بنات يعني راح تطلع أسمائنا ثم تروح للخدمة المدنية ولا كيف ؟

اخواتي تكفون قعدت اوسوس اللحين
بنسبه للموهلات المطلوب للمساعد اداري الرياض المرتبه الرابعه بس ثانويه فقط
وانا عندي دورة حاسب ٣شهور ودورة معارف وعطيتهم صوره
وبعدين بنات تكفون ردو اللحين جداره وش دخلها في الموضوع
انا ماسجلت في جداره ابدا لان شهادتي ثانوي
يعني لاازم اسجل في موقع جداره تكفون ردو علي
تكفون ردو
ودمتم بحفظ الله

مساء الخير


أخوي دندن لاتسكت على حقك

لاحول ولاقوة إلا بالله ،،، الله يعوضك بافضل منها اخونا dndn ،،،واحمد ربك ماقدمت استقالتك وتسرعت ،،
والله مهزلة لابعد حد والمشكلة مشكلة الي عمل معك المقابلة كيف موظف مايعرف سياسة الخدمة المدنية وطريقة رفض الموهلات الاعلى ،، على كذا يابنات انا وحده بيتم استبعادي بسبب الخبرات وكثرة الدورات والمطلوب لمساعد اداري المرتبة الرابعه خبرة مبتدئه الحمد لله على كل حال وزين اني عرفت من بدري عشان اركز بجامعتي وأمسك وظيفتي ياحبي لها حتى لو تم قبولي من وزارة العمل الخدمة المدنية بترفضني يعني ماراح اسوي اكشن وأفرح

اللهم لك الحمد كما ينبغى لجلال وجهك وعظيم سلطانك
بالتوفيق يارب لكم يابنات المنتدى

بنت سلاطين نجد لا مو لازم تسجلين في جدارة ،، هم يقولون افتحوا جدارة عشان تشوفون صرتوا موظفين رسمي ولالا
لان جدارة جهه حكومية لو توظفتي حكومي بيطلع في حسابك انك خلاص توظفتي <<هذا اللي فهمته
ودورة الحاسب ماراح تظرك في التقديم بالعكس تدعم السي في ،، الكلام على الدبلومات هي اللي تزيد من الخبرة
هذا انا اللي فاهمته

والله يعوظك يارب خير ياللي استبعدوك من الوظيفه
ولايضيق صدرك على الفلوس
تروح وتحي وقل لعلها خيره ولعل ربي صارف عنك شر كان بيجيك لو كنت قاعد وماسافرت
الحمدلله انك مااستقلت من وظيفتك هذا شيء زين احمدي ربي عليه
وبيعوظك ربي بإذن الله