بسم الله الرحمن الرحيم

السلام عليكم ورحمة الله وبركاته

بصـرآحه بعد تفكير عميق ,بديت في مشروع تربيه أرآنب .. طبعآ المكان في البيت بيكون فوق السطح , مع تجهيز المكان لها ..

ولكن محتآج نصايحكم , وكمان أتمنى الأخوان يستفيدون منها ..

الزين بالمشروع إن الآرنب .. مده حملها 30 الى 32 يوم + بأمكآن الذكر تلقيحها بعد الولاده بـ 6 الى 10 ساعات خلال هذه الفتره بأمكآن الرحم إن يتأقلم .. مده تربيه الصغار من 40 الى 45 يوم وقتها يكون جاهزه للبيع .. وأنتاجها جميل جدآ بدرجه إن الأرنب الواحده تلد من 5 الى 12 صغار .. > يعني انتاجها سريع ومشروع حلو وممتع بنفس الوقت .

اول شي اخوي اسمح لي اقول لك انك خسران لو تبي تحطها بالسطح وين عايش فيه الله يحفظك هالشي غلط وتبي تذبحها

اول شي وش النوع اللي انت حاب تشتغل فيه ...؟؟
فيه انواع كثيره
نوع بري مرغوب بالسوق للاكل
نوع مثلاً امريكي مايتحمل اجوائك بالسعوديه وغيره وغيره
وش اللي تفكر انت تربي اي نوع
الحاجه الثانيه وش كونت من راس مال وهل انت عاطل ..؟
وهل بالامكان الاستعانه بصديق يعني اقرب استراحه تسويها فيها وهو الافضل
واذا تعذر عليك ذلك اقرب اقربائك عنده غنم تروح وتسوي مشروعك فيه
والاهم انك تهتم لحلال بالحيل من ناحية الاكل والتحصينات من الامراض
وطريقة تعاملك مع الاطفال وامهم ضروري تعرفها
وبيوت الارانب والله ناسي وش اسمها لان لي فترة طويله عنها
تشوف ارخص شي بالسوق وتشتريها والاهم قدرتك على العزل كل انثى باطفالها بعد الولاده
وانت اذا ماتبي تفتح مشروعك يزيد وينجح وتكبره اكثر واكثر ولا لاتسويه
حتى لو تبي تبدا بأرنبين ماعندك مشكله
بس الاهم الفكره وش ناويها
ومشروعك لاتحطه بالبيييييييييييت اهم شي

فكر في صحتك اعتقد بمكان مفتوح حوش والااستراحة او مزرعة والفكرة حلووووووووووووة ( موب شينة )

[align=center]مشروع جميل ومفيهوش اى شك

لكن المهم المكان يكون كويس واهم شى التوزيع والبيع يكون مضمون

ولو تحب شريك معاك انا حاضر

ولك تحياتى[/align]

أم الشبل ..

منوره ..


حسام ..

حيآك ربي .. حاليآ لا ياغالي ولكن ان شاء الله لو احتجت بالأأيام الجايه راح اخبرك ..

ولكن أنت من وين ؟

[align=center]اخى الكريم انا هنا فى الرياض[/align]

اخوي احلي مافي الارانب انتاجها ماشاء الله تبارك الله


انت شكلك قريب كل شي عن الارانب وفاهم الانواع والاصناف


عندك الشنشله حجمة كبير والام تولد ماشاء الله حول 12

بس اخوي اهم شي ان كنت من الرياض او المناطق الحاره حاول تبرد علي الارانب ولا تنسي تطعيم الجرب والمعوي

مشروع جدا جميل وسهل ومربح
اهم شي المكاان
بالسطح تحتاج الى مواسير كبيره تسويه شبكه عشااان يدخلووو فيهاااا
وتراب وانت بكرامة

تقدر يالغآلي تشتشري البطارية حق الأرانب وتبدآ ببطارية وحدة وكذآ الربح بيكون اضعآآف