السلام عليكم ورحمة الله وبركاته


لاهنتوا اخواني جيت ابي فزعتكم والمشوره


انا شاب سعودي حبيت ابتدي بمشروع يمكن الله يرزقني منه

فحبيت اشاركم فكرتي

انا بفتح محل فحص سيارات بالكمبيوتر للي ناوين يشترون سيارات مستعمله

اللي عنده خلفيه عن الموضوع يفيدني لاهنتم

والنقاط اللي ودي تشرحونها لي

التكلفه التقريبيه

كيف احصل ع الاجهزه وبكم

كيف احصل ع العماله المختصه وهاذي اهم نقطه


وجزاكم الله الف خير

الرجاء من الاخوه مساعدتي والابنتحر...؟


كلمة ليسة بسيطه


:::

( رب كلمة لا تلقي لها بالآ تهوي بك سبعين خريفا في نار جهنم )
كما قال رسول الله صلى الله علية وسلم

رب كلمة يقولها العبد يرفعه الله سبحانه وتعالى بها في الجنة درجات عالية،

ورب كلمة يقولها العبد يهبط بها في دركات جهنم. وفي الحديث:

(إن العبد ليتكلم بالكلمة من رضوان الله لا يلقي لها بالاً -لا يظن أنه سيكون لها أثر عظيم-

يرفعه الله بها في الجنة درجات

، وإن العبد ليتكلم بالكلمة من سخط الله لا يلقي لها بالاً تهوي به في النار سبعين خريفاً)،

أي كلمة يقولها العبد لا يهتم لها ولا يلقي لها بالاً ولا تأخذ من نفسه

::::


عن أبي هريرة ، عن النبي صلى الله عليه وسلم قال: ( إن الرجل ليتكلم بالكلمة يضحك بها جلساءه يهوي بها من أبعدالثريا)


::::
عن أبي هريرة قال: أتي رسول الله صلى الله عليه وسلم بشارب، فقال: (اضربوه)، فمنا الضارب بيده، ومنا الضارب بنعله، فقال بعض القوم: أخزاك الله، فقال رسول الله صلى الله عليه وسلم: (لا تقولوا هكذا، لا تعينوا الشيطان عليه).



بالتوفيق للجميع

اخي الفاضل شف سلمك الله انصحك بالتريث قبل البدء بالمشروع فترة لاتقل عن 4 شهور
للاسباب التاليه
الموقع
والاهم من الموقع العماله
والاهم من العماله الاجهزه شغلتها عويصه شوي بس لاتخاف بمعنى عويصه انها تخوف لا
فيه اجهزه معينه اول كانت ب8000 ريال صينيه وشغاله ميه ميه
والحين صار يجيبونها بــ 2500
طريقتها كلبس ومعه اكثر من 20 وصله لان كل ماركة سيارة لها وصله معينه
تشبك تحت الدريكسون وتشيك تشييك سريع بالكمبيوتر على السياره + انها تصلح الاعطال والغالب العطل اللي يقدر يصلحه لك هالجهاز يكون اعادة فورمات او برمجه كمثال حساس الهواء حق الكفر للسياره التشارجر طلعت لمبته يبرمجه لك اذا ماهو خربان
وغيره سوالف كثيره يسويها لك الشاهد يطلع لك الموضوع كامل بايصال السعر حق الفحص
يتراوح مابين 150 الى 250 ريال حسب السيارة (راعي السيارة اذا كشخه الزخه بالسعر طفران خذ 150 وقل له معوضين ياارب )
الشغله الثاني جهاز للسمكره تحاول تاخذ احلى شي بالسوق كجوده
هذا اللي براسي
والاهم تتاخر حتى تحصل لك شخص متمرس للشغله هذي
وياليت اعرف راس المال اللي ناوي تسوي به المشروع
لان لي معرفه بشخص عنده الاجهزه وموظف بورشه
وينتظر اليوم قبل بكره يطلع منها
لكن نظامه يومه سنه خايف يطلع لان عنده عيال وامين سوري جنسيته
لو تبي تتعرف عليه ابشر راسلني خاص اذا موقعك بالرياض
واقابلكم ببعض واتفق مع الرجال
وتبي مشروعك ينجح ويمشي خلك نص نص انت وياه من غير راتب (لان عنده زبائن )
واقل زبون يجيه سيارته تسوى لايقل عن 200 الف
وانت حر
ماتكلمت هالكلام معك الا لان عندي خبره بسيطه من سوالف الرجال اللي اعرفه ولو صبرت اكثر بتعرف اسرار اكثر وبالتوفيق
الموقع الرياض

جزاك الله الف خير
ومنكم نستفيد

المشاهدات 77 ومافيه احد يرد على سؤالي

ابو نايف ارسلت لك على الخاص وماراحت مدري وش المشكله
على العموم
انا حاب ترسل لي رقم السوري على الخاص وانشاء الله نتفق معا بعض
الله يرزقنا واياك اخوي ابو نايف

ابو نايف ياليت لو ترسل لي رقمه
ولك جزيل الشكر