السلام عليكم ورحمة الله وبركاته
اخواني بصراحه حاب اطرح عليكم موضوع واتمنى النقاش به لأهميته:


قبل فتره كنت واقف عند اشاره المهم جنبي سياره معه عائله المهم مر بعض الشباب بسيارتهم

ووقفوا عند اشاره وكان الاغاني الي بآخر الشارع يسمعه ..

بمثل هالحاله هل هؤلاء الشباب لايستحون ؟؟ ام لم يجدو رادع

ياخي محد قالك لاتسمع اغاني بس ياخي اذنك مو وسخه علشان ترفع الصوت لأخر شي وتشوف
جنبك عائله ؟؟
المفروض تحترم العائله وتقصر الصوت


قصه ثانيه

كنت طالع انا وصديقي للممشى نبي نمشي فيه

المهم كان رجال جالس هو وزوجته وباين انهم توهم متزوجين ..المهم اجتمعوا بعض الشباب
بسيارتهم وبدو يصارخون ويضحكون بأعلى صوتهم وكأنهم سكارى ..

المهم انا معي صديقي قال تبينا نروح نكلمهم ؟؟؟
قلت انا وش دخلنا ..مالنا غير نبلغ الهيئه او الشرطه يشوفون حل لمثل هذه التصرفات

..
انا استغرب من بعض الشباب مثل هالتصرفات هل يظنون انها من المرجله ؟؟؟
مدري متى يتعلمون الادب في الشارع ويحترمو انفوسهم
هل هما يرضون لو كانوا بهالاماكن اجي ارفع صوت المسجل ومعك اهلك ؟؟
ولا انت جالس انت واهلك اجي اضحك واسوي اصوات عاليه واكرهك حتى بالطلعه ؟؟؟

اتمنى تعطونا رايكم بمثل هالتصرفات