مع الظروف القاسيه ويش اسوي .. ؟؟

زيدان · #1 (**permalink**) 16-03-2008, 05:14 PM

حيـــاكمـ الله ..

الجفن حاربه الكرى قدلـه الليـال

وقدهو على بعض الطرايق امنـوي

والدمع من موقه على الخد همـال

لوينقسـم علـى العطاشـا يـروي

وصوت المعذب لاطرا هاجسه طال

يشدي خلـوج ضيروهـا اِاِببـوي

ظلمتنـي ياوقـت والظلـم لا زال

وقامـت لياليـك بعناهـا تضـوي

حديتني على العنـا واشهـب الال

واشبك تورينـي الجفـا والتلـوي

واذا سبح فكري من الجال لا الجال

قعدت اقزر من همومـي وشـوي

فالله لايجـزاك بالخيـر جــوال

لخبطت تفكيري وعكـرت جـوي

اببتعدبك عـن محطـات الارسـال

وتحرم عليـك الذبذبـه والمقـوي

وان جيت لي في مرتع تو ما سال

قربت معمالـي وشبيـت ضـوي

ريح الثرى عقب المطر يشرح البال

الليـل ظلمـا والسمـا فيـه نـوي

اخذ مع الافكـار حلـه وترحـال

واسري بفكري في ظلام ن مـدوي

اصد من هرجة ضحوكٍ ومحتـال

سنه صديـق لـي وقلبـه عـدوي

واصد عن مجلس هل القيل والقـال

العذل يضعـف والعزايـم اتقـوي

والاصحاب مابديها على كل الاحول

الله علم وش يرسم الوقـت تـوي

فان كان ماعشت التماني والامـال

مع الظروف القاسيه ويش اسـوي

للشاعر / عبدالرحمن بن بديع ..

مَاجِد · #2 (**permalink**) 16-03-2008, 06:22 PM

اقتباس:

اصد من هرجة ضحوكٍ ومحتـال

سنه صديـق لـي وقلبـه عـدوي

واصد عن مجلس هل القيل والقـال

العذل يضعـف والعزايـم اتقـوي

والاصحاب مابديها على كل الاحول

الله علم وش يرسم الوقـت تـوي

فان كان ماعشت التماني والامـال

مع الظروف القاسيه ويش اسـوي

صح لسانك ولسان الشاعر
تسلم يمناك يا الذيب على الاختيار الرائع

بسكويتة · #3 (**permalink**) 16-03-2008, 06:46 PM

سلمت يمناك يا زيزووو

زيدان · #4 (**permalink**) 16-03-2008, 07:13 PM

ابو ترمس ..

صح بدنك وانا اخوك ..

ومرور ولا اروع عشت يابو ترمس ..

بسكويته ..

يسلّم قلبك الفـــ شكر لك على المرور ..

السفير · #5 (**permalink**) 16-03-2008, 07:39 PM

صح لسانك ولسان الشاعر

alrahaal · #6 (**permalink**) 16-03-2008, 09:10 PM

عساك سالم زيزو
وصح لسان ابن بديع الشهراني

ايه احبك · #7 (**permalink**) 17-03-2008, 03:48 AM

فان كان ماعشت التماني والامـال
مع الظروف القاسيه ويش اسـوي

صح لسان الشاعر
وسلمت يمناك على هذا الاختيار المميز
يعطيك العافيه
وتقبل مروري

كــــــــــــــــــــــــانت هنـــــــــــــــــــــــا

ايه احبك

رميزان · #8 (**permalink**) 17-03-2008, 07:36 AM

خذ ردها يا سيزو سيزو ولا متسوبيشي ههههههههههه
يا مرحبأ وهلين يا طيب الفال = انت وصلعتك ذيك الي كنها صلعة مهوي
الله الله من قصيده رد عليها ههههههههه مشكور على النقل الرائع

Dark angel · #9 (**permalink**) 17-03-2008, 12:01 PM

الله لايحرمنا من قصايدك المختاره زيدان
لأهنــتٌ

زيدان · #10 (**permalink**) 18-03-2008, 03:36 AM

اقتباس:

المشاركة الأصلية كتبت بواسطة رميزان

خذ ردها يا سيزو سيزو ولا متسوبيشي ههههههههههه
يا مرحبأ وهلين يا طيب الفال = انت وصلعتك ذيك الي كنها صلعة مهوي
الله الله من قصيده رد عليها ههههههههه مشكور على النقل الرائع

اما عاد صلعه مهوي من يفسرها ذي ؟؟؟

هاك الرد :

يامرحبا بك من الجال للجال ..

واشرب فناجيلك على جال ضوي ..

نشطتني والله يارميزان يســـلمو ع المرور المثير !!

وفالك البيرق !!

اقتباس:

المشاركة الأصلية كتبت بواسطة كلك حركات

الله لايحرمنا من قصايدك المختاره زيدان

لأهنــتٌ

والله لايحرمني من تواجدك يالغالي ..

يسعدك ربي ..