السلام عليكم ورحمة الله وبركاته
مرحبا اخواني

حاب استفسر من الاشخاص اللي دايم يروحون للامارات للتجاره

انا يوم الثلاثاء بسافر للامارات وش تنصحوني اجيب من هناك واتجر فيه غير الزعفران والبخور؟؟؟

والله ولي التوفيق.

مشكلتك تسال سؤال
الكل يقول لاتسال التاجر وش يشتغل فيه لانه ماراح يعلمك

لكن خلك على الزعفران والبخور
وانصحك باطياب عطورات ولاتكثر
وتعال بيع فيها على المحلات وزباينك
وتبي تيسهل امورك ان شاء الله

انا قبل يومين كنت بالامارات زرت شارع نايف شارع عكاظ سوق الايرانين مرشد كـلها رحتها بالنسبة للعطور انسب مكان شفته كونر باريس بتشوفها في بداية شارع نايف شارع العطور طبعا هو يبيه بالجمله ..

كـل السوق غالي بما انك خليجي ومع فرق العمله في بعض الحاجات بتكون مشتراها بالـسعوديه احسن لك ولازم تعرف شيء واحد ان السعودي له سعر والاماراتي له سعر والعماني له سعر واهل الديرة لهم سعر الخليجي من 50درهم ونازل الزياده على السعر الاصلي وفي منهم بالـ 100 درهم وكل محل وع حسب طريقته وزباينه .
انصحك اخوي انك تخلي يوم للاستعلام عن الاسعار وثاني يوم للشراء هو صحيح فيها تععب بس صدقني راح توفر على نفسك الكثير وراح تكتشف اللعبه في الاسعار على السعودين خـاصـة

والله يوفقك ويرزقك اخوي وتروح وترجع بالسلامه
تقبل تحياتي

السلام عليكم ورحمة الله وبركاته

شكرا للجميع على المرور
واذا فيه نصائح ثانيه كلي آذان صاغيه