06-04-2012, 08:52 PM
|
عضو مهم جداً
|
|
تاريخ التسجيل: Apr 2010
المشاركات: 605
معدل تقييم المستوى: 3682
|
|
اقتباس:
المشاركة الأصلية كتبت بواسطة بوسعديه
ان شاء الله تتخرج بس حبيت اسالك التخصص صعب
لانه انا سمعت انه صعب ومو مطلوب في الجهات الحكوميه يعني بس مطلوب في الشريكات
يارب تفيدني مشكور
|
التخصص ماهو صعب لاكن يحتاج اجتهاد منك
محدثك خريج الكليه التقنيه تخصص تسويق
والان وانا اكتب الرد لابس سروال وفانيله عااطل منذ سنتين ونصف ...!!!
شوف اخوي حاول تجيب معدل حلوو حبذا لايقل عن 4.00 وان شاء الله تتوظف
من خلال خبرتي في العطاله والتقاديم تخصص تسويق مو شرط تتوظف وظيفه تسويقه فيه لك مجالات اخرى ممكن تتوظف مساعد اداري - سكرتير - خدمه عملاء - كاشير - بائع - مندوب مبيعات - منسق مشتريات - المبيعات ..... إلخ هالتخصص له مجالات كثيره .
لاكن اكثر شي يطلبوك حق وظايف المبيعات - مندوب مبيعات - مشتريات هذولا اكثر شي .
اعرف واحد من الشباب تخصصه تسويق توظف كاشير ثم ترقى الى خدمه عملاء والان حسب ماسمعت منه جايته ترقيه بصير مشرف خدمه عملاء الله يوفقه
واعرف واحد من الشباب تخصصه تسويق شغال في شركه مسؤول مشتريات .
وفيه واحد من الشباب تخصصه تسويق شغال موظف استقبال
وفيه واحد شغال كاشير
وفيه واحد شغال سكرتير
هذولا الاشخاص الي تخرجوا معاي في نفس الدفعه الله يوفقهم
قبل اسبوع رحت جريدة الشرق اقدم قلت لهم ويش الوظايف الي عندكم قال لي ويش مؤهلك قلت له تسويق قال لي تشتغل معانا " سكرتير مدير " قلت لهم حلوو ماعندي مشكله وللحين ماعطيني احلى سيفون مادقوا !
تخصص التسويق له مجالات كثيره ،،
اما من ناحية الوظايف الحكوميه اغسل يدك هالتخصص شبه معدوم في الوظايف الحكوميه غير مطلووب الا ماندر مطلوب اكثر في القطاع الخاص .
خلاصه الكلام :
1- التسويق مجاله قطاع خاص ،، الوظايف الحكوميه نادر جداً
دعواتك لي اتوظف ،،
التعديل الأخير تم بواسطة عبيد في التجنيد ; 06-04-2012 الساعة 08:55 PM
|
العرض العادي
