السلام عليكم ورحمة الله وبركاته

عندي كم سؤال وياليت اللي عنده خلفيه يجاوبني ..

كم رااتب الاداريه بالجاامعه ..؟ طبعا بشهاده البكالوريس

وهل في مجال للتحويل من اداريه بجامعه الى اداريه بمدرسه ...وهل فيه فرق بالررواتب ..؟؟
وعلى اي مرتبه ؟؟

والا الراتب واحد ..؟

والله يعطيكم الف عاافيه ..

وعليكم السلام ورحمة الله وبركاته الاداريات راتبهن واحد فالمدرسة أو الجامعة
عالمرتبة السادسة والراتب ٦ الاف وعليها الا اللي تخصصهن حاسب
عالمرتبة السابعة
بس الفرررق اللي فالمدرسة يعطلن مع المدارس واللي فالجامعات الله يعينهن
مالهن الا اجازات مثل باقي الموظفين

رفـــــــــــــــــــــــــع

معليش قطع النت وطلعت غصب ولاجاوبت
يالغوالي اللي أعرفه ان الاداريات عموما يتبعن لسلم الوظائف
العااام اذا جامعيات عالمرتبة الساادسة
والمعلمات على سلم الوظائف التعليمية ورواتبهن تختلف
لكن فيه معلمات حولن مرشدات طلابيات أو وكيلات طبعا هالفئة مدري
وش وضعها لكن اعتقد انها في سلم التعليمي
بالنسبة للتحويل هو كااان ينفع وعادي جدا لكن الحين مدري تغيرت أشياء كثيرة
وفي آخر تصريح لآخر مفاضلة بينوا ان اللي على مرتبة مستحقة مايحق لها تدخل
في التعليمي بس شكل هالشيء بس للأمر الملكي
واتوقع بعد كذا عادي لاني أشوف عساكر يفصلون ويتعينون معلمين فمااعتقد راح
يرفضون تحويل الادارية لمعلمة

مغسي اختي حلمي

شاكرة لك للتوضيح
وجزيتي خيرا

ررررفع

صريحة / سؤالك حسب ما فهمته:
موظفة حكومية لدى احدي الجامعات السعودية .. طبيعة عملها اداري ، هل يحق لها النقل لدى احدى المدارس الحكومية للعمل الاداري؟ و كم الراتب ؟

ج/ نظاما: يحق لها تقديم طلب نقل وظيفي، من الجامعة الى أملاك وزارة التربية و التعليم (تحديدا المدرسة ) ، شروط النقل:
موافقة الجامعة + موافقة وزارة التربية + إجراءات النقل مع ديوان الخدمة

اذا كانت الموظفة معينة على المرتبة التي تستحقها بناءا على السلم العام لديوان الخدمة (وهذا الغالب) الراتب لا يتغير