحطم يقول يا ليتني مكمل بكالوريويس

مكلمك الي هو انا طبعاً
متخرج ادارة مكتبية 2008 م معدل 4.44
ما باقي مكان ما قدمت عليه حتى ارامكو سابك سويت اختبارات فيهم لكن ما اقبلوني
وراحت امن المنشات وكملت الاجراءات لكن في النهاية الواسطة
قدمت على سكيكو في التسجيل لهم مع أني إداري
قلبوني فني
ودرست سنة و3 شهور كما وضح الأخ الي فوقي
مشغل محطات توليد البخارية
داوم شفتات وتعب وكرف الله لا يرويك ايها
في ايام الصيف الشمس الحارقة واحنا في المعامل وابخرة وحرق والرطوبة
ودرجة الحرارة داخل المعمل فوق 80 درجة
وصيانة توربينات وغيرها والله نروح وطي
صحيح انا لي 3 سنوات ونصف في سكيكو
راتبي الآن مع البدلات والاوفر تايم في بعض الاوقات
يوصل راتبي 10 ويعدي والحمد لله على كل حال ومزايا اقولك كالعلاج والادخار والصناديق التعاونية وغيرها

لكن حسبي الله ونعم الوكيل على التقنية الي ما لقيت قدامي الا سكيكو

صدقني ما افضل من الحكومة راحه وروح قدم وقدم على ارامكو تراها اريح من الحكومة
والله يوفقك
بس لا تقرب الشركة السعودية للكهرباء سكيكو لأنها عذاب
3 سنوات ونصف الوالدة تزوج وانا رافض
بسبب الكرف والله اجي البيت مكسر
نوم دوام مسجد بالغلط والله العظيم
الا كل وقتي نوم دوام وصلاة في البيت

الله يوفقك ويحقق لك ما تتمنى

و لا تقرب المقاولين خاصة التابعة لسابك وأرامكو لأن رواتبهم يوقعونك على عقد فوق 5 مثلاً
وراتبك 2000 ريال
اعرف زميل لي اداري مكتبي 1800 ريال في مكتب ارامكو في الاحساء تبع مقاول نظافة

سكيكو اكثر مقاولينها فنيين صيانة كالخطوط الهوائية والتوليد

قدم على موبايلي او الاتصالات او زين وروح قدم في الحكومة الامانة وغيرها والله يوفقك

حرام 4.08 وحارس أمن
هالتقنية دمار وأنا أخوك
وروح البلدية وغيرها قدم اوراقك والله يوفقك

[align=justify]
الله يوفقك
يا كثر من تخرج من هالكليات التقنية وقاعد حسبي الله ونعم الوكيل
ومنهم يشتغل في شغلة غير تخصصه
ومنهم من يشتغل في الثانوية والمتوسطة
ومنهم اشتغل في وظيفة لا يرغب فيها
وأكثرهم العسكرية
[/align]

اخخخ بس اجل موب انا بس ، إلي يشوف مصايب الناس تهون مصيبته
أقسسم بـ اللـه لفيت الشركات شركةة شركة ولا وأحد التفتلي بس تخصرت تصوير اوراق وخسارت ملفات
... ماشوف إلى الا ينظرلي الى الشركات حقت الحراسات الامنيه .
مقول الإا يارب لا تجعل الدنيا اكبر همي وترضاء علي ، اللهه يسستر من التالي واللهه لا يوفقك من كآن السبب

وطني آصبحت جاحف وقاسي على أبنائك .
آلله يعين أخي الكريم .

[align=center]انا خريج ادارة مكتبية

قدم يخوي على جدارة واستعن بالله واكثر من الاستغفار وإن شاء الله تفرررج ..

الله يوفقنا جميعا [/align]

الحمدلله قدمنا على كل شىء جداره وغيرها ،، حنى سسعينا
والله يكتب الاا فيها خخير
بس ياخوان الا يعرف كيف طريقه التقديم على التربيه وتعليم لو بتعاقد او المحكمه فيها مكتب لا التوظيف عندهم .؟ ياليت يفيدنا ولا يبخل جزاكم اللهه خير