السلام عليكم ورحمة الله وبركاته

كيف الحال ؟

1- مشروعي الاول :
جت ببالي فكرة مؤسسة عاملات نظافه لتأجيرها على الادارات والمدارس الأهليه وبالاحتفالات

طبعا فكرت فيها بعد ماشفت مجموعة كبيرة من عاملات النظافه في احد الادارات النسائيه يداومون الساعه 7 ونص ويطلعون الساعه 2 الظهر ..

حبيت اعرف ماهي الخطوات لانشاء مؤسسة للنظافة وتأجير العاملات ؟


2- انا الان بصدد انشاء معمل للديكور متخصص بالاعمال الجبسية والكلادينج طبعاً استخرت بعد ماقرأت عن نصائح الاخوان هنا عن هذا المشروع والحمدلله
اذا عندكم افكار جديده للتسويق وكيف اسوق لأعمالي وابحث عن مشاريع ؟


3- وجدت مؤسسة للتنازل لديها 7 عمال يعملون لصالحهم مقابل 200 ريال لصاحب المؤسسة !!
وانا فكرت بشرائها ومن ثم تأجير العمال للشركات الكبرى او لمن يحتاجها , لكن خفت ان العمال يرفضون او يغثوني , فحبيت اسأل هل ممكن الغي اقاماتهم واجيب عمال غيرهم بنفس جنسياتهم ؟
او تنصحوني مااشتري المؤسسة ؟
طبعاً انا بالبداية فكرت في مؤسسة مقاولات واجيب عليها عمال وأأجرهم على الشركات لكني مااعرف كيف طريقة الشركات هذي قريت بالنت اعلانات بس ماحبيت اتصل قبل يصير عندي عمال < تجهز العصابة قبل الفلقه
( على فكرة الي مستعد يساعدني له 10 % من الارباح شهرياً على كل العمال )



واذا عندكم افكار مشاريع من مبلغ 50 الف وفوق ياليت تساعدوني فيها ..
على فكرة انا بنت بس فيه اخوي وابوي راح يستلمون الاعمال يعني لاتقولون خليك بالمشغل وبيعي بالنت
ابي مشاريع ثقيله زينه ومربحه ..

وجزاكم الله الجنة ووالديكم ومن تحبون ..

في انتظاركم ..

جعل ربي يوفقك ويرزقك برزقه الواسع

الله يوفقك ويرزقك بصراحة افكارك طيبة وجميلة والله يوفقك ويرزقك بس الديكور هو الطلب الكبير عليه بكون خصوصا بالمستقبل

مشكورين الله يجزاكم خير

موفق بإذن الله ...
المشروع الثاني .... خصوصا بعد ما قرينا انه المحطات بيصير اجباري وغير المحلات التجاريه ووو
اطبعلك بروشرات ووزعها ع المحطات لو تبدا بالصغيره او ما تبي وجع راس بكثرتها المحطات ع خطوط السفر كبيره
وكثيره
موفق بإذن الله ... لك مني أجمل تحية .

شـكرا لك وبارك الله فيك... لك مني أجمل تحية .

الله يجزاكم الجنة