[align=center]
صباح الخير
العنوان يحكي كل السالفه ههه
ودي اسجل بدوره حاسب شهاده هامبردج لمده شهر ونصف لكن مادري عن حافز هل بيقطعونه؟
ابي العلم الاكيد
[/align]

لا يا اخوي ما يمنع
لانها ماهي تابعه للوزاره
ولا تابعه لـ وظيفه حكوميه

زي الانتساب حقين الانتساب ينزل لهم حافز

اتوقع يقطعون الاعانه عاد هم على طريف مايصدقون ويقطعون عليك الاعانه والله يوفقك

[align=center]

اقتباس:

المشاركة الأصلية كتبت بواسطة مرتفع ضغطي لا يا اخوي ما يمنع لانها ماهي تابعه للوزاره ولا تابعه لـ وظيفه حكوميه زي الانتساب حقين الانتساب ينزل لهم حافز

كيف ماهي تابعه للوزاره الدوره بكليه المجتمع هل هي تابعه ولاالا انا سمعت ان مايمنع اذا كانت الدوره اقل من 6 شهور واذا اكثر يمنع بس مو متاكده
ع فكره انا فيميل لست بميل هههه
[/align]

[align=center]

اقتباس:

المشاركة الأصلية كتبت بواسطة هتانه اتوقع يقطعون الاعانه عاد هم على طريف مايصدقون ويقطعون عليك الاعانه والله يوفقك

على قولتك هم على طريف يبونها من الله عذر عشان يقطعونه والله مدري محتاره

[/align]

لا مني لك شهر ونص مايقطعونها

ادخلي على الشروط وتأكدي

الا عآد اذا رجعو لفصلآتهم الي ماادري شتبي ممكن يقطعونك ..!

موفقه

الدوره اللي ماتتعدى ثلاث اشهر مايقطعون الاعانه ...

اختي غير صحيح انهم يقطعونها لو دورتك اي مده

اصلا من اهداف اعانه العاطلين انك تطورين نفسك اما بالدورات او حتى الدراسة

فيه ناس منتسبين للجامعات واعرف شخص في دبلوم تربوي انتظام في جامعة الامام ماقطعوا عليه الاعانه مع انه بادي من بداية السنة الدراسة اي قبل ماتبتدي الاعانه


توكلي على الله وادخلي الدورات اللي تبين والشروط واضحه فقط للمنتظمين في الدراسة الاكاديمية في احدى الجامعات السعودية

[align=center]
شكرا لكل من شارك ورد يعطيكم الف عافيه
حبيت افيدكم بمعلومه انا اليوم اتصلت بحافز وسالتهم لاني ماوجدت اجابه موحده فقلت خل اتصل فيهم واجرب حظي المهم ردت علي موظفه وقالت اذا الدوره اقل من 3 شهور عادي مايمنع بس اذا اكثر راح تمنع عنك اعانه حافز
اخ طموح ولكن المفروض زي ماقلت انهم يشجعون الواحد يطور نفسه يتعلم وييسجل بدورات لكن مدري ليه حاطين هالشرط احس ماله داعي صحيح انا الدوره اللي ودي اسجل فيها شهر ونصف واقدراسجل من غير مايمنعون عني حافز لكن لو تتطلب الدوره 3 شهور ليه يمنعونه؟؟ والله حرام الواحد يتجمد يعني؟ خخخخ
[/align]